[韓劇]笑噴了…《紳士的品格》

我承認我笑點是相當低，當諸葛亮和諸葛暗都可以笑一餐時，呢套劇也讓我笑得很開懷啊﹗。本來沒有將之放在列表內，只因為同同大推就好奇一開…一看太開心…開心到將《dr煎》和《秘密花園》都放在一邊…

但其實，我仲係巧京京金荷娜姐姐跟張某人的《寵物情人》架囉﹗~
套劇其實唔關某人事，不過某人將會不停出現…

第一集一開始講四個由少年相識玩到四字頭的中佬出現在友人的喪禮，意識到原來人到中年死亡也不近矣…咦﹗《快樂的人生》啊﹗那套戲是3個大叔+某人，而這套劇係4個大叔加一個didi(CNBLUE的李宗泫)，咁《紳士》是優雅高尚好多，《快》的大叔明顯是中年危機要去搵番人生第二春，《紳士》的中年F4起碼係專業人士(開咖啡店…商人都算係丫？)生活無憂，咁得閒去飲吓酒hea吓咁…好不高興。而佢一句「做野時係大人，玩的時候係小孩」，呢個史大奧確係好開心…於是乎…我覺得劇名應該叫《Kidult的品格》囉…阿金道鎮(張don't健)((友人說我又改人名了…哈哈哈)自己都話自己唔係紳士囉…

一開始道鎮偶遇徐伊秀(荷娜姐姐)，又勾到人家條冷裙走線後懶係英雄救美咁遮住佢又拎布圍住當裙用咁，um…點解道鎮哥跟得咁貼直頭喺隔離伊秀姐都唔覺既？

而伊秀姐個熱血高中老師呢，又有幾個壞學生成日出入警局…我諗起《寶貝與我》呀﹗(係我將會不停mention某人)看來個卷卷頭學生好似幾like徐老師喎﹗除了中年F4內心是熱血少年，徐老師都係一個天真可愛的少女…佢每集都會不停「怎麼辦」大叫座底十次以上…少女度十足(一路睇一路諗起《洪吉童》的成宥利…)…不過比起《寵物情人》(以小的咁沉淪毒海，呢套戲竟然係0重溫…奇呢﹗)某人喪賣萌賣到小的怕了，這回荷娜姐姐演少女mode我又覺得ok喎…

道鎮(金道鎮…甘到震？)唔抵得伊秀鐘意佢個friend任泰山，喺佢情深地望住在山的手套一輪後，整到人地對手套咁…仲要樣衰衰地整…笑死我了﹗哈哈哈…呀，因為道鎮看穿伊秀暗戀泰山，而泰山鐘意既又係伊秀同屋friend世娜(就是跟《王世子》的洪秘書一樣叫洪世娜﹗)，於是伊秀只能愛在心裡口難開，就俾道鎮拎嚟做把柄…件事好《惡魔在身邊》囉﹗

個男角要讓女角等一千年先傾到野…是常見劇情？(我講緊《愛情雨》荷娜((﹗)想搵俊俊拎番手機)

memo紙呢段又係笑噴…伊秀姐做乜寫完唔用的擺晒喺自己個袋度呀？仲要笨到袋埋道鎮叔支筆(終於忍唔住叫佢叔了…哈哈哈)…又多個把柄俾道鎮叔耍佢了…

原來《紳士》跟《秘密花園》是同一個編劇…所以先會有劇中人睇《花園》這個爆笑劇情吧？呃…我才看到第五集…唔好穿我橋喎﹗(宗泫didi就只出了一陣子…囧)

(24/12/13後按：謎之聲…因為迷上了某didi我竟然全套《秘密花園》再睇一次﹗哈哈)

見佢地咁熱血地奔跑突然好有日劇feel…然後3人係樸去酒店佈個假局呃正祿老婆，成件事好《大丈夫》啊﹗(而正祿老婆次次用出奇不意的方法俾番隻結婚戒子老公又是一個笑噴位…)

哈哈哈…終極耍人呀道鎮叔…

自我有印象以來，好像除了古裝片啲腳踏七星或《倚天屠龍記》張無忌和趙敏一段外，我是相當少見到演員的腳板底…荷娜姐姐演出真係七情上面不特止，身體語言都出盡了…

<<<每集不停「怎麼辦」大叫座底十次以上的其中一次…

而…佢都係好娘地出了send錯sms呢條橋…同埋繼《王世子》之後再不停賣廣告電話…好煩…

伊秀家隔離住了牧師，伊秀和回音為避人成日唔覺意去咗人家度…跟住拎本聖經出嚟…哈哈哈﹗(最攪笑係回音唔知人地係乜水唔覺意high到個門鈴之下佢又識扮傳福音，而咁啱住的係牧師…真係笑死囉…)…

荷娜姐姐真係好落力呀演得…佢個樣幾o咀…

道鎮哥其實幾小氣和記仇架(睇睇吓諗起阿部寬的《不能結婚的男人》…如果泡菜版由張don't健來演會唔會更傳神？)佢放條魷魚喺伊秀行李度報仇之餘仲要擺喺日光度晒，攪到伊秀啲衫一陣味…結果…條魷魚俾伊秀碎屍萬段…鏡頭真係影一影啲「碎屍」如何「萬段」…﹗﹗﹗﹗

um，橋段有時是幾無聊(或曰低b)((但我又笑得好開心喎﹗))，但啲配樂真係幫咗一把…加倍效果啊﹗

據說呢位卷卷毛學生係model…然而我看到的除了佢個卷卷毛頭之外…就係佢那對大細眼…囧

做乜呀﹗回憶中學年代但佢地係中年個樣……啲髮型…笑噴了…

看韓劇達人的劇後感說第十三集容和登場，對白仲會講到十分洗腦的CNBLUE名曲《Wet chu we ar》(《孤獨的人》…唔好叫我背番韓文名出嚟…唔識呀…哈哈哈…)…好攪笑…

而才看到第四集…酒吧度播《直覺》…伊秀姐飲醉後係咁唱…笑死我啦…套劇好落力推CNBLUE喎﹗



***************************************************************
又變CAP圖文了，有圖有真相嘛。下星期是泡文最後一課，考埋試就可以快快樂樂煲劇去了~~~噢耶﹗

《紳士的品格》@維基
***************************************************************
15/8/12後記：

因為奧運而停播了兩個星期再睇番結局兩集…雖然笑位依舊是有的，然後依舊分吓合吓，最後大團圓，其實OK架，不過盲係隔得太耐…我差啲唔記得第十八集講乜了﹗囧﹗

估唔到捲捲頭會同科林成為朋友，仲變成中年F4的少年版﹗哈哈哈…

最後那一幕街頭求婚，F4的三對和少年中年F4(﹗)走出嚟街舞一番，我突然諗起《寵物情人》了…怎麼啦…又要攪歌舞…

唉呀，唔係斷開咗，我諗我反應會熱烈好多…而家好似…呃…做完囉…咁囉…以上。