[港劇](誤)tbb萬千蒸雞頒獎典禮2012~揭曉了…

哈哈哈﹗我竟然好神心的仆返屋企為了睇呢個節目(雖然因為我唔想俾身份證號碼所以無投票了…無17哥份係唔神心架啦…哈哈哈)﹗仲要成家一齊評論即時賽果，好好玩…我覺得全年無記最好睇係呢個認真得嚟有啲唔認真，唔認真得嚟又好認真的頒獎典禮囉﹗(仲可以俾我呃多篇文添﹗)

先貼番上一篇：我估既賽果…

最佳男主角 
幻想版：01.馬國明（On Call 36小時） 
現實版：09.劉松仁（名媛望族)

10.黎耀祥（大太監）﹗﹗﹗﹗﹗竟然係柴九哥中第三次﹗撇除我覺得呢套劇將東西太后忠奸撈亂，無啦啦兩位太后同六爺又有三角戀，行過LAP吓LAP吓覺得幾好睇咁(我只係行過望到少少…)…雖然我覺得認真睇既話見到慈禧被寫成如此的大好人我會介櫈的…呃，應該講得獎者柴九哥呀呵？﹗哈哈哈…點講呢，不同於《二嫂豪情》和《根葛》啲懶係大情大性義氣仔女，李蓮英內歛啲睇得我舒服啲…

UM…雖然我本人是很支持松哥的(咦…我明燈效應又來了？)…但晚晚食飯見佢同羊兒喺度情情塔塔我起了很多雞皮…支持唔住…

最佳女主角 

幻想版：01.佘詩曼（天與地） 
現實版：10.米雪（大太監）

09.楊怡（名媛望族）…呃呀，兩邊包抄都唔中添…個CASE就好似06年谷胡囧唔成終於上年成功(但《萬凰》係我覺得堅得人驚的劇…囧)，今年RERUN一次09年《宮心計》失敗了終於12年成功了…呃…總之呢…我好似已經唔鐘意羊兒了…

呀，我想話做乜好似選港姐咁叫啲男女主角出嚟講段野…睇到啲女主角好緊張，講到炒晒粉咁…雖然我唔鐘意羊兒(謎之聲：做乜你係咁重覆)…但見到大姐和三姐一齊攬四妹時都幾WARM呀…(而…睇番啲舊劇…大姐係做四妹阿媽…囧)

最佳劇集 

幻想版：天與地 
現實版：大太監/名媛望族 

天與地 …如果…命運能選擇~~~~~~成年過後聽番還是很感動…雖然望住台上同戚其義跟周旭明拎獎的只剩陳豪、黃德ben和簡慕華了…好唏噓…而拎最佳劇集，算係拎唔到橙執個桔咁囉…

最佳男配角 

幻想版：06.古明華（巴不得媽媽… ） 
現實版：09.陳國邦（大太監）

06.古明華（巴不得媽媽… ）…幻想版中多個了…哈哈，雖然我心底是比較希望國邦爸爸拎既，但諗諗吓國邦爸爸平時啲劇入面戲份唔多極都總算比古明華多，學古明華話齋，企上呢個台機會唔多呀﹗(又說，呢幾年啲男配都幾乎唔使爭，由laughing哥((仲由男配去到爭視帝添﹗))非凡哥到辣薑哥，係今年兩個都好難揀呢…)

最佳女配角 

幻想版：01.黃智雯（缺宅男女） 
現實版：09.江美儀（名媛望族） 

02.胡定欣（拳王）…因為不喜歡鄭視帝所以我沒有再追這部劇了…差點忘了胡定欣原來有份的…哈哈哈﹗睇番維基先知/記得原來佢08年拎了《飛躍》…咁下一步…女主了？

我最喜愛的電視男角色 

幻想版：01.張一健（On Call 36小時） 
現實版：07.韋世樂（雷霆掃毒）

01.張一健（On Call 36小時） …time flies，《少年四大名捕》(或奧運6子會唔會多人識啲？)馬明、巴士高、PROF. KING都去爭視帝了，唔唱K會不會在C人獨…呃…ANY肥，馬明拎獎我是滿高興的，記得佢06年拎《飛躍》時一番塞錢入我袋的妙論(有BLOG有真相…多好…XD)，今日又有大家唔拎最喜愛佢唔介意繼續拎…哈哈哈﹗呀，這部《ON CALL》我講咗咁耐都未睇…要開工了…(咦…終於睇泡劇睇到嘔了？﹗XD)

我最喜愛的電視女角色 

幻想版：01.葉梓恩（天與地） 
現實版：09.康子君（名媛望族）

08.陳家碧（雷霆掃毒）…其實這套劇我無乜LAP到的…而有睇既我弟和我娘話除紙山是做得不錯(我最熱愛既…梗係佢忘我演出千三娘既《洪武三十二》啦﹗哈哈﹗)，佢同羊兒一人拎一個，大家都覺得這個豬肉是分得滿不錯的，而睇得很肉緊既家母…對呢個賽果很滿意之餘並發表了呢個結論：只要唔係胡囧就得啦…XDDDDDDD…我笑咗，唔好意思…

飛躍進步男藝員 

幻想版：梁烈唯（缺宅男女、東西宮略、耀舞長安、飛虎、大太監、兄弟幫） 
現實版：蕭正楠（當旺爸爸、拳王、天梯、大太監、玩轉三周1/2）

梁烈唯…嘩﹗關二哥和關二嫂真係一齊拎男女飛躍喎﹗不過我未返到屋企啦…唉呀…其實我有啲興趣睇番《飛虎》(支持燕王馬德BELL…哈哈﹗雖然我不喜歡謙謙…而羊兒拎獎時佢想喊與唔想喊之間…呃…我諗起周麗肥…囧)另，家母的評話：佢做的光緒很不錯…<<<<<娘﹗佢做同治架﹗囧﹗

飛躍進步女藝員 

幻想版：呃… 
現實版：苟芸慧（怒火街頭2、飛虎） 

黃智雯…哈…我竟然揀唔落手了…

最佳節目主持 

幻想版：黎芷珊（最佳男主角） 
現實版：黎芷珊（最佳男主角） 

黎芷珊（最佳男主角） …是很正路既…

最佳綜藝節目 

幻想版：環游世界明星賽 
現實版：最佳男主角/萬千升呢福祿壽 

快樂地圖…差啲唔記得有過個咁既節目了…

最佳資訊節目 

幻想版：盛女愛作戰 
現實版：走過烽火大地 

走過烽火大地 …都是很正路既…

*****

傑出演員大獎--錢嘉樂、許紹雄、陳錦鴻、李成昌、鄭裕玲

一返屋企正頒到陳錦鴻…我仲驚驚緊佢咁快拎老人獎…囧﹗呢個獎係乜條件選出嚟既呢？前面四名我都唔懷疑…呃…我唔係懷疑DIDI姐的演技…而係…聽聞佢《男親女愛》之後都無拍劇啦喎…但點都好…佢得知自己拎獎那一吓…是交足戲的…

萬千光輝演藝人大獎--汪明荃

咁呢個都無乜問題既…

***************************************************

曲終人散…出年再玩過…噢耶﹗