巡視業務之一~無印涼粉

事情是這樣的，有一位育有九十後孩子乙件的媽媽話唔明個女做乜係都要用無印的筆，話唔知有乜好，跟住問我讀書時係咪咁…吾娘當然是三間在面上…因為佢個女到而家都未戒得甩文具癮﹗XDDDDDD

回家之後小的可是很認真地思考呢個問題，點解小的咁迷無印呢？﹗UM，我諗，是品牌形象做得成功，當同學仔一係用中華牌一係用卡通野時，自己拎住支無印是(自覺)很有型的，UM，型格是重點了。我只能說是品牌BUILD UP自己形象成功，令人忍不住飄埋去想STEREOTYPE一番囉。

好啦，讓我年紀之顯露。如果軟硬一輩懷念的是「興發街那家三SPIRIT」，我諗我呢輩會懷念九十年代撤走前位於老銅黃金的無印。那個年代零用不多又想扮型，文具就係最易REACH到的踏腳石了﹗衣衫家品都覺得好型，不過買不起，也會被媽媽鬧…明明有平野唔用做乜走去買啲扮無牌子但其實藉住個牌子而賣貴啲既野呢？咪好無聊囉﹗

哈，係架，即係呢，在那年代被「佐丹奴」一句「唔扮野做自己」影響之下，扮型是很重要的嘛﹗除了文具，從手冊過渡到SCHEDULE都係好重要的，幾乎係將自己從小朋友DIFFERENTIATE去大人的證明啊﹗

因為當年可望而不可買(於是我為了個紙袋買了罐完全唔好飲的無印汽水，價值八個大洋﹗)，甚至撤出想買都無得買時，留在腦海中的記憶和手頭上買落未用完的東東就變得珍貴無比，好在，那年頭有水貨小店可以一解相思之苦…

黃金在那年頭是很傳奇的，潮味十足在於除了有無印，仲有紅翼鞋﹗雖然我唔迷木村，但佢確係將LEVI'S和紅翼著到十萬個型，而光一王子都有一輪喪著，當年除了去無印買野，就係上多兩層隔住玻璃睇啲紅翼鞋，又是一個可望而不可買的東東，深深的留在小的心坎裡。到後來有正式行貨，想狠下心腸買一對圓心願，著上腳卻是重厚無比，呀﹗原來東東留在回憶裡是十分美好，活生生的放在眼前看到其缺點是…幻滅了…囧﹗

二千年後重回香港的無印不是不好(佢真係對過我唔好呀﹗嗚)，呃，即係呢，當年好恨入手的日用品(生活態度﹗)因為被媽媽反對和無咁多零用錢而買唔到，硬覺得樣樣都好美好；到可以手到拿來的大手購入，又覺得不外如是了…點解呢？同一支鋼身原芯筆，硬覺得用料無以前咁實淨，試過有一支係按頂頭，筆尖自己會彈咗出嚟…呃…即係唔會出到鉛芯…咁我點寫呢？(是得既，開了個蓋"TUN"支芯出嚟，但呢個手術會令隻手污糟了…)

雖然，我還是很BUY那個扮無牌子但本身已經係個牌子的CONCEPT，還是覺得很有生活態度和覺得會型咗的。XD

正所謂「誰會珍惜當你還~~~擁有，將會逝去總想挽留」。當香港的店開完一家又一家的時候，小的挑剔老毛病又來，就坎望啲香港無既野了。如…花草樹木和餐廳﹗雖然山長水遠去到扶桑國分號想朝聖時，入到去…啲食物…是不吸引我的…XD

眼鏡和電器(香港只有少部份呢﹗)﹗不過我都無特別喜好只隨便兜個圈…最好玩的是…有一大堆印仔俾你印喺本簿度呀﹗又是一個自我身份創造﹗囧﹗我明明知佢"LONE"野但又一次落疊…我承認，我是很衰的…XD

經過好幾家車站和機場都會有的KIOSK，賣的都是旅行商品多。跟住在FAMILY MART又會有一個小CORNER有無印野賣，多數都係啲身體護理用品呀，最正係有浴鹽﹗哈﹗好方便買一兩包番酒店浸浴一番﹗

再睇一吓網頁，連屋都有得起﹗很爆炸﹗這個已經從單純一家買東東的店舖去到環抱你生活每一個細節，直頭同你BUILD UP埋你理想的生活環境，很強…呀…香港會唔會有呢？﹗

說得巡視業務之一…即是說會有之二的…我的錢呀﹗都向大江東流了…XD…但可惜我不是真的股東…囧