2013/01/01

[雜碎]《孤星淚》、《胡狼來了》/《霜花店》

是咁的,其實我沒看過《孤星淚》原著或音樂劇版本,只是跟風去湊吓熱鬧…加上人腳吸引嘛…

um,零印象的去睇(都叫有去維基睇了一點做了少少資料搜集既…),就是好多歌﹗甚麼時候都在唱歌…講野反而好少了…囧﹗

一路睇一路諗起《十月圍城》,古城風景,人民生活困苦啦,革命之聲不絕啦…呀…好似好唔關事添?啫係呢,睇到阿Marius一班熱血學生攪革命號召人上街,大家好似好熱血咁唱晒歌咁,點知嚟真時就無人support佢地,卒之只有一個又一個又死掉…我諗起《十月》阿老闆個仔…又是一個大富之家的富二代,因為一腔熱血跟志同道合的人走在一起,卒之死吓一個死吓一個,睇到個心好up的說…

睇維基說原著最初在清朝翻譯成《悲慘世界》,又真係好慘,法國大革命之後其實人民生活無乜改變到,如果我無記錯,1830和1848都再有革命推翻當時的領導人…又如果我無記錯,好似係一次推翻Third Republic和Napoleon III(or Louis Napoleon?)…雖然當年覺得好煩,你地班人又共和又君主的兜兜轉轉…想點…背都背到我想死…(好嬲﹗)…但睇番…如果生活好地地的話又有誰會想走上街呢…

呀,好似唔關套戲事呀呵?無…今日元旦大遊行嘛…無意中LINKUP咗啫…咁呢,一開始呀Jean Valjean就被釋放,但因為拎住張黃色身份證令佢想搵份工又唔得,做正事又唔得,卒之走投無路被神父(?)的人收留了…仲連佢偷銀器的罪都寬恕了…竟然又感動到佢好做過真好人…呃…只是…我想知佢中間係點成為一個工廠owner(是吧?)和市長呢?﹗佢去買過個身份嘛?定捐官呢?(我認真咗?)

Fantine一段又係慘到無朋友(真係切合番《悲慘世界》個名?)…俾人趕走後賣頭髮賣牙仲賣埋身,就係為咗賺錢去救個女…大囧﹗慘到癲﹗最慘係遇到Jean Valjean諗住可以救到個女時,又偏偏病死了…囧

演佢個女既小妹妹cute到無朋友…望落又真係好似長大版的Amanda Seyfried,佢同演佢媽媽既Anne Hathaway都可算係朋友,靚得嚟都會演戲的(而又同時成日有性感場口喎)((因為睇緊《擁月》韓佳人姐姐的演出…哈哈哈﹗好大對比…))呀,阿媽慘到無朋友,阿女就好好多,係細個俾人恰(灰姑娘的朋友﹗…仲要跟恰佢的舅父((疑似))個女鐘意埋同一個男仔﹗)((阿女小時寄居的酒舖成間《魔街理髮師》啲舖咁?啲人怪郁又拎貓尾去攪肉腸…雖然演女主人的係阿Helena姐姐啫…唔使突然間正正經經無啦啦twist了去Tim Burton啲風格吧?))噢…講番阿女,佢大個就身光頸令的…係咪為了要突顯佢既氣質,令到阿Marius一見鐘情嗎?即係呢,去貧民區使唔使著到隻雀咁呀?

呀…講起Marius…實在太難忘阿未來外父救Marius時跌進的下水道…那些是…c吧?﹗跌落去那一吓…啲水入晒眼耳口鼻…我想嘔呀…

講了咁多Marius呢,我睇了一大輪都仲覺得佢好熟口面…卒之諗起了﹗呢位Eddie Redmayne哥哥仔我睇過呢套呀﹗跟住阿Amanda Seyfried同Julianne Moore又有一套《Chloe》…而Julianne Moore就係《慾孽迷宮》Eddie入面個阿媽了﹗sorry…這是一個很無聊的linkup…XDDDDD

就說我好怕啲鍥而不捨的人嘛…Inspector Javert搵人既能力比《幸福摩天輪》的蓮達妹還要高…高得好可怕…幾廿年死追不放…真係五體投地…

呀,我又唔講套戲了…XDDDD…硬覺得成個musical放入兩個半小時的電影有啲趕急…好似少咗好多舖排位咁…弄得我好有興趣去搵番小說和音樂劇版嚟睇添…
******************************************************
同同介紹…看點是…佢睇到瞓著咗…XDDDD﹗咁雷,我即刻有興趣啦﹗其實…我都差吋睇到瞓著咗…要不是放假中瞓覺比較多怕且真係會撐不下去…。
就因為唔想被劇透,於是我是甚麼劇情介紹都無看的去睇,就係一路在睇住啲差人去提胡狼,就去咗間酒店度部署,跟住明星崔賢諗住去relax吓點知俾個傻吓傻吓的女殺手(咦﹗天生一副好身手?)綁架…呃,據說是笑片嘛?但又唔係特別好笑喎…(雖然睇在中忘我既慘樣係幾好笑…)

