或許我被此劇的官片影響了，於是見到劇中太恭實(孔孝珍)的鬼樣look，跟圖中的美艷look差太遠的時候，我睇到第10集都仲未接受到…囧
同埋，啲鬼真係好得人驚囉…夜晚睇會嚇死…
好啦，既然係接《聽見你的聲音》既，少不免就會linkup一吓，又是男主角(朱中元)細個時有單懸案，之個不解之謎一路去到現在，呀﹗今次終於唔關女主事了，今次係咪可以難得終於女主唔係細個就識男主？
跟住呢，又係講似曾相識的時候，阿朱中元(原來佢就係主君)(蘇志燮)喺15年前的綁架案成為肉參，因為被逼每半小時就讀一段野(以供綁匪證明佢自己仲在生)，於是事後就有讀字障礙，而當年的女友車喜珠同樣被綁事後意外(交通？火？)死掉，但又疑似佢同綁匪有關係，令阿中元話佢係壞女人，又唔想同爸爸供出邊個係綁匪，令到單野遲遲未能破案咁。um，睇到嚟呢度，我諗起…《秘密花園》阿朱元囉﹗朱元(咦，唔通做親社長都要叫阿元既﹗《繼承者們》金嘆阿哥叫金元喎﹗)又係遭逢大刧(困在電梯後被救出，但就不能再搭lift)後得病，而當然，朱社長這個心結係會由女主角去解啦﹗
咁呢，15年前的事件係故事一條主線啦，跟住男女主角相遇之後，透過恭實見到的唔同既鬼，幫唔同既人過程中二人感情就梗係不知不覺中增長啦，而詭異的是啲鬼又很多時會喺朱社長的KINGDOM百貨公司度發生架喎﹗每單鬼既事件都有堆人在客串，不過我唔識啦(睇了名都…)…看維基都好似有啲來頭的…
呢吓同《聽見》彗星跟車辯每次接到的案件，初初係無乜啦家，後來就連起10年前的閔俊國案件度﹗噢﹗話說朱中元之所以留住恭實在自己身邊就係貪佢可以同鬼溝通，就可以等某月某日如果見到車喜珠時就可以解開當年的謎了…
um，平時睇劇呢，主角的童年通常都係小朋友(還是小朋友？)，今次朱社長設定是34歲，15年前遇害時為19歲…咦…竟然搵咗infinite既L嚟演少年朱中元喎﹗原來(真係原來)，我一路見啲劇照唔係打晒燈就係濛晒鏡，原來，打晒燈係朱中元被綁的地方，濛晒鏡係回憶少年朱中元跟車喜珠的愛情回憶…
而跟住呢，也是女主角無啦啦中入男主角的世界(其實有邊套劇唔係？)，太恭實因為有見到鬼的異能(我無時不刻不諗住目擊爸爸被殺之後有聽到人家心聲異能的修夏…)((恭實有呢個疑能也是遭逢巨變之後…好可怕的共通點﹗))，而佢又好鬼驚啲鬼，於是成日都唔能夠瞓得好，又因為見鬼而成日驚呼狂叫而嚇到身邊人傻了眼，UM，總之佢就係成日都面青口唇白，之後又成日好大黑眼圈，我發現，這真是演技之顯露﹗
跟住我好奇之下搵一搵孔孝珍姐姐看一看，佢都好多變喎啲形象﹗而佢劇入面頹吓頹吓的造型真係令我不能LINKUP左邊圖中的佢﹗囧﹗而我總覺得佢一把年紀的時候…原來佢係80後的說…(80後的前輩…80年的)
ANY肥，太恭實係個心地善良的女孩，明明怕鬼但又受不住啲鬼既拜托會去幫佢地，就喺一個狂風暴雨的晚上幫個死咗的媽媽傳訊息，之後就遇上朱中元，而阿朱中元係唯利是圖無愛心的高傲商人，但阿太恭實無啦啦發現掂住朱中元的時候佢會好安定見唔到鬼，於是就死纏住中平…而當然，中元開始時係唔鐘意的，但慢慢為佢打開了心胸，會唔覺意救咗佢跟住喺唔覺意之下暗生情愫，看得人心仔BOBO咁跳…(囧)
常見劇情仲有男二愛女一，跟住女二愛男二…今次又中了﹗姜宇(徐仁國)原來係為朱中元阿爸收集情報而親近太恭實的，但又不知不覺鐘意咗佢，而太伊玲(女二﹗)就無啦啦熱愛姜宇，跟住大明星小太陽(點解佢叫小太陽？)((伊玲))追住上班族(伊玲如此叫姜宇)，但上班族就心向大太陽(恭實)，而恭實雖然都好似鐘鐘地意姜宇，但係佢未知自己其實心系朱社長，朱社長都發現自己已經慢慢鐘意咗恭實，仲不經不覺違背自己原則地去守護佢，又會妒忌姜宇而叫佢做姜糖果…呀﹗這是個多麼令人不知如何是好的愛情故事呀﹗
Last not but least，喺《聽見》同《繼承者們》都演悲情人生的女人…次次都係又窮又慘，今次佢竟然係有錢的，仲要係主角的中元的姑姐，我第一次見佢咁富貴呀﹗好啦，先不決定好唔好睇住，睇晒先再補後感，以上。
《主君的太陽》wiki頁
沒有留言:
張貼留言
要講幾句嗎？﹗XD