2011/08/29

[談銅鑼灣]黃金廣場內分手.在時代門外再聚…

(我也要學夕爺咁用歌詞做題目了嗎?哈哈哈)…老實講,我對黃金感情係重過時代的說…你和誰結伴前來…是否比我精彩…

話說呢,小的朝早是會搭車途經老銅(呢個稱呼係咪粗俗了一點?不過夠親切嘛…哈),咁老銅三日一小變五日一大變已不是新鮮事,啲街頭小店久不久就改頭換面,無啦啦無咗就無咗(就如前陣子發現原來愛爾蘭瘋薯沒了﹗又例如淳壽司可 以我出完文無耐就摺了﹗囧﹗) oh,話說回頭,就是說天天行的街上突然發現多了很多藥房…oh,正確來說應該係擺個藥房擺但其實係賣海味的店,淨係sogo後街一條街已經有四五家了, 我明,我明,自由神重要嘛,econ書教我地同類的店擺埋一齊可以慳information cost,有利可圖嘛﹗我明架,但見到regal那邊開了幾十年的攝影器材(定音響?)店都變燕窩店時就好感概…囧﹗幾時香港會有條藥房街呢?﹗我那方便 睇雜誌和增值的7仔沒了﹗沒了﹗(握拳)

點講呢,這個改變讓我心傷了…雖然做人係應該向前望,但向前之前不如先回頭望…

記得90年中黃金裡面有小的心中兩大無敵潮物:無印(撤出前喎﹗)和red wing專門店,那時候媽媽又開始俾小的有限度去街,小的是島民嘛,要不就去太古城,要不就去銅鑼灣,當年其實太古城都有無印的(就在一期底層izze隔 離個百老x舖,每次行過都懷念吓店入面那架三千幾蚊的單車…),但銅鑼灣多你一家電業城yes station﹗死未﹗路線圖是先到黃金上層的pizza hut食下午茶,然後到無印朝聖+進貢,然後到對面電業城入吓貨咁。

自從無印撤出後黃金轉過型就家品+啡唇潮物集中營咁,可惜都係攪唔起,那家失落的無印,就長留小的心中,唔知點解重開的店總不及過去的美好,我開始有啲明點解軟硬成日都話永遠懷念興發街那間esprit,原來有啲野物是而人非,就係有唔同。

記得總統和銀座會有啲小店賣啲比起金百利(小的很少行百利,雖然百利是潮人代表…哈,我少去老尖嘛,行多個金字的商場讓人感覺良好呀﹗)平一點的衫褲鞋襪, 又唔使吓吓去到mk花園街咁遠,濕平一樂也。係,老銅曾經仲有好多獨立小店,未被chain store攻陷的年代。銀座最記得是那條扮電梯但其實係樓梯的樓梯,想點呀﹗真係諗起都想笑。總統呢…最好奇是那家情趣小店,以前和同學扮行過然後望望望 的…哈哈哈…

時代廣場最開心是行logon/page one呢啲有破產危機的店,但自從太古logon摺了後,logon的樂趣度好像減了,老銅那家很細,去又一城又唔就腳,朗豪的那家更係擠逼戶,都好,使 少好多錢(XDDD)。以前page one就在logon隔離(一篇文出賣晒我啲一把既年紀…哈),真係好危險…連環掃連環買…。搬了上9樓好處是順手行埋琴行玩吓琴,唔好處是相當不就腳, 寧願去二樓書店就算了,反正page one最強(也是我最愛揭而唔買的)design書其實我用不著…oh…

其實時代呢…小的最懷念是對面千禧廣場幾座商廈未拆時的舊式豆品店,啲煎釀三寶真係好好味的,但印象中只吃過一兩次跟住就無咗了…(還好而家仲有公和…)

************************************************
突然很感概,是因為今朝又見到多一家藥房開戶了…嗚…

************************************************
向前望,自從知道誠品會落戶舊三越時就很高興,不過高興中是帶點擔心的。

新華和城邦有辦你睇,當然,一家係簡體書一家規模較小,又唔可以直接比較,誠品成功在佢除了係24小時大型書城,仲係一條龍有其他生活精品、食店呀咁,個 mode比較近page one的(不過無page one咁自我感覺良好吧﹗),睇文原來希慎出了個誠意價邀請誠品來的,咁香港最討厭的高租金問題就暫時不是問題,店家應該至少玩到兩三年掛﹗

都說我的lifestyle是有就嫌有無就嫌無,佢喺台灣時就很羨慕人家能有這樣一個舒適的打書釘地方,夠大夠集中唔使周圍行嘛…(老銅係多書店,但試吓由 himawari--尚書房/書香世代--page one--商務--sogo後街的幾家二樓書店咁行,包斷氣死…),又可以24小時打喎﹗幾正﹗前幾年去台灣時簡直係癲咗咁唔捨得走…呃…(太誇張了…)。而家真係嚟了,又驚香港顧客唔接受令間店玩唔長,到時美好印象就破滅了(就如我心愛的撤出前無印…)…希望越大失望越大嘛…

但無論如何,難得有一家讓我期待的新店,終於唔係由神oriented的藥房、鐘錶(其實呢個都開得好癲…)和電器店呀咁,點都值得期待﹗

2 則留言:

  1. 這是老銅編年紀嗎??

    書店呢個真係好難解,我到呢一刻都唔明點解page one 做得住(商務我就明...佢做埋教科書/教材),亦都好遺憾新華做唔到。新華果時有好多其他書店搵唔到/好難搵的書。不過開幕時就係威係勢,做左幾年就變成國內模式(D 書亂到七彩,開好多九唔搭八的部門例如運動用品同唔好坐的咖啡店等)咁實在令人痛心。搬左去北角行左一兩次就無心機再行了。(當然人民幣升值先係致命傷...簡體只係繁體書七折價的話我當然買繁體)

    哈,希望佢可以平衡到商業同企業文化啦...

    31st Aug 2011 01:55 AM

    回覆刪除
    回覆
    1. 一把年紀啦我,當然係鐘意想當年,而家等巴士時望到對面黃金個billboard都會諗起當年無印的美好…囧﹗
      page one佢賣得貴,profit margin高,同埋路線高檔,吸引到好多自我感覺良好的人幫襯,第三也是最重要的是佢有好多獨市的design系列書,好難搵到其他書店同佢直接競爭。中文書佢只佔好少,英文書佢種類都唔太多,反而係啲工具書係佢強項囉…
      其實我都好驚誠品最後會攪到新華咁,佢搬咗去北角後我行過一次,真係好恐怖…亂咁擺既啲野想舒舒服服睇書都唔得,喺老銅時後期都已經有啲亂嚟架啦,或者簡體字書始終鐘意買既人唔多吧,同埋一簡體就要平,新華係比較貴少少的…
      無論點,我都好期待誠品,行商務太多人累埋喺度睇旅遊書,好驚…想企得舒服啲都唔得的說﹗

      8th Sep 2011 14:14 PM

      刪除

要講幾句嗎?﹗XD