2008/11/15

敗家實錄vol.4 郭富城(上)

上集說過要繼續風和日麗(很久沒用這個term~),那沒講得出就要做得到啦,不然被人投訴預告和後文不符就不好啦…(但會有人發現嗎?我真的很想講吓城哥的碟啊?﹗XDDDD)

年齡之暴露,中招的年代係仲有卡式帶賣的(年青的朋友會見過嗎?)而且佢地而家仲健在,我諗仲聽到的說。但第一餅郭生不是自己買,是姨姨們dub的《請把我的情感帶回家》,又話說當年睇完官台的《太陽計劃》,偶然見到郭生出來唱《對你愛不完》…囧…中招了(奇在我完全唔aware郭生在台灣大紅前的港劇…)…跟住講開得知姨姨們有郭生的碟,就lur她錄俾我,一聽…囧…好好聽啊(以那時的史單特而言)﹗之後的碟,lur到就叫人買帶俾我,無就叫人錄俾我,直到另一中招對像出現,本人都有努力follow郭生的碟的說…

雖然熱情冷卻,那些帶可是本人兒時頭號珍藏,商大年代不停到二手小店搜購,連郭生回流香港之前的碟都掃番…哈哈,我很強﹗

而家睇番,一. 嘩,啲碟使唔使出得咁密呀﹗ 二. 個杜拉格斯頭點睇都是很有型 三. 早期的歌的有些唱得很爛,後期的歌則是詞頗爛…小美人好像和時代反其道而行中…

好,前言講完,入正題…

1. 對你愛不完  09/1990
  • 24歲玉男~(當年郭生可是勁被批一把年紀sell玉男的說…)
  • 雖然是後來補購,不過其中六首早就聽後來出版的精選煲熟了,反倒覺得很熟悉 
  • 據說《我愛你》是電單車廣告出街郭生爆紅後的第一首單曲,嘩,聲音超稚嫩的…很恐怖…嚇得我即飛…
  • 原來《親愛寶貝》是王傑作曲﹗我驚了…浪子都有甜蜜少男情懷…(即如殺手都有小學同學…)

  • 洪小弟的新碟歌名不算長了,郭哥哥這張的才是王道,最短七個字,最長十三個字﹗英文歌名都要五粒字先肯收手…
  • 當年我很喜歡《愛情到底有多危險》,不過姨姨說前奏的「uh uh uh uh」好核突…
  • 郭生慢歌真係唔得,繼上面的《我愛你》,這張碟有《我喜歡這樣想你》…很恐怖…

3. 到底有誰能夠告訴我  10/1991
  • 好些歌名還是很長,不過也有比較正常的四個字…(我很喜歡的《我不認輸》﹗)
  • 很多歌都出現在電影《伴我縱橫》 ,有《我不認輸》、《到底有誰能告訴我》、《Heart Breaker》、《午夜的吻別》、《喜歡就說愛》…差不多聽了半隻碟。但吊詭的是,全部歌都是國語歌…但郭生的角色是土生土長的港人…而且劇情說他是唱作人…也不見得他和台灣有關係…囧…更吊詭的是演郭生女友的是劉玉玲﹗原來她也有演過港產片﹗不過呢,這部片講兄弟情幾感人的(有點像近年的《兄弟》)~
  • 滄海遺珠:《GOOD TIMES & BAD TIMES》,郭生早期的碟不是強勁節奏俾佢勁歌熱舞既快歌就是少男慢歌,很難得有這樣一首都市浪漫情懷,有點感性的說,一聽就很喜歡。(原來原版是小田和正的…要搵番嚟聽吓先﹗)

4. 請把我的情感帶回家  2/1992

第一張精選碟,也是回流香港第一擊,我第一次聽郭生的唱片就是這張囉。
  • 硬銷郭生健碩波地,咬碟(小圖下)和唔著衫戴圍裙(小圖上)…很不明所以…囧…
  • 《傷心的話留到明天再說》是當年考試應援歌(怎麼咁細個人已經有考試壓力?﹗)傷心的話留到明天再說,不要放過這一刻…~~~幾正面啊﹗

