東大合格生のノートは必ず美しい

前兩日博友講開包書，之後講講吓又講咗去抄NOTES，小的突然想起這本書…唉呀﹗我遇得佢太遲啦﹗於是我入唔到有赤門的東大，只入到有紅門的商大咋﹗

UM，不過我知道商大都是強大的﹗(我笑了﹗)

隨便影了一些，um，同我以前抄的不相上下啫﹗又說，其實我不是科科都有心機抄的，中文和歷史資料太多，抄到天光…於是我是用七色彩筆去間書，同埋用post-it寫下重點貼嚟貼去…(於是我屋企除了筆多，post-it也很多…)…用一千年都用唔完…

理科只讀了一年…而且沒有天份唔click…不提也罷了…而上右圖…啲字好醜(笑)…

數學做數既啫…我又唔會另外抄落筆記度，剩下來的就係Econ了，算係最有心機做筆記的一科，預科micro和macro抄了兩本密麻麻的無印簿，而家都仲keep住的…紀念當年奮鬥的日子…同埋，中學頭5年…我係無一次成功能夠做成一套可以用嚟作戰的筆記架﹗

ok，睇番本書，東大合格生筆記有共通7項法則…如下：

1. 無論如何前頭先寫精要

本書話：一開頭就用一個搶眼的題目paaa一聲，令令的放在開頭，之後先用1至3行去elaborate題目所講的內容

這…不是做筆記的common sense嗎？(好了，common sense is not common)，如果唔就題目分段再分point…我點知呢part講乜呢？這不是…常識嗎…呃…

2. 唔一定要寫的話就copy
本書話：問題演習note問題部份，如果關乎地圖、史料的話就copy貼落去。因為要考的科目的，吓吓都抄一餐的話要花好多時間，係又寫唔係又寫也太無效率了…

咦…(這不也是常識嗎？難道我真係臨摹一個歐洲地圖出嚟嗎？)…我的泡文筆記就因為覺得抄發音表太煩而影印了本書貼落本簿度喎…咦，原來我都有做東大合格生的潛質…

3. 大膽的留白位
筆記段與段之間唔使全部都用盡，好多人都會大膽地留白。呢啲留白位就留俾你之後溫習或上堂時講到相關內容時再補追加情報，咁樣就可以喺現有知識再深入理解同擊破弱點啦﹗

留白位我就麻麻地的，不過而定睇泡文每睇到記得之前有見過的東東都係再翻看一吓，記番頁數和補足一吓資料…咦…我又多一個潛質了﹗哈哈哈哈…

4. 活用index
因為一本筆記入面有大量資料，於是要喺最短時間內以最就手方法去拉出嚟，就要活用index，頁與頁的左上方貼一貼(可以寫埋textbook的頁數)，咁溫習時就可以最快search到出嚟啦﹗

媽咪﹗這是爹地都知的道理吧﹗鬼唔知重要的頁數要整條post-it貼住佢標示咩…

5. 要留心note的隔間
日本史不同時代，數學的問題和英文的長文等，整理的時候逐頁逐頁嚟就好易fill唔晒頁紙而斷開咁啦。寫的時候知識係一野過lap埋去，有系統的present出嚟會幫助大腦確認資料既，於是就唔好一頁寫得太多，一頁就寫得太多就用loose insert分開一吓

呀，這個我唔鐘意用活頁的筆記簿架，鐘意用一本本的…但一本本就成日都唔夠紙，某啲topic想再追加資料就無位了…就夾硬貼一頁紙落去…哈哈哈﹗

6. 創製original format
例如：英文左邊係長文，下面係單詞，右邊就係譯文，下面係上課時老師的解說…本書話東大合格生邊度寫啲乜係有系統架喎，咁樣邊啲係預習時寫的，邊啲係上堂時寫的，邊啲係後來追加的都可以輕易知道啦…又方便之後確認番之前寫的有無錯啦…

好認真喎﹗我無固定format架喎…um，用唔同顏色原子筆，一隻負責一樣內容…算吧？

7. 當然，要寫得丁寧一點…
本書話，可能有人覺得筆記應該寫啲容易睇的東東，等自己一睇就明易記啲，但考試時其實唔會load到咁多野，只係直接地load番筆記上的東西，如果上面寫的太口語，到考試時就好難改番做正式書面語present番件事出嚟啦，所以筆記寫時也要寫得正經點…

咁當年除了文學，其他科都係英文所以無得俾我口語喎。呢一點我覺得相確啦，當年多數寫point form，考試時就將啲要點linkup番埋一齊都ok呀，只要背得熟就得啦﹗而家啲語文既筆記…口語架喎都…哈哈哈﹗總之我明咪得囉﹗

<<<沒有大膽的留白…哈哈﹗這是某紅門生的筆記…