日文後遺症

其實呢個後遺症當年學英文時都有，就是在日常生活中見到剛學過的生字或事會不禁注目留神，如街上的路牌…小時候試過好幾次企定定望街差點和媽媽走失的說…

學了日文(行為包括正經溫書和煲劇)後，怪異行為包括：

望著日文產品標籤發呆--無無聊發現手上的物件有以日文寫的產品標籤時，本人總禁不住看看曉唔曉讀，尤其是無印文具--最愛研究點讀和那個お客様室でんわ03-3989-5200 是否真能打通。然後是產品本身讀音，當年，無聊的本人上堂上到悶就最愛拎晒啲筆、擦膠、間尺出呢睇，當係溫書真係幾一流的說﹗啲顏色又片假又平假，初學日 文時要記晒都幾係野--所以，奸詐的本人於日文test時就預備了一袋無印的文具，以備入場抄假名用的說…(都說我是呃gpa…)

每每在街上、報紙、雜誌見到日文句子都不自禁會讀讀睇吓自己識唔識…前兩日走吓雞記試個新咖哩雞飯，排隊無聊就係咁睇佢個廣告牌…唔明，點解「咖哩吉列雞便當」日文係「チキン　カツカレーライス」而唔係「弁当」？(佢都係咁寫啦個中文，雖然用了日文漢字…)話時話，個飯幾好食。

唔覺意爆日文--叫得做唔覺意當意唔係出口成文，只無意中吐了係一粒半粒字詞。包括「吓」會叫了「へ(heeeee)」，「糟糕」會唔覺意說了「やべっ」 ，和本人最鐘意話人「傻仔」既「バカ」…還有已講到身邊人慣咗既「そうですね」…

對得嗰樣野多，真係會唔覺意學咗。正如之前跟住外國老細一樣，之前我都唔會講"just kidding"、"the reason why is..."…跟住佢日日up就入晒腦，講到變口頭禪咁。

忘我境界listening--呢個病都幾嚴重，本人在商場食店聽到咩歌會好自己開search engine諗番個歌名和歌手，中日外文都如是，除非真係聽都未聽過，只要有印象的一定死諗爛諗諗到記得為止，起碼要估到歌名或歌手是但一樣…基本上我覺得我幾有潛質去玩「超級無敵估歌仔」的說。

話說琴日去板X食壽司(唔再全名同佢賣廣告啦，仲要整咁大pat wasabi攻擊我﹗)，背景音樂竟然全部都係日劇主題曲﹗本人不禁全程豎起耳仔估歌仔：先有無難度的《First Love》(魔女之條件)，後有《Forever》(Beach Boys)，不如順手整埋首《La La La Love Song》啦﹗呢啲咁經典既一聽Intro就知邊首，過不久就有啲新啲既選擇：《Realize》(melody/龍櫻)和山下智久首《抱いてセニョリータ》(欺詐獵人)…咁啱係我睇過的劇和識的歌啊…我懷疑揀歌的人好鐘意山下智久的說，真係想順手點埋《龍櫻》首插曲《カラフル》和《野豬大改造》首《青春 アミーゴ》囉，順手丫嘛﹗嘻嘻。
**************************************************
剛剛吃飯時看到這首歌…好喜歡啊~忍唔住即刻搵呢聽…

Kylie Minogue -- Especially for you

唔多聽英文歌的本人在半個鐘內搵到首歌出呢…勁呀﹗哈哈哈