5. 跳不完‧愛不完‧唱不完  4/1992
  • 呢隻碟的歌多野講了…
  • 號稱郭生第一首廣東歌的《第四晚心情》特登喺92年港姐決賽度首度公開演唱,弄得我全晚勁緊張對住電視在等…又話實,李太那一年以埃及為主題真係好壯觀,及後幾屆(93年好似玩中國風,94年係大雜薈,靠表演嘉賓勁啫,95年玩水上舞會,好失色…)
  • 《You and Me》係電影《千面天王》主題曲,呢套戲我覺得幾好笑架…
  • 《情》﹗周xx個廣告﹗楊采妮﹗那個情字金牌﹗當年我有同學戴住的說…好強﹗
  • 《霧裡清風》和《原諒我不懂你的心》係電視劇《風之刀》主題/插曲,這部劇號稱係為郭生度身訂造(即係很有赤子之心既黃毛小子,點樣唔覺意學識啲勁既武功咁…),其實不甚了了,當年我較熱愛《蜀山奇俠》就是了…(一套90年,一套91年,都在《風之刀》之前的說…)
  • 《傾慕你》娘得來幾有型的…(這是讚還是踩?﹗)

6. 愛你  7/1992
  • 國語碟仲係年代出版的時期很多歌都係陳大力和陳秀男搭檔的說
  • 《愛你》當年作為小粉我可是聽得很感動,「因為你的愛使我更堅強 因為每個你給我光和熱」…啊﹗好熱血啊﹗
  • 至於碟內其他歌其實不甚了了…

7. 火熱動感 RED HOT HITS  11/1992
  • 火熱動感》鄭天后要就三個佬的KEY,嗌得很辛苦,我也聽得很辛苦…
  • 其實我很不喜歡《I'm on fire》,不過這首歌的回帶度相當高…很煩…
  • 此碟我最喜歡的其實是梁丙的《夏季不不不》…
另一篇:萬X路RED HOT HITS


8. 把所有的愛都留給你  1/1993
  • 記得當年郭生的國語歌不會在香港打(難怪出碟咁鬼密了…),此碟的《愛到最後》應該是《對你愛不完》後第一次打在香港國語歌,出show時仲會著住封面那件膠縷的說…
  • 不過睇內頁相,膠縷底下是魚網衫…囧…成件事忽然很陳百叻…
  • 此碟很難得我勁buy當中的慢歌,《Stay for a while》和《情非得已離開你》都很好聽的說(最緊要唱功進步了)

9. 沒有你的愛 4/1993
  • 記得當年這個封面被人批過男人老狗流馬尿的說…(圖的左邊,人的右邊係有滴淚的說…)
  • 《童話小公主》是郭生自己填詞,不過又被批男人老狗作埋啲少男詞…呃…忘了是這首還是《You and me》,MV女角又楊采妮的說…
  • 當年本人勁愛看《赤腳小子》(這套真的大推,悲情古裝片耶﹗),連帶主題曲《留下句號的面容》都迷上了,真的很悲慘…嗚…(狄龍+張曼玉,超強卡士的說…)
  • 《我的愛人》如果我無記錯應該係郭生和關之琳合演的《夏日愛人》主題曲…
  • 不能不提我最熱愛的快歌《雨中感嘆號》囉…郭生在04/05的演唱會度唱番《對你愛不完》,卻沒唱這首…唉呀…你唱啦…我未聽過live呀﹗

文長關係,中篇再續﹗

敗家實錄vol.4 郭富城(中)
敗家實錄vol.4 郭富城(下)
**************************************
我是忠粉全集:
15年一會:城城舞林正傳演唱會 23/11/07
定格在剎那 18/11/07
純情三代男 11/2/07
郭富城陳年MV特集 6/11/06
明星也出書 4/8/06
九一神鵰俠侶和神鵰俠侶29/5/06 (看得我不能自己的…銀狐啊~正呀﹗)
影帝之心情 13/11/05
第一次 18/10/05

8 則留言:

  1. Lightblue15/9/13 21:14

    我都是城城的fans, 不過我冇你咁早期, 我由佢唱廣東歌開始鐘意, 估唔到轉眼就十幾年喇, 而家我都仲好鐘意佢~~

    15th Nov 2008 02:49 AM

    回覆刪除
    回覆
    1. 我係佢剛回流返港既時候囉,佢唱廣東歌都係1年後既事,唔係差好遠je~
      時間真係過得好快呀,睇番佢第一隻碟係18年前了(﹗﹗)
      其實90年代後期我唔鐘意城城的歌路…慢慢熱情減退了,不過佢既舊歌係我兒時回憶嚟既,有個不解情意結就是了…
      15th Nov 2008 21:21 PM

      刪除

  2. First time to leave msg. I'm a fans of ur blog lei.... I'd reli love to read ur preview of J-Drama...
    i used to be Aaron's fans, only after his concert 1998. Within 5 years I collected all of his CD and related materials (nearly all the CD he released inc.special cd and the not-for-selling one).
    My favourite CD is the one released in 2001 called "Really afraid" (Casue the cover is just toooooooo... ^^)
    But as time goes by, not really a big fans anymore, and start selling some CD that I don't really like (but there still a lot in my home....)
    I'm glad to be his fans at that time.

