《プラチナデータ 》(DNA白金數據)

森之時計﹗喺邊度出現過﹗典解我唔發現既﹗《溫柔時光》呀﹗

二宮和也加東野圭吾，成件事都讓我想起《流星之絆》，UM，最爆都係最後二宮跟兇手又係要就枝槍搶嚟搶去…XD(咦…我開始劇透了？)

• 豐川悅司的《二十世紀少年》沒看，再數就係《情書》了，銀幕上佢係個盡忠職守的刑警到處追捕神樂(二宮)，滿臉雀斑也不打緊…只是POSTER上執得太誇張了…白滑到好似用咗SKii咁呀﹗
• 鈴木保奈美﹗加埋豐川悅司成件事勁90年代。呀，佢話自己就好似神樂的媽媽…呀，歲月無情呢，但比起斗真那更無情的眼紋，鈴木姨姨都叫ok既，個樣殘咗，但把聲keep住咁青春嘛…
• 原來鈴木姨姨個角色喺小說度係男人嚟的，為了帶出dna和愛所以就改成女性。呀，本小說我買咗未睇。
• 喺東京幾天不停睇套呢套戲的宣傳，睇得最多係神樂解釋佢呢套dna捉人導致零罪案率的system，我仲以為係刑警和天才科學家的對戰，但神樂天才科學家得一陣就很諷刺地被system說自己係罪犯了…
• 雙重人格﹗跟住又有父親的往事，之後又有教授跟數學天才少女之間的奇妙愛情和親情，神樂的身世都不是一般的簡單…
• 個真兇不難估的，一路搵一路都有hint出嚟。
• 水原希子成日都做埋啲神神化化的，今次係天才數學家，上次《整容天后》就懶係看透世情的後輩，佢好似無乜得幾可做番啲普通少女？
• 我仲以為個system好先進，原來不遠的未來只係2017年，所以個dna庫並唔完善…咁…唔係有晒國民的資料，咁呢個system咪廢架囉？
• sorry，我駁故了…
• 點解一萬九千幾個人去追神樂都俾佢走得甩？(唔係邊有戲做﹗)
• 睇到神樂的資料是1988年生…呀﹗真好呀﹗又青春了幾年﹗
• 二宮打字爆快的…而那些似是而非的program…有無人知道係咪真係？定係亂咁打的呢？﹗
• sorry，我講了好多無聊野，因為我半迷半醒的看嘛，哈哈哈﹗而淺間刑警跟神樂一路睇我一路諗起《流星》的功一和柏原刑警。劇和戲都係二宮和最終真出大剖白，呀﹗愛係最重要的呀﹗好老土啊﹗
• 最後的一段對白講dna不代表一切，人才是最重要的…噢…總係要說教一番…

我期望的是高科技殺人疑案…turn out原來係人間有愛…咦，係咪我錯了？﹗XDDDDD…

*************************************************

至於點解小的會睇睇埋咁多PROMOTION而弄得很想看這部戲呢…就係呢個節目了﹗據說，二宮係喺人家REHEARSAL的時候扮成道具人員完成各項任務…

 行入人堆度整理道具﹗成功﹗而成功的定義就係其他演員唔發現佢就係二宮啦…

之後仲要以鎚仔用三三七的節奏嚟DUP釘…哈哈哈﹗而身邊的藝人完全唔發現…忍唔住笑了…

 跟住就係偷偷的將《白金數據》的貼紙貼喺戲棚度…

 又係無人發現﹗

 之後是要同直美有「BODY TOUCH」，同埋喺戲棚的椅子上坐下，都完成了﹗

 著上改了的外套喺藝人堆度行嚟行去…又過關﹗

 中間有啲我好似無影到的…

 當二宮圍喺工作人員堆時不時有演員行出行入都以為佢會被揭穿…點知又無喎﹗

 哈哈﹗拎住呢個長到無朋友的大鎚去DUP釘又無人發覺喎﹗

跟住就係十萬YEN的挑戰了…吸一吓呢個變聲噴霧之後走入演員堆度唱「ARASHI~ARASHI FOR DREAM」…XDDDDD

 呢一刻…先有人問：咦…係咪二宮喺度﹗

其實我唔知呢個係乜節目的(我太耐無睇綜藝啦…)…但見二宮咁入戲扮得咁入神就忍唔住喪睇和喪影…抵佢嬴的說﹗