2012/03/27

[韓劇]《愛情雨》(1-2)、《屋塔房的王世子》(1-4)

我.終.於.都.潮.番.次.了﹗(嘩哈哈)

(同埋終於唔睇古裝劇了?)

28/3/12:《愛情雨》第二集更新…
31/3/12:《王世子》第三/四集(咦…我打算係咁加長呢一篇了?)

(而且…仲係邊睇邊打的說…)
(死囉…呢水我好似淨係掛住煲劇?)
(劇透注意…)

第一集:
  • 畫面好唯美啊﹗還有點電影的感覺…那種偏黃的感覺是特登的嗎?(唔知點解突然諗起《挪威的森林》了…)
  • 係真聲定配咗音?真係幾有電影feel…
  • 單刀直入﹗一嚟徐仁河(張根碩)已經偶遇金允熙(允兒)兼一見鐘情了?咁快?
  • 咦…又係主角唔敢出聲俾身邊的男配快手一步?好慘啊~
  • 唔怪得微博的大大都叫仁河做徐小呆,成日發傻好可愛攪笑啊…(特別係女主角個friend同女主角講佢有訂婚者仁河飄出嚟話自己無時…個表情認真但我忍不住笑了)
  • 執咗人家本日記唔俾番人…仲要睇埋…好壞啊…(<<見唔見到個花癡mode已經著咗?)仲要走去借人家講的《小王子》喎…又走約人看電影…哈哈…
  • 宣傳照成日見的黃色傘話咁快就出現了…睇仁河啲怕醜表情好好笑…擔遮擔到自己濕晒又幫允熙擋雨…之後竟然走咗去…
  • 金允熙﹗佢前生係《成均館》的金允熙嗎?
  • 又有結他…又會唱歌嗎?(打完下一句就開始自彈自唱了…)
  • 麥當娜是那個麥當娜嗎?乜佢70年代已經hit到去韓國了嗎?

好可愛的表情…

第二集:
  • 又嚟跌backdrop(類似的),跟住某碩又樸埋去檔住個女仔…跟住又整親隻手嗎?(yes,我就是在講《瑪麗》的劇情…)
  • 不過小呆竟然係叫允熙在石膏上寫啲野逗她笑(不過反而勾起她的傷心往事…)…而唔係無缺咁叫瑪麗做佢隻右手…(而叫瑪麗做右手…我又覺得好似泰京在戲院叫美男做佢對眼…好熟口面添﹗)
  • 而呢一場,允熙終於…除了文靜少女樣之外…有番啲戲做了…(起碼要擺個悲傷樣啦?)
  • (話口未完…仁河就叫允熙幫佢了…因為隻手傷咗嘛…哈哈哈…我真係神呀估得﹗)((好古惑的借故教人彈結他耶…哈哈…咦﹗《瑪麗》又有教人彈結他喎﹗))
  • oh,原來阿仁河哥話佢一路唔畫人像畫,就係等鐘意的女仔出現先畫﹗oh﹗(從微博見到…某哥畫的真跡…哈哈哈…太有藝術感了﹗…)
  • 唉呀,又是為了東旭想向允熙表白所以唔敢講清楚,就算俾允熙見到幅畫的起稿都硬說是惠貞…oh﹗好傷人心架喎﹗(唉呀…又唔敢講清楚…唉呀﹗明明人家等緊架啦嘛…)
  • 允熙偷睇仁河個櫃有乜畫時唔覺意整跌晒跟住見到佢畫自己,啲鋼琴配樂好正(是要配番佢地心如鹿撞嗎?﹗)…咁同仁河睇人家日記打和啦…XDDDDD
  • 有兩個正常的FR總會有個攪gag的吧?阿四眼男好攪笑…佢叫…昌模?
  • 那天,某人很卑鄙,某人很誠實,某人很悸動<<<很詩意啫…而呢幕某哥眼框(下面咋喎)通紅…突然諗起…吸血殭屍添…
  • 唉呀,好慘呀,終於拖到對方隻手…但就代表佢同個friend交往啦…唉呀,真係好煩…典解硬係a鐘意b,b鐘意c,c鐘意d,但d又鐘意e,e鐘意f,但f鐘意a呀?
  • 阿仁河作了首《愛情雨》,一開始咁低音既?(不過佢話未作完嘛…)((點解佢啲角色硬係識作曲既?))

