[韓劇]《仁醫》之忍不住要說兩咀…

其實呢，自從發癲的《愛情雨》周記後小的諗住都應該唔會有劇令我想每周都發吓文…但…有喎﹗真係忍唔住要講兩咀﹗

係啦，首先係呢場4對眼你眼望我眼…好好笑﹗(咦…我係咪應該改口叫番呢套劇做《dr. 煎》？)

首先我想吐嘈的是，敏英姐姐啲戲真係…獨沽一味「碌大對眼」，當佢成個頭剩番對眼時…um，我明白得番對眼交戲係好困難既…但…使唔使碌到咁大呀﹗

然後講番佢呢個英來的角色，日版的咲被南方大夫的熱血和高強醫術感染了所以一心跟佢學習兼做助手(學護？)，連佢媽媽都被感動了讓佢隨心而行了。咁泡菜呢個英來…其實佢想點？叫陳醫生醫大哥之後又叫人嚟拉佢，人家被拉上刑場又走去搵阿哥出嚟證明佢有醫術，到醫左相大人時諗住佢係咪會開始助手生活時，霍亂漫延時佢又無主動去幫陳醫生手，送陳醫生去活人署的反而係佢阿哥喎﹗(雖然最後佢都係去幫陳醫生醫霍亂了)…呀﹗好煩呀佢…

咦﹗許浚﹗

一路睇我一路諗起某韓劇達人說泡菜版翻拍壽司劇的話一定要勁過，呢套劇真係得到引證了﹗第3集開腦醫左相大人時，我明，無ct丫嘛，陳醫生都確定唔到瘀血喺邊於是只能估估吓…，但開完右邊開左邊係咪爆咗少少…如果再無係咪開埋中間？開開吓咪成個腦骨開晒？好爆炸﹗

而我唔明點解次次做手術都會有個人發難同陳醫生爭執吓先安樂。一開始醫阿哥時英來姐一把刀隊埋去陳醫生度(又攪出一個唔知想點的相擁跌在地…)，跟住救左相大人救救吓阿金敬卓大哥玩埋槍(一個拎刀一個拎槍你們實在天生一對啦)…，嘩﹗人家開緊腦喎﹗你咪玩啦大佬﹗係咪要靠啲外亂先顯得出陳醫生夠熱血呢？仲有﹗第4集陳醫生努力救霍亂病人，阿英來姐終於去幫手的時候，敬卓哥走去話佢女仔人家做乜喺啲咁既地方出現時…用劍﹗呃…真係，有啲夠囉…

最讓我受唔住的是…第4集講霍亂…不停pan住啲人嘔啲白色物出嚟(真係白色的嗎？)…巧京京呀﹗而，朝鮮國看來比江戶城窮和落後很多(看壽司版的喜市和泡菜版的植兒，明明都是個可愛的小朋友…但outlook差上太遠了)，衛生情況看來也差上好多，得陳醫生一個…煮幾多煲寶礦力都唔掂啦﹗啲醫員仲要拉隊閃…陳醫生真係辛苦了…好在，植兒阿爸和李是應(但佢係因為自己個仔出事了才出力幫吧)奔走同佢整點滴工具啦…

呃…我知比較唔啱，但泡菜版真係越睇越火滾…怎麼啦…咁泡菜國唔玩壽司國的熱血係可以理解，但咁重心是甚麼呢？唔係陳醫生的醫術咩？佢仲可唔可以感動到身邊人…會唔會開「陳」友堂呢？一個謎﹗而我頂唔頂得順佢地集集打陣交先肯去醫人的劇情呢？也是一個謎﹗

最後不得不講吓在中哥哥，我決定封佢做最悲慘男二，嬴咗《洪吉童》的昌輝王子…昌輝王子無咗個女一都叫嬴咗個王位丫…，同係庶出的洪吉童因為佢係男一而霸住女一，但阿敬卓哥，阿爸因為佢係庶出而唔會重視佢，阿哥直頭一入屋就一巴扯埋去再一腳伸埋去(咁好功夫既？)，之後未婚妻又鬼咁冷淡(而根據常見劇情，係從來無女一會鐘意男二的…呃)，真係慘到無朋友喎﹗之後佢個friend阿永輝又疑似攪地下活動，咪要決裂埋﹗嘩﹗好慘呀﹗

上一篇：[日/韓劇]兩版《仁醫》
下一篇：[韓劇]《仁醫》吐嘈之3(至12集)
最後一篇：[韓劇]《DR.JIN》結局貼圖文…