落(泡)坑兩周年誌

喺一個夜深人靜的晚上，我突然有一股奇怪既思潮湧上心頭，好奇怪，諗極都諗唔到係乜，喺思考的泉源--廁所沖了一個令涼之後，我諗到啦﹗當年我無啦啦跌入某人坑就係一月的某個晚上，從始開始了小的對泡菜國的研究﹗萬惡的根源，就係一套《瑪麗二叔公》啦﹗

• 這兩年來，有紀錄完食(但有啲係煲了幾集當煲晒的…XDDDD)的共25套劇(進行中的有兩三套，唔計有兩套係以前睇落的，大概都係差唔多呢個數啦吓)，兩年的話平均一個月一套，仲未計有啲睇完好回味要翻睇又翻睇，好癲﹗
• 對於令我落坑的某人，小的是有點遺憾，唔知呢，睇番舊作呢小的覺得佢演嗰樣似嗰樣，殺人犯時個樣衰到令人想打佢一身，湊bb的死人高中生欠揍得來又不失可愛，陽光差人情深得來不失理性，貴氣王子更加不得了，小的可是勁like的說；但自Leader一角(或者說從小的落坑後的作品)後的角色好像無咗以前的演員味，好像一味chok樣的說。對於剛落幕的新作，我只能說沒有動力讓我繼續看囉…。
• 話說回頭，2013年看過的劇集，原來第一部清貨的是《Dr. Jin》(有文有真相真好)，之後看過甚麼…唔睇番舊文已經無印象了。最好看的(毫無疑問地)是《聽見你的聲音》和《學校2013》之爭了(呵呵呵)，要選的話…前者吧？博友推介而無啦啦click來看，個故仔很落俗套的三角戀之外，還有奇情案件貫穿，個trick設計得頗巧妙，好些細節竟然是翻看才發現的說。
• 也是這個意外發現，意外地轉換了一條龍的對像，應該尚欠80集《HK3》和《觀相》最後廿零分鐘，手上的貨就清盡了~~~呀，唔知幾時有《熱血青春》看呢？
• 反而大熱的《主君的太陽》和《繼承者們》看得我呵欠連連…看來都很有爛尾的潛質
• 唔知係我睇親的都係咁定點，感覺上劇集的主軸係有唔同包裝，不過內裡暗藏一條讓人看得心花怒放的感情線，然後實在啲惡毒女二，和情深男二咁。但主軸的包裝花樣多而且往往足以蓋過老掉牙感情線的悶氣，硬係令人有狂追的意慾，好惡毒﹗(我讚緊《聽見》…哈哈哈哈)
• 呢水《來自星星的你》又讓小的好有心機跟播追了﹗
• 因為公事忙同埋無啦啦在翻兜舊劇(﹗)，今年看的沒有2012年時那麼的了，港劇(講開又講)可說無一套完食，日劇都係年初的幾套，之後的都爛尾收場了。
• 電影呢，遠古年代記得有入戲院睇《向左愛向右愛》和《挑情寶鑑》﹗這是多麼奇怪的選擇啊﹗落坑後為了一條龍的追看既因為係舊野於是多數係搵碟和…um…(這時候我特別愛國的說﹗XDDDDDD)，特登入場的原以為不多，但數數吓都好多﹗哈哈，遠(相對)既有《狼少年》呀《盜賊們》呀咁，近既有《No Breathing》(《速水花美男》呢個譯名實在太難受了)、《同窗諜影》，剛剛星期六睇了《魔童殺手》，呂珍九didi除了某些位睇落好似鄧一君，其實都不賴啊﹗(我又和豆瓣吹反調了﹗)
• 聽歌呢，我有說我有個怪嗜好是專聽泡歌手的壽文歌嘛？哈哈哈﹗某人的形象雖然叫我吃不消，但佢兩張日文碟都很不賴呀﹗之後有一水去煲東神的歌(呀﹗佢地剛剛出道十周年了)，而最近我發現IU妹妹的新碟《Modern Times》很不賴啊﹗湊巧的是…都係睇完啲劇就會去聽吓佢地既歌…
• 呢幾年好鐘意睇完日影/劇會睇番原著小說，但泡文嘛…um，又返番去太空書院繼續努力，呀，究竟當年壽司文時我係點背生字既呢？點解壽文的交通工具呀顏色呀咁我唔覺得辛苦架喎，但泡文就硬係背唔入腦？文法和作句反而唔太難…
• 想試吓挑能力試(好了，我是考試怪魔)，看過一吓pass paper，死囉，我睇唔明啲instruction，咁點估四個答案邊個係堅邊個係流呢？考試是四月…死囉…
• 仲有一樣，落坑後讓小的有新的追星目標，最新的樂趣是山長水遠見某didi真人…但我懷疑，這只是一個開始，奇怪行為係會陸續有來的說…囧

講完一大輪，我係咪要多謝某人讓我這兩年生活咁精彩呢？囧