2014/01/05

《同窗諜影》(동창생)

就看這部還是《救火英雄》小的可是諗了一大水的,但因為想到《救》有我最「敬愛」的成虫大哥,我還是看BB的TOP好了…咦,原來POSTER中躲在TOP後面的是《擁抱太陽的月亮》既小煙雨,然後另外一個女角係《朝韓夢之隊》的泡菜二號女球手…原來啲人腳都好熟口面喎﹗

一路睇好難唔諗起又係北泡特工潛入南泡的《偉大而隱秘》…

豆瓣啲評論,好多人都拎呢兩套片一齊比較,跟住比呢套《同窗》的評價都麻麻?兩者秤一秤呢,其實我鐘意《同窗》多啲喎,雖然《偉》係笑到我傻了…

即係呢,《偉》片前段重心放了在三個北泡特工喺南泡假扮普通人,笑點多到不得了,中段疑似被國家放棄而被追後,跟住就是打打打打打打打打打打打打,打到我呵欠連連,打極唔死度連咱們的不死子珊都敵不上呢,後段係打得精彩,但真係太長太煩啦…我…是扣了佢分的…哈。

《同窗生》(我鐘意咁譯多啲)呢,喺姜大浩以脫北者身份來到南泡執行殺人任務,扮成高中生(呢吓真係唔得,一定會諗起《偉》片啦﹗)時係有一兩個笑點,但佢重點不是笑點嘛,雖然親情線(同親生妹妹多啲,爸爸是無乜MENTION過的,最後竟然係同也是特工的食店婆婆親情一番﹗囧)、友(愛?)情線(那個疑似被欺凌的慧茵)都不深入,或者要留篇幅俾亮麗的打打打打場面吧,所以,大浩點解明明要不同任何人有關連,但就出手救慧茵,絕對係要自生加入想像…呀…那是因為學校的那個慧茵跟自己妹妹同名呀﹗

<--在北泡時的情境,我想問…乜北泡會彈YAMAHA鋼琴﹗日本唔係都係北泡敵人嗎?

劇情主打係大浩被逼當上特工的,佢一心完成任務回到國家同妹妹一齊生活,於是喺南泡佢成為殺人機器都在所不惜…咁,面對因為三番四次救了自己而親近起來的南泡慧茵,我估係有啲情感投射當咗佢係妹妹吧?如果多兩野催淚位或篇幅講多啲大浩的無奈會更好啦…

 BB粉應該會超開心啦,TOP哥哥打得流麗,不死子珊上身咁除了最後一段先中吓刀中吓槍,幾乎是所向無敵,要殺邊個就殺邊個﹗無疑啲動作場面係拍得好好睇的…

UM,亮麗身影和COOL爆的大頭都不是重點,讓我印象極深刻的是大浩殺了人眼泛淚光的場口(特別係最後佢以為可以上船返國點知個魚佬FAKE佢,佢傷心地狠狠地插死佢那幕),無奈之情係如黃河江水滔滔不絕耶﹗不過劇情又無特別在DIG IN喎,都係那句啦,要打丫嘛,於是轉眼就過,無乜文戲可以發揮…

見到左邊的慧茵就想起《朝韓夢之隊》DIDI係北泡人,跟住右邊的慧茵就想起《擁月》,就再想起森動…就就再想起《偉大而隱秘》中森動是北泡人…呀,泡菜國熱忱拍南北泡片,跟咱們的黑幫片有得揮呢…講番套片,最後會唔會南泡慧茵接北泡慧茵生活呢?

同埋呢,點解一街都係特工既?跟住你殺我我殺你殺得咁易…巧京京喎﹗同埋呢,阿大浩(明勳)本身喺少年軍已經練得一副好身手的嗎?佢夢想做鋼琴家架喎?點解可以反差咁大既…

雖然劇情我覺得是有點太缺失,但整體流暢而亮麗(打得真係好好睇﹗),都不賴呀﹗(起碼全程我無意圖或企圖拎過電話出嚟呀﹗)呀,最後呢,大浩中了兩場都未死時,場內有三數個大嬸大笑「仲未死」…那一刻我好想和應佢…係躪…點解呀?雖然最後…UMUM…都正常啲…

呀,除了YAMAHA那個位呢,我想問點解大浩會有阿警官個電話?唔係得南泡慧茵有咋咩?佢點解可以直接打到去佢手提?

FINALLY,原來TOP叫崔勝賢…噢…

沒有留言:

張貼留言

要講幾句嗎?﹗XD