智孝個樣好似好殘?﹗(其實我無乜睇“《Running Man》的…)佢慒足全場(不負慒智孝之名了?)…最後一秒變身精明樣…是亮點吧?但亮得太遲…我已差不多瞓著了…

呃…去到中後段懶係twist番個plot係點,點解崔賢會被綁,邊個係胡狼咁…但我已經差不多瞓著了…而豆瓣的評語說…呢個懶係高潮的twist位乃係導演的一貫手法,如果第一次睇佢既戲仲會有少少新鮮感,但睇得多就…呃…會囧了…

據說此片撞正女林大人的《狼族少年》(又係狼?)於是票房麻麻,噢…
***************************************************
同同毒推完上面那套就推埋智孝姐姐另一套《霜花店》,就演皇帝那位哥哥好good…。咦,有傾情演出喎﹗睇番網評,跟《色戒》差不多一水上映?好多人都拎嚟相提並論的說…,我覺得當中的動作場面想表達主角們感情的推進個意圖都幾相像的…不過泡菜版的人腳是搏好多啦…

呀,我想講的是呢,此片的皇帝.…就係《信義》個恭愍王喎﹗但無咗崔英變咗護衛武士洪麟,跟王妃情深義重的王變咗好男色,不能跟老婆行夫妻之禮就叫洪麟幫手,點知燃起佢二人的情欲之火,卒之一發不可收拾云云…

呀﹗我想話呢個故事N年前狄龍版的《包青天》有個一樣的CASE喎﹗(古今中外都通呢﹗)
um,當然悲劇走向是看得很愀心,而三位主角都演得到位…不過我留意的是…一開始演護衛隊二打六的女林大人啊﹗好攪笑佢個樣…仲要有對白的﹗好爆﹗

14 則留言:

  1. 金田一1/1/13 22:48

    孤星淚~我睇咗先覺嘅歌都幾好聽。N年前買咗SOUNDTRACK嘅HIGHLIGHTS,覺得麻麻,可能MUSICAL真係要睇住嚟聽先好聽啲。
    霜花店~皇帝。。我睇睇吓竟然覺得佢似成虫大哥!趙寅成一向唔靚仔,但呢度換咗個斜斜髪型即劇靚仔咗!你話髪型係幾咁重要呢。

    回覆刪除
    回覆
    1. re:金田一

      孤星淚~我聽咗一兩首如do you hear the people sing同阿芬婷喊晒口唱那首,musical版和電影版編曲上都幾大分別,我諗齋聽和真係睇musical的感覺會差幾遠…

      霜花店~成虫大哥﹗囧﹗據說洪麟和王妃雖然傾情演出,但最後得係皇帝喺電影獎度拎獎…據說係佢既眼神好搶分云云…(我是up唔出兩個男主角的名…哈哈)

      刪除
  2. 音樂劇版你搵我啦.. :P

    回覆刪除
    回覆
    1. re:aulina

      有勞了﹗哈哈哈

      刪除
  3. 《孤星淚》同《胡狼來了》都係有個共同點, 就係睇到中途瞓著咗. 所以我唔寫胡狼啦, 冇理由出文踩大哥架嘛. 其實問題唔關在中事, 係個劇本係爛爆, 一d 都唔好笑, 2打6 的戲份又出奇多. 其實大家都心照, 入場都係睇在中, 俾盡睇埋智孝, 個d 2打6 又唔好笑, 演技有冇咩發揮, 我後來逢去到2打6 的場景, 就拎本韓文習作出黎做. 囧

    只是…我想知佢中間係點成為一個工廠OWNER(是吧?)和市長呢?﹗佢去買過個身份嘛?定捐官呢?(我認真咗?)<< 呢個我睇緊個陣好想知喎!!

    我呢套冇睇歌劇版, 但我覺得電影版唔湯唔水. 老老實實, 男女主角們只係唱得唔難聽, 但唔感動. 仲有我想講個個女婿d 戲好 c, 咪有幕暗戀佢好耐的女仔捨身救佢, 個女婿係冇表情架, 睇睇下我笑咗出黎, 點可以冇演技到咁0既地步個導演都收貨?

    個個喪婆又做番《魔街理髮師》個個樣, 佢唔悶咩?


