2013/09/30

[港劇]《巨輪》(1-6)

雖然我忙住追Didi的劇,但我作為忠實的十七哥粉,難得佢有套十分serious(即non-溫情小品)的重頭大作出街(仲俾我咁快就呃兩篇文添﹗),我點忙都要支持既﹗呢個世界有賣tee we實在係太偉大了﹗(雖然有時限的…)

無,都知無記啲劇一玩懷古就穿崩,serious如《天與地》都出晒事,其實…都知無可能所有道具都忠於那個年代…但…可唔可以唔好咁爆呀﹗難道呢個型號的的士由1981年用到而家了?我接受唔到啊﹗

 <--的士的咪錶相對地是個簡易啲既道具…um…

嘩﹗以前啲出世紙唔係白色A4紙嚟架﹗係隻好易霉菜又印晒啲細細粒字仔的字既灰色紙嚟架…

  • 頭一集講阿波/天生(十七哥)一眾綁架Rachel(連達妹)和阿信(蕭公子),見到阿英(大塊田)轉個頭就知道肉參喺邊,又一陣就打低個賊又一陣就無事走人…我想笑…但更爆笑的事是…同一集930的甚麼《狙擊》竟然又綁架﹗(唔覺意看了兩集…嘩﹗有啲悶…)
  • 跟住兩集就係天生和阿信點偷渡來香港…以一個人生路不熟的人來說,唔搭車可以從元朗行到出界限街係咪太神奇呢?我…我…我…真係唔識行喎﹗
  • 跟住阿梅姐(CK姐)又可以轉個頭話嚟就嚟,大家「偷渡」的過程好似行過嚟就咁…好簡便…囧﹗
  • 跟住甚麼黃金餅呀,夢想呀咁,都係襯托呢既…
  • 劉江叔好燥底﹗好辛苦…吓吓都要狂鬧人…
  • 呢套戲啲阿爸無論係好定壞既都鐘意鬧人,李國麟叔叔場場都鬧朱didi(見到佢,CK姐和十七哥我又諗起《真相》了…那套…朱didi又係做CK姐的兒子呢…) ,劉江叔叔又狂鬧蕭公子,秦煌和余子明都有不少鬧人戲呢…
  • 不過比起香港部份的喬森不認仔,澳門條LINE係溫情啲,無咁慘情…(是因為有sponsor關係要寫得正面啲了?)

《真相》呀﹗大塊田、祥哥仔﹗﹗﹗﹗﹗大塊田連珠爆發狂鬧堂阿哥,又打又盛的趕佢走一場好精彩﹗佢喉嚨好辛苦呢﹗um,我想話香港都無特別整番啲90年代的街景,澳門就更加了…好爆咋…不過呢,啲劇中人有用到個「撈」字入句…好地道﹗同埋見到李亞南和連達妹講起回港證,跟阿娘求證先知…當年原來係大人都要用回港證出入澳門的﹗我仲以為拎了成人身份證就唔使回港證添﹗

香港的部份…我想話我睇唔慣唔戴眼鏡的17哥呀﹗呢個時候好想拎番真係90年代的產物…好睇到我一睇再睇的《緝私群英》出嚟回味呢﹗

So far都仲係天生跟老豆的大鬥法,好期待天生快啲癡到完美奸人鄭子誠堆﹗

呀,其實cap呢張圖的重點…是…乜91年就己經用呢隻大牛龜芒啦咩?同埋那時好似未有咁令的mouse呀﹗

<--除了連達妹(我係咪應該順應潮流叫番佢嘉欣BB?)個髮型十分90年代,仲有就係大塊田一身格仔shirt+工人褲﹗好爆咋呀﹗但好似除了十七哥個頭和一身皮縷造型,大塊田啲衫,蕭公子個頭和tracksuit,其他角色好似無乜特別90年代,睇完美奸人和李國麟叔叔一身筆挺的西裝…um…

呀,講起嘉欣BB和李亞男,做乜佢兩個喪講英文?是在外國長大的嗎?定係要嘉欣BB狂講英文(其實佢講成pat成段成lum英文都係ok的,但不要講perfect既timing好嗎?巧京京﹗),突顯佢個千金小姐角色跟天生之間的差別?﹗巧京京…

