2013/05/27

[港劇]微妙的《情越海岸線》

估你唔到,原來這套《情慾事業線越海岸線》是《情越雙白線》的姊妹作喎﹗噢,難怪又係二少,又二少個名又有個寶字,而女角之一有一個叫阿雯(希雯和曉雯),另一女角個名就懶攪笑(高麗芯和鄭抱抱)…

而雖然是姊妹作,《雙白線》係浪子回頭(懶)感人的溫情劇,而《海岸線》…UM…怎麼二少變《海賊王》在攪(啲唔多好笑的)gag呀﹗

  • 雖然二少和17哥我都喜愛,但食飯時唔覺意看了一點後…um…雖然比起上一套《神探高倫布》是正常得多的,但我還是提不起興趣去看…
  • 這是繼上次《心路GPS》後另一套17哥擔正之作但我完全唔aware佢播之作喎…Sorry我失格了,但兩套呢…呃,原來我看了大半爛尾的《瘦薪一族》是最好睇的啦…
  • 我想問究竟幾時會播《叛逃》呢?一連幾套小品野都有少少悶呢…
  • 而,二少幾時先可以做吓其他類型的角色,點解次次見佢都係做啲懶好笑的老粗,又或者有勇無謀的裙腳仔(我講緊《拳王》…雖然我無睇晒…)…明明佢做有智有謀的二少係好charm架喎…定係佢好似蛛蛛俠咁…太適合做男二去十卜男一呢?
  • 而,17哥幾時可以做番啲好似《真相》Keith那種幽默風趣又正又邪的角色呢?(《叛逃》和《巨輪》會唔會有啲唔同呢?不過唔唱K無影,《巨》就有蕭公子分走好多戲份喎﹗)…即係呢,《心》、《瘦》到而家既程醫生(?﹗)都係好正經一類超級無敵大好人,我開始懷念佢做二打六時啲衰衰格格既十七皇兄美男子周瑜了…(雖然我無乜睇《回到三國》…)

咦…我講咗咁耐都唔係講劇情會唔會被打…好啦…講啦,雖然我唔係集集睇…

  • 嘩﹗KK做17哥阿爸﹗好爆﹗雖然計年紀佢係生得出17哥既…但另外個didi又點呢?佢老婆係跟KK年紀相若的盧苑茵姐姐喎﹗個細佬做得17哥個仔呀﹗到底有誰能告訴我佢地係咪親生兄弟嚟架?
  • 《雙白線》就係做老豆的鄭則士跟二少妙語連珠,今次係岳華成日寸張保仔,好好笑…
  • 究竟…到底有誰(再)能夠告訴我…陳豪嫂到底有幾多套劇keep住呢個頭cool短髮look呢?好似自從《烈火雄心3》佢剪短髮後就係呢個look?﹗起碼自《真相》後無轉過囉…或許…只有陳豪先能夠告訴我…
  • 講起上嚟,豪嫂同二少啲鬥氣野都幾似《烈火3》入面跟巴士高啲情節…呀,遲吓930《好心作怪》有三哥和巴士高呢﹗好期待,雖然我不喜歡周麗肥…噢,OT了…
  • 李詩韻個角色係不停劈腿,跟住17哥演的程醫生不停被佢傷害又不停接受番佢,嘩,好煩,世上真有這麼包容別人的好人嗎?都算,見到李詩韻跟鄧鍵泓哥哥不停的糾纏,很微妙…
  • 跟住我發現鄧先生另一個前女友在930的《金枝2》度出現,真的很微妙。
  • 讓我研究一吓,二少、17哥、豪嫂、樂瞳、沈卓盈、李綺雯、楊明、朱敏瀚、盧宛茵…都有演《真相》呀﹗點解每一套17哥擔正的劇MAIN CAST總係有啲《真相》人呢?﹗
  • 呃,呢套個主線應該係溫馨溫情小品呀呵?如果我硬將《雙白線》拎嚟比又唔啱呀呵?﹗無呀,記得那套我追到尾咁啫,之後都好似無乜見二少做主線擔正的劇咁解啫…
  • 呀﹗我吹唔到落去啦﹗因為我真係無乜認真睇﹗不過有17哥和二少,硬吹都要搵啲野講啫﹗哈哈哈哈﹗
最後…其實第一次聽到呢個劇名…我以係《十萬0頓情緣》的朋友嚟架,雖然呢套《十》我無乜認真睇過…XD

《情越海岸線》維基/TBB主頁

6 則留言:

  1. 其實我幾鐘意十萬頓情緣,人腳好生鬼,雖然劇情有啲老梗

    回覆刪除
    回覆
    1. re:鈴

      其實…我無睇過呀﹗~~~~~~~~

      刪除
  2. 點解每一套17哥擔正的劇MAIN CAST總係有啲《真相》人呢?﹗

    應該說每套劇也可以跟任何一套劇有一堆人重覆......

    真相跟瘦薪兵團也是王心尉作品,她最懂得發掘和表現出陳展鵬的特質,期待同是他兩人的巨輪。

    豪嫂在去年心戰就留了長髮,不過不知是真髮還是假髮。

    好心作怪有蚊蚊BB,我也超期待!!!

    回覆刪除
    回覆
    1. re:WINSON

      人腳,啲supporting既就話啫,咁《真相》係單元式一個個case咁去,所以人腳多易同其他劇重覆都唔其,但而家20集劇都唔係連主角都重覆吧…囧﹗

      《巨輪》都係王心慰的?不過《巨》會有好大part去咗蕭公子度。同埋我都好期待《叛逃》呀﹗快啲播啦…雖然而家唔唱k無晒聲氣…唔知會唔會影響咗…

      《心戰》豪嫂個長髮look係咪假髮嚟架?﹗

      我琴日睇完《好心作怪》個故事大綱,雖然同西片啲橋好似,但都好似幾好睇…有興趣…

      刪除
  3. 忍唔住想留言!
    話說我都幾鐘意呀煎PAN...
    但角式設定佢係28歲!! 係28歲呀!!!!
    我接受唔到lor....

    回覆刪除
    回覆
    1. re:miu

      無記啲角色通常都設定細5-10年架﹗
      同埋呢,繼之前有除紙山和17哥個色叫summer後,嚟緊《衝上雲siu 2》胡囧又叫summer…囧

      刪除

要講幾句嗎?﹗XD