近期常聽的歌~2…

雖然戲入面的斗真好令仔(雖然係比較多眼紋)，但戲整體我覺得OK咁啦，反倒是片面播出的這首主題曲《祈り～涙の軌道》讓我一聽難忘，回家再細聽和細看歌詞，還真是配合劇情的說…呀，這是上集的咋喎﹗

後篇的主題曲《PIECES》，歌詞好鬼襯合劇中人在人生遇到的起起落落，跟住又戀係有希望咁，也是一首很溫心的。再SEARCH…咦﹗原來斗真之前套《遲開的向日葵》主題曲都係孩子先生唱架喎﹗(證明我睇得幾唔專心…)

繼續數，之前很著迷許牙醫的《青春頌》，就說我是正能量兒童嘛，聽啲正氣既歌會令個人都身心舒泰啲。呢首《第一志願》係女仔版…同埋我幾鐘意點點GROOVY的旋律，好好UN之餘又可以跟住唱…(只是無人約我去唱K啦﹗)

我發現我已暗暗成為連詩雅歌迷(難道是我看了《喜愛夜蒲2》之過？)，繼之前的《好好過》、《起跑》、《到此為止》後而家又有一首好好LOOP的，其實歌詞都幾老掉牙…但硬係好易入腦…咁…佢WIN…會忍不住跟住一齊唱…哈哈。

見到連詩雅每每讓我想起想起費公主，不過連詩雅無佢當年咁少女，即係呢，都會係讓我覺得唱得唔差啲歌曲詞都不錯的，是唱K或MP3機LOOP歌之選。轉會後費公主成熟咗好多，無時無刻高跟短裙，有啲驚…之前的《冷笑話》和呢首《告別我》都很不賴，點講呢…總之很不賴啦…XD

嘩﹗我想話就算我聽了黎老闆的版本廿年，安全地帶的版本十年，還是被二彎娜這個版本感動了…即刻心諗…某軒最近先出了隻翻唱碟…我覺得被這隻《如果這是情》一野KO咗…噢…

其實我一路都唔認得吳若希是誰，不過佢呢首《我懂了》又幾好loop…呀…快啲搵人約我唱k啦﹗~~~~~

繼《LAST DANCE》後小白新碟另一CUT《無聲佔有》，有啲《最佳位置》feel，總之你唔出聲我唔出聲我繼續留喺你身邊no matter你鐘意緊邊個，好慘﹗噢…

雖然阿豬-即梗哥哥係好潮，BIGBANG我都好落力支持架，但我對佢solo的歌還是不太欣賞…直到聽到呢首《missing u》…呀﹗我都話人家hiphop我就聽ballad，人家勁歌熱舞我就聽慢歌架啦﹗sorry…哈哈哈哈﹗

學某博友話齋，要為看CNBLUE演唱會做準備…我…我…我…想聽宗泫小弟喺《紳士的品格》度的《我的愛》喎﹗哈哈哈哈…SA~RAN~AR~~~~SA~RAN~~~ARRRRR~~~(我果然是把泡文忘得一乾二淨了﹗)