[日劇]因為豐哥，所以睇《BOSS》

光看官網照片已經迷死人(豐哥啊…)…會被打的，好好，清醒一點先呀吓。實在一集下來劇集本身和官網照片一樣很醒神，春天萬物都被喚醒起來了~ (被閃到傻了…)

再貼多張，點睇都唔似捉賊野吧？ケンドーコバヤシ和温水洋一(最後排的兩位叔叔…)係咪都忽然model上身？唔覺我以為係《視城風雲》呢(沒有這樣一部劇吧﹗)上面一張豐哥正面笑比這張雙眉緊鎖的更迷人呢…(恵梨香妹妹條裙就有點…似求其披塊布上身…丐幫的朋友嗎？)

花痴了…不過淨係官網都令本人死心塌地鎖定要看，勁吧﹗ (除了花痴外，仲要注意有劇透)

《BOSS》 是警匪片，但感覺很《TOP CASTER》(無獨有偶琴日見到無記在播…令人懷念的矢田亞希子和千秋王子…)，也是天海大姐lead住一班個性各異的組員，身處於被看死的小組裡(怎 麼新聞節目都係收視太低就會被cut掉？幾時會有人拍一套講劇組人員辛酸史既呢？)，如何以自己本身的能力和魅力感染身邊一眾騎呢的組員，團結一致打拼創出成績咁。要有個性得來又夠大姐本色charisma的，都係天海吧。佢呢個大澤繪理子(個名又反而很女性喎…)是個有能力，但私下又有點冒失，幽默又有點可愛(特別係佢以心理戰打嬴個犯，之後被佢串平胸時…笑翻我了…)，角色比《TOP》時更討好(係，其實我一路唔太喜歡睇天海的…)

我的看點豐哥演天海的同期兼好友野立信次郎，就係佢一手將大澤從美國拉回來，領導佢提議下成立的新小組做室長。一開始大澤野立房度出現…我仲以為…哈哈哈， 其實佢地係好朋友啫。實在太耐無睇過豐哥做啲幽默挑皮，輕挑中不失認真，串咀中不失溫文的角色了(上一次應該係01年的《一夜夫妻要結婚》)(要承認，我 是很buy《悠長假期》裡野獸真二那種角色的)，拜託千萬唔好再來《beach boys》、《瑠璃の島》那種憂鬱到好似成村人得罪佢的悲情男子，呢次咪幾好﹗~尤其是遇到身懷炸彈狂徒時佢居然一手推大澤擋住自己…我再笑翻了…

型男一個都唔夠，還要來個片桐琢磨（玉山鉄二），佢就係憂鬱又滿懷心事的元熱血刑警，好似好多故事，而片桐同大澤的故事野立都好似好清楚咁，好呀好呀，豐哥多啲戲啊﹗

另外的組員有熱血新人花形一平（溝端淳平）(角色十足十《rookie》裡的愛田誠…)、冒失鬼山村啓輔（温水洋一）(放在香港應該係醫管局唔見usb或配錯藥的員工…XDDD)、走黑道路線的岩井善治（ケンドーコバヤシ）和又懶又唔想同人溝通的木元真実（戸田恵梨香），係咪套套日劇都係咁既呢？啲傳說中既 精英部隊選出來的都唔多精英，仲相當騎呢…諗起上季的《RESCUE》和《VOICE》呢…

話實上述兩部劇都悶到抽筋(要不是斗真真係唔會煲晒《VOICE》…)，這一部《BOSS》劇情緊湊，各組員查案抽絲剝繭過程都相當寫實(點解總係要搵個美女來做鑑證科主任呢？唔係真矢みき了，今回係吉瀬美智子，大嫂﹗《魔王》毒還未解開…哈)，特別係最後大澤和犯人對質一場真係好緊張(回看《VOICE》 斗真告發阿爸不守醫德，居然可以一點高潮也帶不出﹗)，感覺良好感覺良好，希望水準能保持啦。
不過講來講去，最緊要係豐哥戲份繼續多，繼續輕挑浮燥呢~

(說時遲那時快，斗真的《魔女裁判》都快播了…)

(10/1/12後按：這套我好似只看到中間，卒之都無睇到反野隆史客串的大結局，唔知呢，案件唔係唔好看，不過我提不起興趣睇啫…鬼叫豐哥出場少咩…哈哈)
******************************************
延伸閱讀：
キラキラ(或曰bling bling)到暈的官網
《Boss》 初評 (日本藝能討論區)