CID的左輪槍

有言在先，我係唔識槍既，啲咩點三八、左輪、AK47、黑星呢啲名係睇戲學番嚟。有錯就請多多指教。

戲入面警察係用「嘭、嘭」聲的左輪，省港奇兵用大大枝機關槍(《赤裸羔羊》都係)，黑社會啲槍通常係「蕉蕉聲」，型啲的說。呢個concept從今可能要改了，話說今日睇報導說CID將會轉槍，六飛「嘭、嘭」聲的左輪將會退役。

戲入面拎左輪的唔使問都知係差人，一睇就知。那麼，電視台和各道具大佬看來要入過批新道具了。

基本上我一直都有唔明點解差人支槍得六飛咁大把？(但係戲入啲差人支槍好神，嘭極都有)火力又唔夠人勁？入子彈又要逐粒逐粒入咁麻煩(仲要轉一轉個子彈匣的說)？人家一把半自動手槍入彈只需一排的攝入手柄中，轉個頭就攪掂…

不能否認我是睇警匪片睇上腦﹗

今日睇一睇報紙又學咗野，原來左輪和紳士風度有關。話說警隊提倡以偵探頭腦破案，避免與罪犯鬥火力強大，傷及無辜。難怪，匪徒槍械日新月異，警察卻依然和左輪共同上路，我多年疑問終於解開咗。

繼制服之後是換槍，戲入面又少一個熟悉的警察icon了，還有那一下很有型的轉子彈匣動作，很快只能在戲中回味了。

寫完不禁想睇番轉《國產零零漆》惡補吓啲槍既知識…