對唔住我很無聊的見到豆瓣有泡文版的海報就盜了…哈哈哈(但唔見日文版喎…唔通日本未上？)…雖然我覺得香港譯《大亨小傳》有點太GENERAL，唔特別囉﹗但我見偉大祖國叫《了不起的蓋茨比》之後…普通都有普通既好既…
當我又見到英文原名叫《The Great Gatsby》之後…我心裡只有…由頭發放至YEAH色彩~~~~~~太可怕了…
看這套主要是因為卡士一次過有晒里奧哥和蛛蛛俠杜比仔嘛，我是無理到個故事講乜的，跟住再睇先發現導演是《羅白歐與豬麗葉後現代激情篇》和《情陷紅磨坊》那位之後就更有興趣了，《羅白歐》我可是看了一千萬次呢，雖然當年的令仔里奧哥今日已變成了阿叔囉…
於是，戲一開始出現一千萬次的派對場面很奇怪地，二十年代但播電子音樂都變得合理了，因為《羅白歐》都是很詭異地喺墨西哥講沙士比亞的對白…﹗
咦，我係咪係咁二都要講吓個故仔？呀，係啦，就說阿NICK搬到紐約住喺長島附近一處的小屋，佢隔離有個神秘怪客日日開PARTY玩到天昏地暗，好奇之下發現呢個人原來係年輕又有錢的JAY GATSBY，又原來佢係NICK表妹DAISY的舊情人，NICK聽佢講番以前的情史後被佢感動，就穿針引線搵DAISY去見阿JAY，就說因為DAISY老公是貴族之後有錢又有面，出面又有個女人，令DAISY好唔開心，於是就去會吓JAY，JAY一心以為自己而家有錢有面就可以令舊情人回心轉意，點知…唉，是悲劇啦…
呢張圖，係里奧哥正式第一吓正面對鏡頭，一路聽住蛛蛛俠講佢點CHARMING點型點盛，配合呢個煙花滿天的笑臉…我只諗起兩個字…好…皺…囧…
一開始要表達GATSBY點有錢有面，點紙醉金迷，於是不停有派對場面，顏色豐富又悅目，加埋音樂效果好強大，只是二三十代加上電子音樂真係幾詭異，同《快刀手洪吉童》一樣…其實格格不入的…不過既然當年睇《羅白歐》可以將沙士比亞對白喺墨西哥講，而家都唔好理咁多了…
呀，二三十年代啲LOOK真係巧令令的說，兩個女主角一黑一白的，據說啲首飾係TIFFANY SPONSOR，閃到不能。當年啲衫裙好多都係簡單直身裙，無花巧CUTTING只有小處細節，加對高跟鞋和手/頭飾咁，不過SIMPLE BUT ARTISTIC呀，巧令令…
只可惜呢隻style唔長久…而小的當年睇完《芝加哥》之後好鐘意想試吓造呢類的衫…不過手功唔夠好出嚟無戲中人戲服咁令呢…
見到里奧哥呢個LOOK我忍不住想笑了…點呀，又係萬子效應，有錢時GEL頭，無錢或頹時就無GEL頭…哈哈哈哈…
我好似係咁講華麗派對場面加電子音樂格格不入呀呵？OH，睇埋落去就發現開始時啲華麗場面係用嚟對照JAY跟DAISY復合願望落空後的失落，看似滿腹心計的阿JAY攪咁多PARTY好似想攪好多野好複雜咁，但其實佢背後既動機簡單不過，可惜的是舊情人已變心，雖然佢同阿JAY一齊時係好開心，但佢因為身份和家世關係根本不會離開有婚外情的老公，阿NICK將一切看在眼裡，特別係最後阿JAY死後，之前成日嚟佢屋企玩到癲的人一個都唔嚟都算啦，DAISY一家竟然準備去歐洲旅行，就算阿NICK打電話去求DAISY嚟見JAY最後一面，佢下人連傳達一吓都無，個CONTRAST看得人幾心酸的…
這一部是要少少耐性去睇，等到JAY中段跟NICK講自己發跡史和攪派對的原因是希望DAISY會來，原來佢只係一個天真又傻的癡情小子時開始好睇了，前段小的有忍不住想打一吓機…XD
好奇之下買了原著小說來看，據說改動頗大的說…
UM，我係咁講里奧哥呀呵？﹗哈，佢搶戲重啲同埋我鐘意睇佢早過睇杜比仔嘛，但歲月風霜留喺里奧哥塊面度多啲呢，杜比仔反而KEEP得住，只係佢又做啲小子角色，係咪佢個樣太局限呢…(娃娃臉到不行的女林大人都可以演復仇男丫…)戲內是對JAY感概，戲外就對杜比仔感嘆…雖然佢娶了SONY PICTURES老細個女都唔休拍的了…UM…
以上。
沒有留言:
張貼留言
要講幾句嗎？﹗XD