2012/08/10

[港劇]最喜愛的回顧~2~古裝片(武俠片類)

是咁的,本來只打算數十套劇出嚟寫(是翻炒日劇那篇),但數吓數吓越來越多,就分門別類順手呃文一番。於是,打後的幾篇跟第一篇只寫兩部又咁啱都係黎老闆會風馬牛不相及…哈哈…um,這也是吾博風格啦…

蜀山奇俠/蜀山奇俠之仙侶奇緣
N年前賦文講過,回帶的是警我師兄是小的超級無敵熱愛的男角之一,但好似只此一套,關禮傑其他劇我都無乜睇過(n年之後的《珠光寶氣》跟《追魂交易》囉)﹗而後來的一套,就是伊麵哥哥松松姐姐的情意結囉…。Um,《蜀山奇俠》首主題曲《年少無情》(張學友和SK姐)很有氣勢的說…)…現在看來,原來歐瑞偉都很長青的說…佢才喺《回到三國》出現過呀﹗

奇幻人間世/武林幸運星/烏金血劍/風之刀
呢四套都係細個時覺得好好睇,但而家已經無乜印象內容係乜…。《奇幻人間世》係咪武俠片?印象中係有啲青蛇白蛇FEEL的,SEARCH番(好似好多年都無撞過佢重播…)見係TBB的《白蛇傳》喎﹗(我成日記錯內容嘛…哈哈哈)細個時睇(已經係重播)好驚訝陳美琪可以咁靚,當時對佢既印象已經係《刑事偵緝檔案》JESSIE個家姐,有貴婦味啦嘛…),感覺佢係好成熟那一批,拍埋去邵美琪度一點也不輸喎…(搵兩個美琪來演是特登的嗎?)

另外最記得係首主題曲《秋意中等我》,吳婉芳選完港姐後係曾經唱過吓歌的說(我竟然記得佢選過港姐喎﹗)。

武林幸運星》跟《風之刀》都係嗰啲小子本來唔識武功,之後遇到高人成為正義的朋友之類…,呀,以前有一輪曾經將之跟《烏金血劍》掉亂的(因為都有周玉女﹗)。而我非常記呢套劇個名,好大可能係當年《No﹗》的毒瘤事件…又說《大時代》慳妹我無乜印象,但極記得呢套劇有周玉女和劉華首主題曲《天從人願》(其實劉UNCLE有無出過電視劇歌曲精選呢?應該有得做喎﹗)…

《風之刀》,前一兩年在收費台睇番重播,其實我想話郭城城喺呢套劇入面個杜拉格斯變奏古裝頭異常肉酸,顯得郭生份外的頭大身細,非常可怕,點解當年我會覺得好睇既呢?女角嚟講有梁小冰、蔡少芬和袁潔螢,陣容可算非常強勁(袁潔螢之後同郭城城仲有套《烈火狂奔》添,有黎視后的)個故仔就係上面講既小子成長記(武俠劇套路都係咁上吓?)。如果我無記錯,呢套《風之刀》應該係郭先生由台灣紅到番香港後第一套電視劇(之前的都係第三、四男角,連配角都未係的),懶係度身訂造的說(好記得主題曲《霧裡清風》和插曲《原諒我不懂你的心》都收錄喺《跳不完.愛不完.唱不完》隻碟度…點解我咁記得?因為我rip咗Mp3囉…而家仲會聽的…哈哈哈),而男角除衫…唔係泡劇專利…呢套入面郭城城都show咗好多次佢優美的身段啦…

Btw,郭城城當年啲電視劇不甚了了,電影方面好似好啲,起碼有《赤腳小子》和《伴我縱橫》係到而家都仲會覺得好睇(或想翻睇的)

又btw多一個,細個時覺得《蓋世豪俠》好好睇(潛台詞是…而家覺得…前陣子收費台做「我們的周星星」時我真係坐低追咗一輪的說),而我常將此劇中的古艷陽與《絕代雙驕》(劉華電影版)個奸角撈亂…又說,《絕》我鐘意劉華個超齡電影版同台灣林志穎蘇有朋個version多過無記版。

圓月彎刀
講咗《絕代雙驕》,唔爭在講兩咀古龍的,《楚留香》我只看了苗UNCLE那套,因為小的喜歡他跟翁美玲的組合嘛,一連看了《楚》、《生鏽橋王》、《天師執位》,不過最好睇都係《射鵰》…嘻。um,《圓月彎刀》當年萬分期待,點知無記收埋唔播喺暑假早上播喎﹗其實以本書啲「青青的彎刀是青青的」既異常open-ended風格,呢套個拍攝風格係幾配合到的,有啲詭異又有啲神秘(最爆係那些甚麼藍藍青青的女子,成日除衫的,當然劇集係無既)。um,或者style比較異常所以驚收視唔好就唔擺喺黃金時間播啦…(而當年播《神鵰》收視麻麻嘛)。又說,因為當年是早上播,小的唔係朝朝早起到身,於是唔係集集都有睇…個結局到而家都未睇完的…哈。

金庸劇類(詳見這篇)
不回太多帶,以下是小的飛佛:

射鵰英雄傳 (黃日華/翁美玲版,94年張智霖/朱茵version太可怕了…)

神鵰俠侶 (我梗係最愛古黑子版啦﹗我笑了…)

笑傲江湖 (其實我沒看過發哥版,只看了呂頌賢那個,其實都不錯看…)

天龍八部 (80年代版for sure﹗)

俠客行 (梁朝偉版…,唔記得有無睇過《鹿鼎記》((和劉華那個)),但異常記得《俠客行》)

***********************************************
後續﹗~

全集:
[港劇]最喜愛的回顧~1~《人在邊緣》 / 《今生無悔》
[港劇]最喜愛的回顧~3~古裝片(非武俠劇類)
[港劇]最喜愛的回顧~4~民初劇類
[港劇]最喜愛的回顧~5(完)~時裝片

4 則留言:

  1. 《赤腳小子》超經典結局﹐我哭到不行。以後齋聽主題曲依然有想喊的感覺

    回覆刪除
    回覆
    1. RE:Hotaru

      路像無去路…~~~諗起都慘呀﹗
      《赤腳小子》第一次睇時以為係小子式古裝片,佢個角色又係傻氣小子,跟住又識武功,仲以為係《風之刀》啲FRIEND,點知一路睇一路沉下去,個結局諗起都心有戚戚然,呢套係好值得回味的~

      刪除
  2. 我都好中意蜀山系列。第一套關禮傑既時候,已經覺得好正,總好記得紫青雙劍。
    第二套仙侶奇緣都係因為EKIN同松松姐姐。果時覺得松松姐姐做古裝都幾好睇,因為佢個樣咁正義,哈哈。

    回覆刪除
    回覆
    1. RE:JERRY CHAN

      握手﹗第一套我淨係覺得警我師兄超級無敵靚仔,當年我係希望佢pair李婉華的…典知最係係大家攬成一舊,個結局好難忘的說…首播時我完全唔aware有郭富城,係後來睇番佢啲舊訪問先知…再睇vcd…嘩﹗真係佢喎﹗完全好似發現新大陸咁…

      第二套伊健和松松係有情意結,又細睇到大,好難唔會追囉呢套。個結局好慘,石生真係由出世慘到去尾…嗚。當年松松姐姐長期短頭髮,見佢古裝郁長髮郁覺得好新奇…我細個係覺得佢令架…囧

      刪除

要講幾句嗎?﹗XD