(花癡完,正經番先)據朴友說收視好像不太好…是偶像演出的問題嗎?(張演員給我的感覺…似偶像多過似演員了…嗚…少時…其實我唔識的﹗哈哈) …噢…;唔知呢,感覺如果集集都係咁睇唯美畫面啲人行來行去都幾大鑊(又說我好似好少睇呢啲咁純純的愛情劇?),怕就怕會灑狗血啫(70年代那part未能開花結果嘛…)

(咁都係一集啫…睇定啲先…)
((第二集內容上紮實番好多,唔再一味活動wallpaper了(((咁都好啲﹗))),第三集的預告會講到仁河正式出手了~))

話說回頭,其實我比較期待現代的毒舌影相佬多啲…

*****************************************************
[韓劇]《愛情雨》(19-20)~結末感言
[韓劇]《愛情雨》貼圖期待文…
***********************************************************
 《屋塔房的王世子》呢…本來無諗住看的,但見某博友的cap圖文…已經忍不住喪笑…一睇…嘩﹗真係好笑喎﹗

呢水啲穿越劇通常都係現代人穿越番古代,古代人穿越到現代的…我諗了一大輪…有了﹗《秦俑》(焚身廁所…)…再諗…有啦…《九五至尊》呀﹗雖然江華叔叔是有點chok,但佢演雍正跟張可頤的呂四娘由古代殺到去現代,那套劇可以笑爆了我的咀(難得地),古代皇帝到現代走進企業度大攪了一番(但我唔記得佢地有無番返古代了?係咪應該翻睇番轉呢?)…

呀…皇族到現代?咦﹗

《王世子》第一集主打係交代劇情,古代和現代,童年和成年四個時空交錯著的,去到尾時王世子四出搵人幫佢組成偵探團開始有笑位了…佢走嚟走去拍人膊頭竟然讓我想起百x超市的黃老太…哈哈哈哈…喺穿越前是王世子嘛,主打都係chok個威嚴樣出嚟…都仲好正常…去到現代就大件事了…4個古裝人在街上走嚟走去(佢地拍的時候經過見到的人都應該笑爆咀了?),之後亂過馬路,在便利店喝令店員俾野佢食,然後4個人像小孩的在警局裡望住人地食野的眼光,因為畫出個車牌而搵番樸荷然後極速ko蛋包飯,再因為各式電器而受嚇攪到差啲連屋都燒埋(呢個時候我諗起美男攪到泰京間房一團糟的一幕…逢係啲錯人去到錯的地方一定要整一場毀滅式轟炸既笑位?)…哈哈哈﹗我笑到傻了﹗第二集啲笑彈放得好勁﹗唔知之後keep唔keep得住呢?

講起《原來是美男》,當年(其實都係前兩個月)我在車上睇笑到合唔埋口,呢套剛剛的第二集又笑到我標眼水…好危險啊﹗

兩姊妹呢,妹妹好cutie(面珠圓圓好想meet佢呢…),姐姐又幾靚女;至於成年版…阿家姐點睇個樣都似細過阿妹喎?

勁爆鐘意樸荷換咗4人的古裝衫然後換咗tracksuit俾佢地,然後照顏色叫佢地大叔…XDDDDDD…之後教佢地適應現代生活,見到張銀紙有世宗大王大叫殿下和除鞋上巴士…好爆﹗(我好似除了好笑之外無其他形容詞了?)…呀,同時我在追緊《成均館》嘛,有天哥哥啲表情生鬼咗好多喎﹗(據女林大人啲訪問話佢本人確係生鬼路線,唔係佳郎咁吓吓木口木面架喎)…肚餓望住野食時個恨樣真係好爆笑…轉頭又要chok番個威嚴樣出嚟…好正﹗

又說,既然佢aware到自己去咗300年後,咁佢會唔會諗住叫樸荷幫佢search番300年前世子妃點死呢?咪唔使查得咁辛苦囉?

又又說,佢雙手擺後那個世子行喎post,讓我想起李大蝦…唉呀,攪到我好想拎番套劇出嚟翻煲一番添… 阿王世子之後會唔會好似大蝦咁加入公司發揮佢管治之才呢?

(死囉,看我可以一路睇一路打…《愛情雨》真係有危機呀…)

31/3/12後按:

笑點是沒有第二集咁爆和咁密(人家都在努力融入現代生活了),不過笑點還是例不虛發,第三集的電梯換衫,和第四集王世子站在一旁扮黃/藍/綠三人跳舞啲表情真係又可愛又抵死,而阿王世子係咪在古代時因為身份所以成日要擺個威嚴樣,到現代因為無王世子做,於是出行力做番個小朋友(佢做小朋友時已經要娶老婆嘛?),食綿花糖飲益多多(疑似的)時個樣都極可愛(又好像除了這個term沒有其他形容詞了)…

第四集尾佢意識番自己係泰勇了…咁…佢同王世子係共存嘛?定係一時係王世子一時係泰勇呢?oh﹗(同埋我最著緊的是:會唔會少咗笑點呢?﹗(誤)


另,成套劇啲人係咪都拎住部加力士碌實在太爆了…《瑪麗》時個個都拎加力士吐已經爆,無缺和瑪麗都唔係有錢架嘛…而家樸荷都拎住部碌…仲有錢過無缺﹗遲吓佢會唔會出番部俾王世子呢?佢會用咩鈴聲呀?(又誤)

歡樂後記: [韓劇]歡樂無限~《屋塔房王世子》

6 則留言:

