2007/01/11

過癮·張震嶽

想寫吓張震嶽,話說好幾年前今天出發遊北京,當時陪著我的是張震嶽《秘密基地》,四天內無論是行故宮上長城還是掃街頭小吃,耳朵都是緊緊貼著discman,十三首歌不停重覆而重覆。於是,想起北京就想起這張碟,而且是適宜在這個時節聽的…好讓我回味吓當年的青蔥歲月。

題目我想了很久,首先諗到「死0靚仔」,又或者「麻甩仔/佬」,咁話人又好似唔係幾好…

張震嶽給我感覺是很地道,將佢放係香港就係地道「MK仔」,直腸直肚,有野就講,有飯就食,好似當年佐記slogan話齋「唔扮野做自己」。雖然其貌不揚,時而麻甩,又時而情深,麻甩(仔)地唱完《愛之初體驗》,轉個頭可以唱殺死無數少女的《愛我別走》,灰咗既時候整首灰到暈的《認輸》,轉個頭又可以粗口橫飛的唱《馬拉桑》(台灣原住民話,解喝醉,飲醉酒爆粗…都唔奇既…),完全估佢唔到。

《這個下午很無聊》、《秘密基地》兩張碟發行時本人剛好轉校,識了幾位聽歌怪新同學,他們是渴音樂渴到上堂無聊就會將headphone從校褸邊攝到耳邊聽歌,對當年不少本地偶像他們嚏之以鼻的他們不是聽台灣歌手就係西洋樂曲,果然係三人行必有我師,自小聽廣東歌的本人在同學介紹下開始聽張震嶽,著實令本人大感新鮮,從小本人很少聽band sound--怕嘈也。轉個頭聽上癮就掃晒這兩張碟,聽罷…就係「過癮」﹗那時候人人都dub一餅係屋企看門口,突然間聽張震嶽係班上一個trend,能和他匹敵的只有陳奕迅,佢既《我的快樂時代》、《與我常在》聽到隻碟爛咁濟,我又回帶,陳生華星年代本人至愛。

見慣(扮)乖仔乖女偶像,我真未見過個歌手咁有態度的大大聲行出呢話《我要錢》,又大大聲話你知我食煙飲酒(香港歌手係係寧俾人知莫被人見架嘛﹗),明比你知佢鐘意睇/追女仔,這種爽和直真的很過癮,配合當年耍帥(個term好台灣啊﹗)的年紀,邊行邊聽真係好型﹗嘩哈哈。碟內除了麻甩情懷外,總有幾首情深款款的,大熱的《愛我別走》,另外如《秘密》、《勇氣》、《愛不要停擺》(呢首係本人至愛﹗)、《分手吧》…聽完麻甩歌再聽這些情深的,真係會想像唔到係同一個人…《秘密》更係當年唱K必唱金曲,縱然本人個key完全唱唔到男人歌的說。

再聽他的專輯已是02年的《等我有一天》,麻甩仔開始「佬」化了—整張碟感覺有點灰,唔似之前咁green。《等我有一天》和《雙手插口袋》靜待時來運到,沒有《認輸》那種認命的沉重,《蕾蕾》是個未婚媽媽的故事,《秋天冬天》、《微風香水》和《只是朋友》都是感情玩完之後苦澀的回憶。也許人大了體驗多了,慢慢會看透世情是甚麼一回事,相信人生就好像cycle一樣,黑仔過後一切會重來~。敝除報紙雜誌中那個唱粗口歌、露pat pat古靈精怪的張生,唱片中的他很值得細味,歌和人一樣都在成長著的說。

當年未興互聯網,我一直以為《這個下午很無聊》是他第一張大碟,誰不知又係同學仔好介紹,原來張生有張十萬世紀前的專輯叫《就是喜歡你》,封面仲係有頭髮的說﹗天呀,點題歌《就是喜歡你》即係古巨基的《藍天與白雲》國語版,試諗吓著工人褲的古巨基換上張震嶽個樣拎住氣球跟住唱「就是喜歡你…Wooooohhhhh」…個畫面係幾…震撼﹗再望一望原曲作曲人:桑田佳佑…簡直係世紀歐吉桑crossover,兩人都係時而麻甩時而情深,張生選桑田叔的歌來改編似係有啲玄機…

講開巨基,98年他一張《路邊攤》專輯入面一首《幸福號列車》就係由張震嶽作曲,假音王子頓時型咗,真係未聽過咁型的古巨基,呢首歌係本人熱烈推介。

不知何解我會想到90年代尾的張震嶽和范曉萱(後小魔女,鏟青年代開始)group為一類,個人覺得兩個唱作人都好喜歡將自己所思所想全部寫進歌詞中,一個麻甩一個女生,當年都係本人熱愛…。

