2014/01/25

近期常聽的歌~(10)

許牙醫~《時光》~um,我諗我成為許牙醫的歌迷了…

即係呢,小的對啲勵志正面友情野係無抵抗力架,繼之前的《長大》(不用說,仲有煲到爛的《青春頌》啦)後有首《時光》,據說係許牙醫嚟緊演唱會的主題曲,一聽歌名…我係諗起郭城城的《時光》~「時光…美麗動人」…呀,呢首唔同既,講朋友之間友情,珍惜相聚時光咁,晚晚收音機有播就聽入腦了…

Rubberband~《成長說明書》~繼《青春頌》另一首正能量到不能,就說成長係無既定的說明書,與其死跟人們(就是歌詞說讀到爆腦跟住入熱門科,這是多麼的令人有共鳴啊﹗)的舊路為難自己,勇敢去闖出自己的路不是更好嗎?嘩﹗這是多麼的正向,聽得人幾心花怒放呀…


連詩雅~《只要和你在一起》~原因不明,但次次連詩雅啲主打歌都好啱心水架喎…點解呢?

大文豪~《異能》~又是一首正能量到不能的,副歌「讓異能逼出來」好有型,用嚟做鈴聲應該會嚇死好多人?﹗(XD…咦…我是真心覺得首歌好聽架﹗)

鄭天后~《天生一半》~sweet到漏,完全覺得係嚟緊去飲時播成長片段片會用的background歌﹗﹗﹗﹗﹗

小肥~《高登歌》~琴日聽收音機主持人將呢首歌同n年前陳b汗的《愛與和平》拍埋一齊講,《高》的「如初戀 漫畫店有售 便快樂無求」與《愛》的「如童年夢想失落了 於何處下載」相提並論,又真係有異曲同工之妙喎﹗

林憶蓮~《赤裸的秘密》~嘩﹗點解可以變成咁聖誕歌feel既?又說,因為我是聽敬hins的翻唱版而認識呢首歌,咁對原版印象不是太深,又覺得新版ok啊﹗好有興趣聽吓蓮母的新碟添…

同一時候仲有cool魔的《你是如此難以忘記》也是翻唱的,原來佢會出隻翻唱碟,而之前的《歲月如歌》係碟內其中一cut…噢…唔知係乘住部劇而唱,跟住先隻碟定掉轉呢?

貼住咁多先…請呀﹗

沒有留言:

張貼留言

要講幾句嗎?﹗XD