不能入的時裝(連鎖)店…

是咁的，我想概括講吓一連幾間我覺得十分危險的店：永遠廿一、hen & meat、瘀你ko、沙嘩呀咁，個文章題目…是亂起的…唔關事的啦…哈哈哈

無呀，因為數數手指呢幾年除了多咗好多漢堡包店外，另一個多咗好多既肯定係以前外國先有又陸續登陸香港的連鎖時裝店啦…終於唔使著嚟著去都係左單佬同保斯龍了…

(我太喜歡line camera的這個金毛令仔同埋呢個豹紋框了﹗~~~~而懶人po相發就係喺line camera整完後一手po上去微博，再喺微博度copy條link出嚟po番過嚟blogger…哈哈哈﹗)

永遠廿一
其實永遠廿一座落的京華中心…無咗地標的左單佬和轉彎位的大媽樂我是有少少唔開心的…就如黃金廣場的無印良品一樣是一個年代的地標嚟架嘛(咦，有人care嗎？)…呃，我明既，人係應該進步向前看…而其實，京華左單佬我係好少入，佢近年的出品除了大縷外我都無乜幫襯過了…

題外話講完番返永遠廿一…其實這是很hit的嗎？(我是孤陋寡聞…)…um，話說佢初初開業時正值9度寒天，小的一身羽絨咁行入去睇啲小背心真的很詭異…(也當然沒幫襯啦)。近呢一水佢幾層都開通晒，跟友人惠威喂的走去看看，很爆﹗底下那層正常的，再上…閃衫﹗再上…豹紋(乜咁hit架咩今年？其實小的都係見某人日又豹紋夜又豹紋先留意呢個pattern咋喎，突然發現街頭巷尾的人都在豹紋…連我媽都有兩對豹紋鞋﹗巧京京囉…um…其實我是死忠間條/格仔人嚟既…)…呃，再上，比螢光筆更螢光的螢光衫﹗好爆﹗摸完一輪閃了。某日行過再上去摸，細心睇竟然有啲衫都ok喎(雖然狂野FEEL的更多…)，更開心的是啲飾物，平到十幾蚊有條鍊…巧京京﹗不過之前見到的好爆炸豹紋手圈唔見咗了…取而代之比我發現上圖那條belt…豹在腰上低調中見高調狂野中又見down to earth，幾好。(笑)…um，另外見到有條紫得好紫的紫色(？)scarf，兩樣野加埋一百蚊有找…我覺得好危險囉呢度…以後上堂前都唔好兜京華那邊…囧﹗


Hen & Meat
本來呢家店唔算危險的，但自從佢喺太古城開了一家後就變得好危險，啲one-piece和上衣都幾啱返工，價錢比上面和下面的一家高啲，不過都唔係高得好多…雖然手工…是麻麻的…成日甩線…但我鐘意條裙喎﹗(呃…真係自己攞嚟衰…)…

睇番舊相…我果然是熱情不變地支持間條(笑)，我記得嗰次係去開日本語講座時就順手去一轉皇后大道中的店，其實都唔順手…行都幾遠架喎﹗講開，呢家店遲吓會變成沙嘩(博友提供又好似說唔係…)…呃，不過都唔緊要啦，因為我好少行中環店的…嘻嘻…


瘀你ko
看湯禎兆本新書(上面幅舊相的文中也說了買了本當時剛出的…我果然是很consistent啦)說起三浦展09年的《簡單族》一書講到，呢個族群買得最多的牌子是無印和瘀你ko…嘩嘩嘩﹗我即刻對號入座啦﹗打文時我正…內內外外上上下下都係瘀記喎﹗

而其實我一直有疑問，明明佢個牌子寫住「ユニクロ」，咁我跟住讀就係yunikuro啦，但店家的人又自稱「yu-ni-coat」架喎，kuro點解會咗coat呢？我好疑惑呀﹗

呃，呢家店可說是這幾家入面最危險的一家，頭一家啲衫太花俏，第二家合我意的比較多但都係一時時，但呢家，便服唔啱返工服可能啱，外面的唔啱裡面的特價攪到我又想買，跟住仲有睡衣拖鞋遮喎﹗(係，呢幾樣我都入了幾套…)呃，其實前兩日行入去見到有件間條TEE特價99蚊…說時遲那時快買咗返屋企…其實年初先買了件差不多的只係唔同色系…囧﹗(唔同色都係唔同啦﹗)

不過，感覺呢家店啲衫無剛剛開時咁開心，啲CROSSOVER系列有啲款都好騎呢，啲PRINT TEE又好易撞到一街都係…是SKIP的…呀，講起上嚟，要留意吓幾時有特價去執番條牛記先…(講開又講，呢期店入面啲PRINT AD呢，其中一張係巴士高…幾有型…N年前有過長瀨添喎﹗)


沙嘩
呢家因為最近都要去老銅，仲要山長水遠行去比火星還要危險的時代廣場而少行(我竟然是去德福行的機會比較多喎﹗)…而呢家店啲衫比較成熟(相對而言)…咁無咁襯台我個史大奧嘛…，通常入去轉個頭就出番嚟…咦，咁係咪唔應該放入呢篇文度呢？﹗XXDDDDDDD

**********************************************************

以上~