看看歌詞網,張生上兩年只出咗幾張EP,唔知佢幾時先再有碟出呢?﹗期待…雖然我擔心又整啲台語我又唔知佢唱咩…

另外的:
思念張震嶽是一種病
More than 《OK》~張震嶽
最受我歡迎的男歌手
*******************************************
睇過一次這首歌的MV…簡直破壞晒歌者係我心目中過癮麻甩佬形象…

就是喜歡你  張震嶽
作詞:餘人傑 作曲:桑田佳佑

喜歡你看海的樣子 我正偷偷看著妳
妳有點不一樣 說不上來 心裡覺得很快樂 oh...
喜歡你走路的樣子 跟著妳的足跡走
踩著白色浪潮 來到沙灘 情不自禁的唱歌
就是喜歡你 oh-ye...想要跟妳在一起
就是喜歡妳 oh-ye...輕輕鬆鬆的想告訴你 我想認識妳
海邊只有妳和我 還有我們的心跳
雖然沒有說話 面對大海 妳的心情我知道 oh...
許多話想跟妳說 妳的眼睛像在笑
拍拍妳的小狗 說聲嗨 等妳回頭看看我
就是喜歡你 oh-ye...想要跟妳在一起
就是喜歡你 oh-ye...輕輕鬆鬆地想告訴你 我很喜歡妳...
我在想 想牽妳的手 別怕羞 儘管說 別想太多才會快樂
喜歡你 應該知道 有話不急 留在春夏秋冬慢慢說..
就是喜歡你 oh-ye...想要跟妳在一起
就是喜歡你 oh-ye...從來都沒有懷疑
就是喜歡你 0h-ye...輕輕鬆鬆地想告訴你 我很喜歡你...

18 則留言:

  1. 去WildDayOut先發現原來好多人都鍾意佢,
    個下先發現身邊個個都係佢hardcore fan屎,
    一邊死跳爛跳,
    一邊由愛之初體驗唱到自由, 分手吧, 乾妹妹, 我要錢...
    終於搵倒有人一齊唱(叫)o個下...
    感動到想喊...

    11th Jan 2007 15:49 PM

    回覆刪除
    回覆
    1. 張生成日都有演出WILDDAYOUT…
      所有欣賞張生的人一齊企出呢吧﹗
      我身邊都有好多隱形張震嶽FANS,不過講呢講去都係一首愛我別走

      12th Jan 2007 21:28 PM

      刪除
  2. 佢好耐冇新碟出了...

    11th Jan 2007 19:54 PM

    回覆刪除
    回覆
    1. 希望唔好好似楊乃文咁要等五年…

      12th Jan 2007 21:28 PM

      刪除
  3. 一直覺得張震嶽很帥,音樂也很順耳,是我喜歡的歌手。

    11th Jan 2007 20:20 PM

    回覆刪除
    回覆
    1. 死啦…上文仲話佢其…貌…不…
      佢啲歌好正好爽,聽起來很過癮,快歌慢歌本人都照聽可也~

      12th Jan 2007 21:29 PM

      刪除
  4. 試諗吓著工人褲的古巨基換上張震嶽個樣拎住氣球跟住唱「就是喜歡你…WOOOOHHHHHH」…個畫面係幾…震撼﹗

    我orz了...

    11th Jan 2007 21:20 PM

    回覆刪除
    回覆
    1. 你下次唱K睇呢個MV啦,真係咩美好印象都破壞晒架﹗

      12th Jan 2007 21:30 PM

      刪除
  5. 好聽的歌會勾起一些人或事的回憶及感覺,[秘密]便是其一 ... 經你一提,往事又上腦了 ...

    11th Jan 2007 22:16 PM

    回覆刪除
    回覆
    1. 一首歌一個故事嘛﹗

      12th Jan 2007 21:30 PM

      刪除
  6. 乾妹妹,我要錢,愛之初體驗,愛我別走
    隻隻都係當年愛歌~~~形格十足,又有個性~~~~

    11th Jan 2007 23:37 PM

    回覆刪除
    回覆
    1. 直頭係一個時代的年輕人代言歌~~
      當年個個同學都講張震嶽的說…

      12th Jan 2007 21:31 PM

      刪除
  7. 一個字「型」~

    12th Jan 2007 03:28 AM

    回覆刪除
    回覆
    1. 我加多個字:好型﹗

      12th Jan 2007 21:31 PM

      刪除
  8. 喂! 我好鐘意麻甩仔架喎~ 你咁講野架~ haha

    12th Jan 2007 18:53 PM

    回覆刪除
    回覆
    1. 哈…我就係鐘意佢麻甩…個TERM 好POSITIVE架﹗

      12th Jan 2007 21:32 PM

      刪除
  9. 我記得當年他這首歌的時候好陽光的~~~

    13th Jan 2007 15:37 PM

    回覆刪除
    回覆
    1. 難忘第一次睇「就是喜歡你」的震撼,我睇時已被「秘密基地」一碟洗腦,實在好難將之和古巨基的「藍天與白雲」拉埋一齊聯想…

      14th Jan 2007 12:24 PM

      刪除

要講幾句嗎?﹗XD