加力士碌 vs 唉窿

點睇我都唔似會用三叔的產品吧﹗係﹗既然和瘋代表索尼跟我八字不合，就唯有留守亞美利堅的唉窿…不過因為家母出了加力士碌，於是小的不能避免地成為廿四小時唉tee十卜…

我咁表面…唔識乜野config呀咁架…要的話看這篇，另，左邊呢張圖係盜自呢個page的。


關於加力士碌：

• 首先我得承認，我是很不喜歡三叔呢個牌子的，但用上手，我得承認真的很流暢…(俾成四千幾五千都唔流暢就死得啦﹗)
• 拎上手﹗好大部﹗不能單手操控…(廢話…人家賣點就係大芒嘛﹗)
• candy crush啲糖都好大粒呀﹗(廢話…人家賣點就係大芒嘛﹗)
• 大芒令阿娘好開心，令佢成日hills地話「乜你個芒咁細」、「睇得唔辛苦咩」云云。唔辛苦喎﹗我唔鐘意啲袋唔到入褲袋的電話…這是一個堅持。
• 我娘竟然出了成個月之後先發現右下角原來有支touch screen用的筆﹗哈哈哈﹗
• 那個suppose係賣點的note甚麼功能(亦都係睇泡劇時經常見劇中人整的)，只係俾我試玩時晝過兩張…阿娘唔曉用…
• 個芒啲色真係幾靚，影既相喺芒度睇仲靚過過咗落電腦添喎﹗影相呢，唉窿影夜景和演唱會真係死症
• 我以為可以加到128gb架喎記憶卡，如果最多都係64咁咪同唉窿一樣﹗
• 你知啦，十個最討厭唉窿的理由之一係無得加記憶卡，二係鈴聲得29秒，三係無得用自家鈴聲做msg鈴聲呀﹗安卓就能解決呢啲問題嘛﹗(果然我的要求很低層次的…不需要高階機﹗哈哈哈)
• 基於我娘用的是人仔台平霸plan，本身慢到無朋友，個3G完全感受唔到部機的超強功能，返屋企駁番wifi先叫快啲，不過我娘唔睇劇，佢最多都係下吓app打機啫…
• 三叔係咪有個傳說的自家keyboard？但我娘只會用手寫…(而我覺得喺手機手寫是很費時的…所以當年我download又好乜都好死都要裝速成)
• 雖然用過一輪索愛的安卓機，到底都係回歸番唉窿，好唔慣唔可以home掣一野出番主頁，delete app又要按這按那，跟住在桌面del了又不代表在file入面的del了喎…我囧了﹗三叔和索愛的setting都爭得幾遠…

關於唉窿：

• 因為店家打來宣傳，小的無聊聊轉了五…
• 都係用番三十二激，唔知係咪之前部機放得太多相又塞得太多歌，長期得一兩激空間，所以成日load得好慢或者跳出主頁，而家清空了大量的相，歌只塞了部份，放番好多空間出嚟，感覺好好多。
• 最開心都係呢頭backup了在itunes嗰頭一駁新機乜都轉晒去，除了歌和部份相(在我的電腦另加落去的)外，app喺度(連舖game我玩到邊關都keep住喎﹗推銀也不用由頭推過)，whatsapp全部record喺度(backup都慳番)，wallpaper、鈴聲全部喺度，仲有bookmark都喺度﹗實在是太完美了﹗(所以我轉唔番啦﹗)
• 快…真係好快﹗部機撈野快之餘…是因為我轉了科芝？
• 最討厭是轉了usb hub，之前的usb全部要加駁插，我才買番個新的外置叉電呀﹗如果你話我聽用唔番我會殺人﹗
• 無乜闊到既關係，好覺佢長咗和薄咗，拎上手手感好良好，我是堅持要用可以單手操控的電話嘛﹗
• 耳筒位轉了在下面…咁我咪無得玩防塵塞囉﹗
• 影相問題依舊…演唱會不能囉，不過算啦，總要有啲位俾相機出動先得既﹗其實我都好耐無拎過相機出街了，連去旅行都係手提影就算…
• 其實我是完全無探究過五和四s有啥分別，只是覺得外型上好看多了…哈哈哈哈﹗
• 幾時先可以解開那29秒鈴聲之謎呢？
• screen cap都係唉窿方便呢，三叔我未試過又反而…哈哈﹗
• 真係好想delete了那個無聊聊的newstand…

兩部機對照之下的結論是…無結論﹗哈…