上次睇
前篇時咪話個叔叔好唔滿意女一明明有個好到爆的男二在身邊都唔接受佢既，如果個叔叔有睇後篇一定眼火爆啦﹗
果然，後篇是很狗血的…
話說元晴去了東京升學，佢個校服LOOK…
中津同學耶﹗
繼上次《
源氏物語》翻兜斗真和石原里美在《
VOICE》的組合，今次係《
魔女裁判》的
比嘉愛未，佢演的千見寺應該係對元有意的，不過見佢咁鐘意高橋就無下一步行動，係話要做元的朋友，到後來畢業元閃走咗後佢又無啦啦同高橋成了朋友，就是男二的女版…友情升溫得很詭異…
狗血來了：媽媽失業，阿仔要打工養家顧不了學業，轉頭阿媽又話有癌症，仲要末期那種…
而這個討厭的女二死纏不休的程度真係令人想打爆佢個頭…
在元的媽媽自殺後，女二死纏令元唔想犯多次見死不救的錯誤就「同居」起上嚟，仲改名換姓做了父親元配的養子，以得到資金幫女二媽媽養病，狗血到呢。
原來佢三年前已經將高橋拜托比竹內，但竹內不忍心所以無講，卒之同學會那一晚跟高橋講了，高橋決定放下同CUT晒以前啲MAIL(咦﹗咁多年都無轉電話？)
千見寺真係一個詭異到不能的角色，佢不但跟女一成為同事，仲同男二成為朋友，一齊為男一和女一的感情發表意見…
我幾驚元有血癌會死…原來係心理病…
前篇是純純的愛情故事，後篇就係千里姻緣兜錯圈，兩個人明明係相愛的卻又不能在一起，但又唔肯講清楚原因，攪到大家帶住無奈又懷念，身邊的竹內和山本(即係討厭的女二﹗)又沒有被接受…囧
當然，呢啲少女戲最後是大團圓的，女二無啦啦驚覺自己阻住地球轉，離開男一；男二向女一求婚又沒有被接受，但佢還是情深地暗暗守護女一…呀﹗好啦…到了最後男一終於都肯向女一表白…攪了個幾兩個鐘…
而一向得個桔的男二竟然得到了千見寺…算係好過無了？
我覺得後篇…是兜轉又煩氣的…還是前篇比較讚。嘻…
嘩，咁似toma同學同結衣套花水木既....
回覆刪除RE：喂丁
刪除那套《花水木》都幾悶的說…
前篇比後篇好好多，後篇兩人一起的鏡頭都唔知道有無超過十五分鐘(喜歡看兩人在一起!!!)
回覆刪除個女二真係煩到無人有==(但佢放低左副眼鏡，我居然認唔出佢XD)其實斗真阿媽自殺有點唔關斗真事...只係阿媽唔睇醫生
唔明白斗真的想法，話吉高比較堅強會無事，所以與女二一齊，因為女二比較"脆弱"==但吉高真係好慘，去左東京之後男朋友又唔係身邊(咬毛巾)
雖然有男二，男二我真係唔愛XDD
呢部下篇好狗血...
re：小木
刪除我都唔明下篇元諗乜，我理解佢放手前女友同媽媽不理令佢地死咗，所以佢不忍唔理女二(又或者同佢親密過令女二諗錯咗所以內疚了？)，但佢用高橋比較堅強所以可以放棄佢掉俾竹內又好牽強，好似無啦啦俾個理由等男二同女一有啲發展"牙"吓時間咁…
個女二好似鬼咁死纏難打，真係好難對佢有同情之心，淨係想佢快啲消失…反而男二就慘啲，攪嚟攪去都追唔到女一，早啲俾佢同千見寺一齊算啦…
下篇真係好搵戲嚟做…
我係戲院坐一次過足四個鐘睇晒前後篇...如果唔係斗真同學嘅電影咁少係香港上映.. 我係唔會入戲院睇...
回覆刪除其實前後篇都很冗長, 有點拖戲來做...中間真係有點想瞓, 尤其是後篇
斗真同學嘅眼紋真係出賣咗佢, 我都唔再希望佢演學生
希望香港會上佢個套腦男..
re：adnerb
刪除上星期看了《白金數據》所以無入戲院看下篇了…哈…
其實我唔明買手的想法，佢係咪諗住愛情戲所以會多人睇啲呢？上次《花水木》同呢部就有上正場，反而大片《人間失格》和《源氏物語》就無…
《腦男》我覺得麻麻地有機會，都係等偉大祖國或者出碟囉…