《源氏物語~千年の謎》~確係一個謎…

突然諗起一首歌：我帶著情意…一聲聲淒創…我一路睇呢套鉅作…一路承受意粉隊被西班牙粉隊大炒4比1的打擊…(謎之聲：其實我都無留意睇…哈哈…咪扮傷心啦)

anyway，係咪我期望越大呢？

雖然電影原著小說是買了，但只睇了少少(仲要下集睇咗廿幾版先發現我睇緊下集…大囧﹗) ，而原著未有動力去看，很久以前突然有興趣時就去維基看過一吓，基本上，我是白紙一片的去看這部片的說…

我是比較精嘛﹗逢係改編野小的實比較一大爛餐，好了，這回無得比較。不過看網上review，此片評論好似各走兩極，因為此片是改編高山由紀子的小說《源氏物語 悲しみの皇子》，基本上是改編再改編，或許看過原著的人會不喜歡吧？咁小的對原著沒甚概念，就只當影片一部(原因當然是捧斗真同學場啦~)來看…

(圖片刧自官網)所謂的「千年之謎」就係探討紫式部何解會寫出這樣一本書…

兩條線疊住去，現實世界紫式部和藤原道長，話說藤原道長女兒入宮，佢想個女懂為天皇女人之道就請紫式部寫下一點心得，而呢點心得就係另一條線：虛幻世界中光源氏和各式女子的愛情故事，如圖。本來只係書中世界，但紫式部將自己的故事投射進去，甚至連靈魂都出竅，於是陰陽師安倍晴明就走進物語世界去解救她出來…

虛幻和現實世界不複雜，畫面堆砌用心，服裝、佈景美得如同圖畫，硬係覺得怪怪的…做乜啲男角成日一見女人就撲上去除人衫？﹗(笑)雖然話《源氏物語》係淡然和物哀，好多時唔講咁多留有想像空間咁(睇網上介紹如是說，這點跟《紅樓夢》有咁細緻講到有咁detail相反呢…)，但都唔係無乜舖排(調吓情都好丫…)…乜…平安時代的人咁狼死架咩？啲女人又唔會叫唔好或者講俾信任既人聽？(我不投入了…哈)

於是光源氏俾人話佢四處留情好風流時…我想笑…(佢似色狼囉…XDDDDD)

斗真出場和完場時的舞蹈，同埋初見夕顏前叫人摘花俾佢時一幕都影得佢好清秀，真係美しい~感覺上角色成長和性格形成比《人間失格》多了點， 葉藏從中學後就不停酒鬼酒鬼同酒鬼，skip晒啲內心戲嘛；今回是多番少少描述佢點樣缺乏母愛(和父愛)於是大個就去追求愛(因為後母藤壺貌似生母而心生迷戀)，um，好似為後來到處留情而多番少少justification…


藤壺中宮/桐壺更衣(真木よう子)

睇咗好耐我仲諗緊藤壺係咪《SP》入面那位爆恤衫的刑警，又或者《命運之人》入面那位過料俾男主角的外交部女職員，個樣完全唔同唔認得喎﹗而佢個古裝郁又幾美艷(於是我唔認得佢？)

哈，我想話佢係唯一一個被光源氏從後撲上除衫而有反抗的人﹗不過是因為礙於後母身份…但最後都係投懷送抱了…

夕顏(芦名星)

(而我不知道這位姐姐是誰) 光源氏情人之一…個人覺得佢個樣係咪有點太現代？好似唔襯古裝扮相…

六条御息所 (田中麗奈)

田中麗奈出道咁多年我好像沒怎樣看過她的戲，um，我想話六条呢個角色可說是眾多女角之中最搶，她本來是東宮皇子之妻，喪夫後寡居，遇上光源氏被佢打開寂寞的心但又見佢女人不斷，於是化成生靈先後掉夕顏然後再害死剛生下孩兒的葵之上…巧恐怖﹗我指佢個生靈郁(點解攪到好似睇緊鬼片？)田中啲落寞表情又好到位，佢怨光源氏做乜要approach佢，之後弄得佢明知會失去呢個人時妒忌之情又按奈不住於是要害其他女人咁…真係好到位的說。後尾現實世界中安倍道長發現紫式部將自己妒火投射在六条身上，就走入物語世界解除佢兇性，六条又回復正常了…(噢)

最後六条決定回鄉遠離光源氏，道別一幕好抽心，田中演得好出色耶… 

葵の上(多部未華子)

光源氏正妻，一心做東宮夫人但光源氏被賜姓源氏降為臣藉，感到無前途於是對丈夫好冷淡咁。雖然有睇過《康子與健兒》，但我完全唔認得阿妹妹個樣…睇咗好耐仲諗緊呢位係邊位…呃…而好奇怪，其他女角啲對白都有少少古典風，但同葵時就講埋晒啲「永遠在一起」、「三個人一起會好幸福」呀咁，咁日劇(aka現代)feel既？突然好唔對調添…

紫式部 (中谷美紀)

我覺得佢係平安時代既野風既點解？美紀姐古裝造型確係美絕，講對白的tempo加埋造手姿勢都一流，演才女絕對好ok囉…

不過硬係覺得佢係野風…哈…

藤原道長 (東山紀之)

如果東山大叔係來自光genji而唔係少年隊就太爆炸了﹗我想話我認識「光源氏」呢個名就係光genji呢隊野啦﹗(因為kinki kids初出道時為佢地伴舞嘛﹗)…而更爆的是原來東山大叔91年曾經喺電視劇度演過光源氏，睇報導話佢接到演出邀請時話唔係搵我做光源氏呀…哈哈哈哈哈…(完全唔關套戲事…)

安倍晴明 (窪塚洋介)

跟田中麗奈一樣出道多年但我沒怎樣看過他的戲…呀，我想話佢入物語世界出手對付六条生靈啲咒語(有個term的…唔記得個名)…甚麼臨兵陣前…甚麼的呢，跟馬小玲(係，《我和殭屍》那個)是同一set嗎？

********************************************************

講完人物貼完圖，以小的對原著沒甚概念的人來說…呃，ok啦(好厚道)，畫面之美好似遠高於故事性(其實我只感受到光源氏狼死而感受唔到佢風流…哈哈哈)…咁我都明好難將成本小說塞進兩個多小時的電影裡，兩個多小時其實已經好長…長到我差點瞓著囉…呃…。

作為一個入門探究都ok既，對啲人物大概有個概念，下一步就去搵番本原著來研究吓，um，search search吓時發現天海佑希姐有套電影叫《源氏物語 光源氏物語》，好有興趣睇吓…哈。

相關的： 官網 / 豆瓣