雖然澳門條line係廣告雜誌,但大塊田、祥哥仔和蕭公子的互動好正,十七哥條LINE有啲沉重,我反而有啲期待佢地三人的場口呢…

而cap呢兩張圖最大的目的是…那個十字架背包呀﹗真係勁90年代喎﹗估唔到寫舊文時搵唔到圖要手劃,而家卒之俾我cap到張圖了﹗﹗﹗﹗我激動了﹗

好了,故事其實才剛開始,除了穿崩之外都仲ok既,我會繼續努力煲的了﹗十七哥﹗有我呀﹗﹗﹗﹗﹗﹗
(12/3/14後按:這部…是看到十七、八集倒就爛尾了…)

6 則留言:

  1. D穿崩位真係十分之嚴重:
    91年ge澳門點會一街都係綿羊仔呢>?
    d路人打扮個個都係2013年ge>?
    街邊竟然有好多好多2000後的新款私家車>?
    91年的澳門紅街市不是紅色的,以前是黃色,外觀好爛的>
    ck姐打住家工果間屋在路環,但成日跑去紅街市買餸?!91年一日可能得1,2班車由澳門去路環ga ja, 咁即係ck姐原來都有司機ge...明晒...>
    阿大塊田佢地住牌坊果頭ge人,都唔會去紅街市買餸的,住果邊ge人只會去下環街市買餸的...>
    17哥d雜差同事個個都係2013年ge髮型,李國麟果身slim cut西裝,好2013,想當年90年代d西裝係好中意用土黃色卡其色,仲要鬆鬆地身...

    唉算了,再咁玩捉錯處落去我都覺得自己有少少病態...
    不過見到tbb d劇又要玩穿越又成日穿崩,好心做下research la

    回覆刪除
    回覆
    1. Denise,你應該是澳門人吧,我也是呀。

      所以我也一眼看出澳門的穿崩位,當鏡頭影著噴水池新馬路一帶時,九十年初豆腐石還未鋪架,噴水池也不是現在那個,我完全明白不可能重現當年的街景,但是民政總署用電腦PS一下改為市政廳不難吧(澳門回歸後新馬路那座建築物才叫民政總署,之前叫市政廳)。

      紅街市還有一點古老味道,又是地標嘛,而且下環街市已經重建,唔出現都合理。其實那些地理位置有出入的地方實在太多啦,又如澳門那間酒店在港澳碼頭附近的,但嘉欣BB一走出酒店門口就是大三巴等等。。。實在太可笑啦。

      但沒所謂啦,近年澳門變化實在太大,根本沒有可能重現當年的一切。

      還有要吐糟的是,雖然劇中主線人物的衣著都很九十年代,但是他們來來去去都只得一件衫著似的,千金小姐嘉欣BB還好,其他的如大塊田,著來著去都是那件工中褲。

      刪除
    2. RE:Denise

      其實我唔太記得細個時澳門的樣子了,我一路以為啲石仔路一路都係咁架喎?﹗囧﹗
      紅街市我問阿娘佢話都好多年,但下環的巴士佢都無印象了

      學五月話齋港澳兩地其實都好難扮番以前既樣子,唯一可喜的是比起《十月初五的月光》不停民初街扮澳門,呢套去澳門實景拍已經算係咁架啦(我估是因為有手信舖做SPONSOR?)…

      今次反而係外景太多而好多穿崩位,其實不如多番啲廠景啦…就算劇情OK…但見到咁多穿崩位真係有點接受唔到…XD…

      雖然如此…為了17哥我還是會看下去的…(暫時)

      刪除
    3. RE:五月

      穿崩真係慘不忍睹…但今次難得咁多實景…都係一個落本既表現嚟既…

      啲戲服真係好爆,大塊田真係場場都係工人褲,係有時會有件裇衫…
      同埋呢,童年天生和阿信兩個偷渡來的時候,件TEE係一堆英文字…如果佢地無親戚喺香港拎衫俾佢地…照計當年喺大陸唔會有外文PRINT既TEE吧?﹗
      同埋偷渡應該係辛苦架…佢地仲身光頸令的…好好笑…

      刪除
    4. 那些石仔路是回歸前一兩年政府重金禮聘葡國工人來舖的。其實戲中人物所住的地方最近的街市應該係營地街市,但已重建,當然又不能出鏡啦。但是看到澳門的實景就覺得有親切感,比廠景來得有誠意多了。哈哈,穿崩位就當笑位啦。只能說看電視劇不能太認真,認真就輸了。

      看到現時為止,故事算是流暢,而且還有不少笑位,是送飯良伴。

      刪除
    5. RE:五月

      咦,這個真係多謝提供資料…雖然說我每年去馬交幾次,但都沒有發覺係幾時倗的呢…
      個故仔係OK的,雖然我因為放工晏和有時去返學所以沒有集集睇勻…

      刪除

要講幾句嗎?﹗XD