    15th Nov 2008 06:25 AM

    回覆刪除
    回覆
    1. Thanks for yr msg~nice to meet you here!
      wow, you've collected all aaron's cd!!!!! aaron's song released after 97're not really my cup of tea, i didn't collect his cd after 96's 《最激帝國》...
      apart from your favourite one, i love aaron's cd before he joined warner's~i think it's because aaron's 杜拉格斯 hairstyle...
      just like you, i'm not a big fan of aaron now, but i'm so glad that i've been a fan of him, it bring me many memorable memories~
      15th Nov 2008 21:30 PM

      刪除

  3. 我也是超級粉絲, 雖然今天已經不再那麼迷他, 不過他可說是香港現存唯一堅持在舞道的歌手(或者說唯有他可以維持)
    -我是由對你愛不完開始中招的
    -我不認輸真的是好歌啊, 當年的我也很喜歡
    -赤腳小子真的應該勁推, 以片論片都很不錯.
    -郭生的演唱會很好看, 綜合娛樂性高, 而且每兩年一次(以前)不會看到悶 :D
    -不說了, 再說會覺得自己老餅XD
    P.S. 新的演唱會很好看, 沒看去買來看吧, 我很後悔沒看現場

    15th Nov 2008 10:20 AM

    回覆刪除
    回覆
    1. 和你一樣,我而家(其實96年之後)都唔係超級迷郭富城了…不過真係好佩服佢對舞台既堅持…另,我覺得佢連拎兩次金馬影帝都好勁吓…
      係嘛係嘛?你也是《對你愛不完》中招的嗎?﹗
      其實華星年代郭富城拍咗好多胡鬧(又稱爛片),我初初睇《赤腳小子》即刻好深印象,這部毫不胡鬧之餘仲係認真到不得已的劇情片,兼且係睇到喊的悲劇…所以說到我最喜歡的電影一定係呢套…
      《舞台正傳》出咗碟,買番嚟睇啦﹗
      15th Nov 2008 21:37 PM

      刪除
  4. 你好,無意中番到你的舊文
    我曾經也是郭生的fans...
    不過就唔記得可時不再聽佢啲歌(亦又此遍去聽外語歌)
    講起他的杜拉格斯頭真的好令人懷念
    這排我看了"伴我縱橫"這套電影
    發覺裡面的歌很好聽......接著就開始搜購回他早期的國語cd
    歌就好聽....不過唱就真係雞仔到......
    雖然係唱得唔好....他可見他是有進步的
    他回來香港初期,我開始在外國生活,所以接觸他的東西不多
    回流番來後,只係買那時期出的東西
    到了現在先發覺現在才真真正正認識他
    當然家吓熱情減退,再加上香港已不是我聽歌的目標
    ps 赤腳小子未看......因為看完伴我縱橫後較到我唔想看佢啲傷感片住。伴我縱橫好似佢哥哥過咗身之後拍

    19th Jul 2010 11:22 AM

    回覆刪除
    回覆
    1. 你好呀﹗大家都是舊粉?﹗握手﹗
      我已經唔記得幾時睇《伴我縱橫》,呢套個結局我睇得好心up的,同埋我一路睇一路唔明點解一個土生土長既香港人會去作國語歌﹗其實係咪主攻台灣架?﹗
      當年我只有第一隻正式喺香港出既《請把我的情感帶回家》,其他《heart breaker》、《午夜的吻別》呀咁係睇《伴》片先識番,學你咁講,唱得真係好幼嫩,不過情感搭夠嘛,而家聽番都有種不能取代既感覺喺度~
      《赤腳小子》睇得個人仲心up,不過肯定郭先生好用心演,而且喺那一水一大堆偶像柴娃娃電影入面,這部故事、角色塑造都是最認真的,加埋群星拱照,係我多年來郭先生no.1好睇既戲。個結局真係好慘,每次聽到《留下句號的面容》都會心下一沉,不過值得睇架﹗
      個人覺得佢初出道時既國語碟最好難(雖然唱得最難聽…)…華星年代既幾隻廣東碟不算太有特色,但啲主打歌滿不錯,成功將佢打造成活力之星咁,後期華納啲歌我覺得好造作(佢要做性感天王嘛…)…所以我就放棄無追了
      20th Jul 2010 13:35 PM

      刪除

要講幾句嗎?﹗XD