2013/02/13

突然懷舊之影視情歌篇

博友貼得咁開心我是明顯抄橋的,剛好Mp3 loop到這一首,順手貼吓歌又沾一吓甜蜜氣氛嘛~

Selena《Dreaming of you》~記得《壹號皇庭》、《妙手仁心》除了輯輯都有蘇永康啲歌,仲硬係會插幾首英文歌,應該係米高學搖滾的《That's why you go away》比較紅吧?但我好有印象是這首《皇庭》第4輯的插入歌,一聽就諗起Michael和阿Sam在中環隧道畫畫像的一幕,之後啲回憶片段(即係佢二人分咗手時啦)實back住呢首歌,睇完成輯就入晒腦,次次行經隧道時就會諗起呢首歌…

Stephen Bishop《It might be you》~今次係《人在邊緣插入歌﹗問你死未﹗呢首係次次劉青雲同陳法蓉談情時一定back住的,呢部劇我睇了一千幾百萬次,想唔入腦都唔得啦﹗除了呢首英文歌,其實黎老闆的《如果這是情》都係lum到暈的﹗逢黎老闆同羅慧娟的談情戲就會back住,聽到入晒腦的說。話時話,細個唔知呢首英文歌叫乜名,憑住僅有的記憶去(即係哼住歌詞…)搵,我初頭係搵錯了《Reality》,話實,都係超好聽的,錯有錯著﹗

關淑怡《愛恨纏綿》~又係無記﹗又係黎老闆﹗死未…順住諗就諗起呢隻《回到未嫁時》的主題曲,雖然講起SK姐我還是比較喜歡《當世界無玫瑰》、《離去請關燈》、《最深刻一次》、《患難見真情》、《這是我心裡對白》…(你數晒啦喎…囧﹗)

鄭秀文《不拖不欠》~講起中環那條隧道就會諗起《百份百感覺》(突然跳了去電影界…),奇異地我是相當記得呢套戲和呢一場…本身小的不太喜歡鄭天后的嘛(但因為呢套戲有小的飛佛之一鄭E麵嘛,於是我翻煲了很多次,XD),但因為呢套戲是會唱K點這首睇這個MV的說…哈

古巨基《Be My Valentine》~其實我從來都無睇過呢首作為主題曲的《天旋地戀》(當年古眼神頭髮幾…稀薄…陰公…),但我喜歡這首歌夠sweet,而且當年未去過日本嘛,望住隻碟的日本地下鐵車票,會幻想跟住詞中的「上野新宿經涉谷轉車到代官山街去」會係點既一回事,幻想真係好美麗架﹗

林曉培《心動》~其實《心動》呢套戲我喺電影台睇散亂地睇了一千幾百次但就係無完整睇過一次喎﹗首歌的感動度遠超於套片啦(但呢首歌好似只係套戲的先行宣傳歌,主題曲係另有其歌的說…),以前就因為鐘意呢首歌而走去買林曉培隻碟,雖然我好buy這首歌的柔情風格…但人家其實是走rock女路線架﹗哈哈哈…我又試搭錯線了…anyway,呢首同前謝太的《星語心願》(電影《星願》)、黎老闆的《今生不再》(電影《玻璃之城》)一樣(仲有謝Lemon的《半支煙》呀﹗),套戲我無印象,但就勁鐘意首主題曲…

陳曉東《猜猜猜》~講得梁Fing琪的《心動》唔爭在講埋另一套我翻睇又翻睇的大愛之作《初戀無限Touch》啦﹗我咁熱愛陳妖Lone喎﹗就算無睇過套戲(啲初戀少男少女情懷呢…好攞命﹗),淨係睇啲詞寫心如鹿撞的心情係幾咁入木三分呢﹗唉,講起又想睇番呢套片…XD

徐仁國、鄭恩地《All for you》~為免我係咁貼90年代野暴露出我的一把年紀,讓我貼番啲新啲既啦…哈哈哈﹗2012年的《回答吧1997》(但骨子裡都係90年代的集體回憶…囧),死未﹗雖然,其實我無睇過啲歌詞…純粹係聽起上來覺得好lum架咋﹗

桑田佳祐《明日晴れるかな》~呢輪睇開山P讓我回想起睇《求婚大作戰》時好鐘意首主題曲的說,歌詞好正面又夠貼題,同劇中內容搭配到不能,即係呢,我鐘意啲正能量歌多過吓吓死人lum樓我失戀我好慘嘛﹗不過呢篇主打貼歌影情歌啦…其實我想話我心底最愛是《白い恋人達》啊﹗

鄘美雲、張學友《只有情永在》~本來我想貼小的至愛95《神鵰》的主題曲《神話情話》,又或者舊版劉華版的「情若真~~~不必相見恨晚」…但諗諗起吓突然浮起呢首《賊公阿牛》的主題曲,細個時親戚成日唱K時唱…逼住聽走音版聽到大所以極有印象…但套劇…我是未看過囉﹗咁爆咋就擺喺尾啦~噢耶﹗

BTW,張歌神的主題曲其實我比較鐘意佢跟SK姐的《年少無情》(我大愛的《蜀山奇俠》啊﹗)

6 則留言:

  1. 你個題目令我諗起孖仔孖心肝裡面,劉青雲且駱應鈞响架車度唱I've Been Waiting for a Girl Like You。

    回覆刪除
    回覆
    1. RE:brownie

      所以說好多英文歌我係睇電視學番嚟的﹗哈哈哈﹗

      刪除
  2. 說不清是劇集好還是主題曲厲害,當聽到傻癡癡會想到都市的童話,聽到愛恨纏綿就會記起回到未嫁時…

    回覆刪除
    回覆
    1. re:まこと

      我都唔知呀,我係睇首播時睇到入腦,跟住就好記得首歌,再之後搵番隻碟嚟聽,聽住隻歌又諗番起啲劇情再增加熱愛度,但其實已經好耐無翻睇套劇,劇情只係記得一點點…好多時就算翻睇番套劇感覺都不一樣…唯一係還是會覺得首歌好好聽架咋…

      刪除
  3. 第一首就係我最愛既皇庭IV,Dreaming of you同Sam and Michael~~

    前個排我睇鄧監制既webo,
    佢話"完成拍攝皇庭IV的第二天就要去三藩市,在那邊的唱片店發現放滿Selena的CD,向朋友了解,才知道這位年輕女歌手幾個月前被殺,後來聽到了這歌,皇庭IV就有了插曲"

    有一排狂loop呢首歌,鍾意到要去買皇庭原聲大碟
    歌詞簡單直接!讚

    睇鄧監制既劇令我學到好多英文歌,間接提升我學英文既興趣XD

    回覆刪除
    回覆
    1. re:Nicky

      第一次睇《皇庭4》時就好鐘意呢首《dreaming of you》,不過那時未識上網去搵番呢首歌,到前兩年再重溫部劇時就去search youtube先知原來個女歌手已經過咗身…

      鄧特希呢個小故事真係唔講唔知喎﹗通常擺喺套劇度怒播好易會聽到厭,但呢首歌好神奇燧會越聽越鐘意仲會不停諗番起阿sam和michael…(但我唔鐘意第5輯硬加了陳慧珊的拖拉感情線了…

      鄧特希啲劇除了英文插入歌好聽,劇中人唱番的插曲都好正,特別係蘇永康啲歌~

      刪除

要講幾句嗎?﹗XD