  1. 愛情雨我都係一路睇一路唔知做緊咩,節奏係慢又未至於難睇既。張生既問題係賣埠得(日本受歡迎),但係國內並唔係真係咁紅。

    重點你,你終於潮返次XDDDDD

    回覆刪除
    回覆
    1. 我潮番次確係重點﹗所以劈頭第一句就寫低了﹗卡卡卡…

      《愛情雨》我唔算睇得好投入(從我可以一路睇一路打文就知),我諗觀察多幾集睇吓佢想點先囉…呃…

      咦,你咁講…我的口味日本人了…哈哈哈哈…

      刪除
  2. 問心,王世子真係好睇過愛情雨。雖然我係張根碩粉絲。

    回覆刪除
    回覆
    1. 呢套《愛情雨》最可惜是變了婆媽拖拉劇,將第5-10集男女角的愛情線拖到死咗…就算有張根碩嚟我都係想快飛…XD…

      《王世子》真係精彩太多了…囧

      刪除
  3. 看你的劇評笑死我了,想不到被你的劇評吸引到我去看一下《愛情雨》,飛了七十年代,直接看第五集,發覺劇集構圖的確美,配樂也跟劇情相配,當中兩代愛情的對比亦看出編劇的用心,但劇情乏善可陳,感覺編劇已江郎才盡,光看故事大綱就輕易令人想起《原來愛有天意》,再看劇情就充斥《原來是美男》和《秘密花園》的影子,第五至十集的除俊是黃泰京和金社長的混合體,從第十一集起的除俊變成經典韓劇痴情男主角,由天到晚只懂為愛情而哭哭啼啼。

    我的耐性較你高,可以忍受到第十四集,到第十五集才被俊俊和荷娜反覆拖拉的劇情嚇走,之後直接看大結局,但仍然好悶,只喜歡當中求婚的Slide Show,細細回味他們愛情的始末。其實來來去去都圍繞兩代人的愛恨情愁,何需用六七集來交待。

    我想若一開始用現代來開頭,之後才再穿插七十年代的劇情,收視應該就不會那樣悽慘吧。我發覺偶像劇的頭開得不好,之後劇情即使好轉收視都是持續低迷的。上年這個時候看台劇《華麗的挑戰》也是這樣,演員陣容也不弱,有SJ的始源和東海,但頭三集劇情過於卡通化,配音嚇人,確實趕客,雖然從第四集劇情開始漸入佳景,而且一直維持至大結局,但收視仍然沒有起色。《華麗的挑戰》較《愛情雨》好多了,除了前三集我會快轉外,其餘的都可以看下去直至大結局。

    允兒的演技出乎意料的好,之前她在《你是我的命運》裏的演技就正如她說的被導演嫌棄,作為觀眾的我也嫌棄,可能《愛情雨》中的可愛少女是她本人的個性吧,演起來真的很自然,但哭戲就依然普普通通,甚至有時需要雙手掩面來扮痛哭,不過後來隨著哭戲的增多,她的哭戲就愈見進步。

    最後只想說張生的粉也太厚了吧,還有即使是收視不好,他也盡力演好每場戲,佩服他敬業樂業的精神。

    回覆刪除
    回覆
    1. RE:五月

      哈哈哈﹗啲劇評係我俾呢套劇虐待是寫的,會OVER咗架。事後回想呢,其實70年代幾集都唔係咁難睇,那種情懷仲幾令人動容添(除了允熙無啦啦又因病走咗),張生好難得演小呆呢啲咁內向的角色嘛,而且佢又真係演得呢個角色好可愛(<--粉絲之顯露)。後來聽番友人講,70年代對年青劇迷來講太遠了,無投入感,對大嬸們來說呢班演員太細個,又或者張生在泡劇迷當中不算寵兒,所以個頭開得差,之後現代一開始時劇情快番都救唔到了…

      其實現代我都唔明就乜要拖咁耐?而又因為上一代而攪到分吓又合吓咁真係好煩。忍不住一路睇一路鬧…。我諗呢,張生喺《美男》難得成功,於是想翻兜偶像劇《瑪麗》點知唔得,於是再嚟就選了《愛情雨》,諗住《藍色生死戀》呢啲受劇迷歡迎嘛,點知而家呢個時勢又唔太興呢啲一味喊苦喊忽的劇…

      我懷疑係連環仆…令佢寧願去做歌手了…。睇雜誌報導呢,佢話唱歌跳舞佢係生手,但演戲佢演了廿幾年,所以佢係好有信心接得就演好佢,同埋泡劇一路拍一路出劇本,初初聽覺得OK接咗先發現中伏都無計,幾頹都要硬拍埋佢…OPPS。同埋呢,拍劇啲時間好長好恐怖的,捱得辛苦(加上佢老哥又煙又酒),皮膚差自然要厚粉一點遮粒粒既…同埋俊俊初頭SET行個UNDERCUT好型架嘛,好尾個髮型越來越HEA,連吹到懶吹咁既樣就行出嚟…囧

      允兒《你是我的命運》我無睇過呀,《愛情雨》兩個角色以佢既演出經驗嚟講我覺得佢HANDLE得唔錯呀,可能我係睇劇先再睇佢少時啲演出,反而睇唔慣佢上台時濃妝個樣…

      刪除

要講幾句嗎?﹗XD