暗粉之顯露

小的好像好鐘意用「暗粉」呢個term，暗到我自己都覺得自己在濫用了…XDDDD。好啦，讓我明一吓…

檢視一吓小的成為暗粉的行為，主要有三：

1. 新舊歌/作品一律通殺狂煲，簡稱為「一條龍」
2. 會不停貼文發POST，洗BLOG和FB版兼不停叫人睇/聽
3. 轉手提WALLPAPER和鈴聲

目標一：
(以時序排，最新的最先…)睇完演唱會後停不了的怒煲，癲咗。睇《原來是美男》為某人著迷無視了男二，看CNBLUE就喜歡宗泫小弟(多得《紳士的品格》了)的聲音多啲，我好似專係無視容和…哈哈哈﹗條件一和二都符合了，三…喺上年小的怒迷某人的時候《ONE OF A KIND》係一度搶走鈴聲的位置架﹗

目標二：
小的暗暗地開動了一條龍，先勁煲舊歌，從五人年代煲到三人年代再到新的SOLO碟，夠神心了吧﹗再狂睇劇(《守護BOSS》睇了一集頂唔順個男一，《DR煎》我竟然翻煲晒成套喎﹗哈哈，《素直》真係太難頂，追不下去)和戲(《胡狼來了》和《天國的郵差》﹗我太強了﹗)，跟住怒POST YOUTUBE(呢篇和呢篇)。

話實《MIROTIC》我唔覺唔覺用咗嚟做鈴聲大半年，因為平時喺公司要較震機，要下班後先有得聽…快啲搵人打俾我啦~~~~~~~不過唔好怪我遲聽喎，聽番幾秒等在中開始唱我先聽之嘛…XDDDDDDD

最近的奇異發現是原來在中和某人係朋友…可唔可以叫某人快啲轉咗個洪朝豐髮型呀﹗

目標三：
如果說迷上CNBLUE要多得《原來是美男》，咁認識無限隊就要多得《回答吧1997》(和某達人的大推)，雖然我還是講唔出成員邊個打邊個，而對呢隊係無目標一和二咁粉得徹底，起碼無狂貼文和轉鈴聲(但舊歌一條龍是完成了的﹗佢地都唔係出道好耐啫)，而第一首我想起的…是隊長的SOLO歌﹗(笑)

目標四：
從小的會為佢開個CATEGORY，煲劇又睇戲，不停發掘開心的大發現，然後行過街頭商店見到佢代言的廣告會忍不住影低(但TVC那個FING開個袋避雀仔C的橋實在是…太…好笑了…)…看來都唔太暗的了…然而…佢老哥唱歌真係…UM…

目標五：
呢位老哥可算是小的無啦啦研究泡菜國藝能界東東後花癡得最癲的一個吧…條件一二三都做齊之餘仲會係咁買這買啦…然而…佢老哥的形象…可唔可以轉吓呢…UMUM…不過最近的TEASER…新碟的歌又好似OK…UM…
*************************************
另一篇：追星是…