    回覆刪除
    回覆
    1. re:紫熊

      我鐘意你呢個共通點﹗不過《孤星淚》都還好,因為我一路睇一路relate番當年啲history同埋睇啲人咪咀咪得好唔好,於是都未至於瞓著…反而睇《吸血新世紀》有一刻我真係合埋眼皮眠了一眠…

      《胡狼》個劇本真係好頹…或者唔想咁明顯打用在中做號召?﹗所以懶係將殺手綁架明星之餘仲要整多條line話警察捉胡狼…但兩條線又唔知點解警察和個酒店那位reception哥哥都鬼咁多戲,最死的是佢地啲戲份又唔好笑又悶…(那位花西裝的大叔跟那位低胸大嬸玩sm真係勁唔好笑囉…)

      我是無時無刻都在等在中和智孝出場的說…

      《孤星淚》呢,那位女婿啲戲從n年前睇文中講的那套戲已經覺得佢唔掂…佢最突出係一面都係的雀斑(好易認﹗)…兩個女仔啲戲都比佢好得多了…

      可能喪婆喺《king's speech》度做完端莊的皇后覺得悶,所以想做番老本行再癲過﹗XD

      刪除
  4. 孤星淚以前睇故仔書睇過下,不過而家都唔記得,只係記得男主角果個坐監既人,偷左紅衣主教既餐具,紅衣主教知道左仲送左比佢,之後又無啦啦做左村長,但佢係被人追殺定通輯,識穿左同個女仔走……大概係咁。

    講到尾,咩改革革命咩都假,世界末日死晒佢唔洗煩,所以我而家唔搞環保。

    霜花店睇過下,都係為左睇「動作」場面,可能唔係戲院睇,都無咩感覺,講「動作」場面,我覺得最印像深係「快樂到死」,可能果時係戲院睇,色戒都麻麻,最近期果套泰國晚孃都好一般,香港果d就唔好提。

    有敵

    回覆刪除
    回覆
    1. re:有敵

      《孤星淚》我大概知個故仔但無留意過細節,本身我好少睇外國文學,最多都係中學時學校要睇的reader…

      男主角偷餐具俾人捉番俾主教而主教寬恕咗佢,話啲餐具已經屬於佢呢part套戲度都有講…或許篇幅唔夠長去交代番啲細節吧?又或者係我太鐘意尋根問底…囧﹗

      哈…環保既野我做得就做架咋…唔想整太多垃圾出嚟…

      《霜花店》我好奇睇吓…n年前睇過《挑情寶鑑》悶到差啲瞓著,加之於無鐘意睇的人腳就乜都假,理得佢啲動作人體奧妙展咁勁…

      刪除
  5. 果然係忠粉,咁都俾你發現到女林大人嘅蹤跡! XD

    回覆刪除
    回覆
    1. re:lu

      其實想欣賞吓女林大人做二打六的風采都是看此片的原因…哈哈

      刪除
  6. 孤星淚睇左,ok好睇既,如果佢唔係由頭唱到尾我更鐘意,其實都係睇左套鬼佬大戲,不過好虛幻,因為現實你有無見有人會以唱歌交代佢既一生,仲咁好聽?哈哈!

    最有興趣都係男主角同個警察既戲,我覺得佢兩個既對決幾似武俠片,個警察好似吊x(唔識寫)鬼咁追個男主角,果種正邪,好難分清既感覺,跟本係武俠片攞左黎用,男主角個女同果個男人既愛情太兒嬉,見幾次就話好愛。

    睇左都好想睇返法國大革命既歷史,我諗,佢地起義都唔係得一個路障卦,但套戲講黎講去得一個路障,好似無可能,佢又無交代有第二個。

    有敵

    回覆刪除
    回覆
    1. re:有敵

      其實我都好奇如果係講野而唔係唱歌的《孤星淚》會點,將啲歌變咗bg music個感染力會唔會唔同…

      聽聞當年金庸寫小說有啲橋段係取材自狄更斯的小說,我諗雨果寫《悲慘世界》時可能都會有將以前的小說橋段加埋佢既idea再寫新野出嚟既…。睇介紹話雨果寫呢部書的時候喺街頭巷尾做了不少資料搜集…都唔係一般的得個作字…

      一見鐘情既野都好難講既,不過套戲我有少少覺得可能要留番唱歌的airtime,於是講故事上面有少少跳step…

      除了個爛鬼路障,仲有民眾唔加入…所以先會成為一個失敗的爛鬼革命囉…

      刪除
  7. 咪就好似七劍下天山同牛虻咁,好多人都知七劍係抄牛虻,七劍有個大俠搞反清俾女俠打一巴,而牛虻好似又係講法國大革命,男主角為搞革命俾女主角打一巴,可以上網揾資料睇返。
    有敵

    回覆刪除
    回覆
    1. RE:有敵

      好話唔好聽天下文章一大抄,最緊要抄得好啫…
      《七劍》我有睇黎明個電影版…睇完是零印象…哈哈哈

      刪除

要講幾句嗎?﹗XD