去玩~去癲~嚟噢唇拍~~

SORRY，我個人比較outdated，唔知點解一到海浪公園就諗起呢個N年前的廣告，而不知從何時開始，我將呢個公園由「海馬公園」改咗口叫「海浪公園」？而又係由幾時開始，個LOGO由海馬變咗威威司令架？﹗囧…

時日如飛…今天在我心裡…是充滿不退的記憶…(其實想講的是…無咗以前一級級那個好GRAND的正門喎﹗以前入去之前一定要喺門口影張相架嘛﹗)

門口呢兩舊野一邊似鯊魚，一邊似海馬，好complicated…唔知點解我諗起吾校門口的那兩隻…哈哈哈…也是唔知點形容係乜生物…

熊貓君呀﹗(有班人入園後不停講《白熊咖啡廳》…囧)然而…安安佳佳唔係聾貓的安安佳佳，佢地係各自為政…好悶喎﹗同埋無service囉…我只能遠遠看佢既背影…噢…

我真係outdated到無朋友…虎虎樂樂同樂樂盈盈係兩pair熊貓嚟架？而樂樂盈盈原來唔係同安安佳佳住埋同一個館架喎…

去看海洋生物…好似無以前睇得咁開心…呃，啲68cm厚的玻璃望左望右都好似望唔清楚…讓我以為我近視又深咝喎…囧﹗呃…見到鰻魚…哈哈哈…都怪某人囉…

百鳥歸巢喂魚版﹗話實呢，黑麻麻的地方用閃光燈係爆光一pat野架咋，啲遊人們(不是針對自由神呀﹗可唔可以唔好係咁閃呀﹗同埋不停有人用300分貝聲浪(也不只針對自由神)驚呼狂叫…嚇唔死啲魚(那是68cm厚的玻璃呀﹗)但嚇死我囉…囧

法令紋之顯露呀﹗應該送一件俾某人…哈哈哈哈

um，除了聲浪和閃光燈，排隊和遮也讓人很煩惱，排隊大家都辛苦…又熱又焗的…但你辛苦我同你一樣辛苦架咋…可唔可以唔好趁轉彎時攝上嚟呀？﹗跟住有個叔叔仲正，竟然趁一家人與一家人行行吓中間有空位，就打開啲圍欄上的鐵鍊攝埋去喎﹗(好像是被人發現佢奸計而無得逞了？)超癲囉﹗好在我有多年排小巴龍的經驗(嗱，呢段排隊奇遇記不針對自由神不過例子99.9%來自佢地，就如我的小巴排隊血淚史不針對DPL不過多數不快例子都來自DPL之嘛…)，死守轉角位同築起人牆…唉…好累呀﹗

跟住到避遮…首先我唔知啲elegant到不行的lace遮有幾能遮太陽…但可唔可以唔好有理無理掂行掂過，完全唔理有無篤到人…前面我都仲可以彎腰mau低避呀(原來我腰肢都幾靈活…笑)，從後篤埋嚟真係無得避…我好慘囉﹗一日俾人篤咗幾廿轉…

呢個世界有公德心的人去晒邊呀﹗吼~~~~~~~~~~~~~~~~~~~~~~~~~~~~~~~~~~~~~

out爆的我是第一次坐海洋列車…好開心喎﹗可以同迪迪尼個欣奧站列車一比高下呀﹗(一入去個水池都係呢個分唇嗎？)…站口隻鐵(甲海)馬好正…

這個甚麼亞洲動物天地…也是看到樂樂盈盈的sexy back…woow.....但唔使隔著玻璃係開心啲…

隔離連住的金魚館比我細個去時細咗咁多既？點解呀？細個睇ETV時成個長廊咁架﹗

另，出面有兩舊野俾人寫野許頁…HSJ咁多粉寫野既？最衰我無筆喺身…唔係我又寫番句JKS應援囉~~~~哈哈…

某老翻業界人士點出呢兩句中英文不符…哈哈哈(我們的誤焦點相當嚴重…)

渣渣兵？﹗哈哈哈﹗阿鵝同阿象，此行的其中一個目標…強烈建議要去的朋友帶定啲被呀衫呀乜呀盛呀咁，入面凍到無朋友，唔係涼，係凍喎﹗加之於而家熱到抽筋，強烈的一凍一熱好易中招呀﹗(年紀大，要多注意保重身體嘛﹗)

門口個哥哥好鬼pro…哈哈﹗白熊局有一隻毛毛版的…不過有個阿姐攝咗埋去合照…於是只能影上面呢隻硬硬版的…

企鵝君﹗超可愛喎﹗不過個館真係超凍…囧﹗ 我又重施看《清明上河圖》的故技…影人影相﹗哈哈哈哈﹗邊睇邊在諗…如果後面有人推前面的…咁佢地個相機隨時跌落水…企鵝君唔會同你執架喎﹗囧

 <<<<<<呢福相好好笑…諗起《白熊咖啡廳》食蟻獸個招牌嚇人pose…

 阿象和白狐…

<<<迷人的海景…人人行過都要影一影…哈哈哈

跟住就係機動遊戲時間，吾等只玩了三個過山車，唔知係咪連日落雨大家都以為會繼續落，冷不防老天爺來了一個天天天晴？啲館唔算排得好耐(都係幾個字…唔使以鐘嚟做單位)，機動遊戲都唔排得耐，有啲直頭唔使排…行埋去就有得玩…好誇張…

新那個動感列車(飛車？)好正喎…腳fing fing關係又上又落的特別刺激，而上車時下面升上嚟的地台大家都忍不住叫了一聲：transformer呀﹗哈哈哈…

相比之下老大哥瘋狂過山車一點也不瘋在，越礦飛車也不怎麼樣了(但我都係照叫囉…哈哈哈)

搭吊車返過去正門時(而家無咗集古村出口真麻煩…)就然聽到公園播CNBLUE的《孤獨的人》(WET CHU WE ARE﹗哈哈哈)…好勁﹗忍唔住跟住唱時…應該嚇死了同車的一PAIR搭枱人…哈…

  

 落吊車後逼你行的香港老大街，十分之知噢啲…

看我從白天玩到天黑就知十分盡情…行了十年的路加流了十公升汗水…XDDDDDDDD














******************************************************************

嘩﹗乜個廣告咁耐﹗我聽媽咪講架咋﹗我未去過水上樂園架(<<<<XDDDD…係咩嚟架？﹗)

兒童王國，做主角，快樂常有，與小丑劈友，劈甩咗隻手都好似未夠…其經典之處不用多談…真係好京京…你明白嗎，港九新界小學生的共同語言呀﹗記住當年係無互聯網喎﹗究竟點解可以咁傳頌一時？(我懷疑是YES﹗)