2012/12/19

[韓劇]原來是推理…《想你》(完成了﹗)

看完某韓劇達人的介紹,對呢套劇的印象就係一個字:虐﹗但因為煲緊的劇視頻都不給力,無野好睇之下就好奇去睇吓有幾虐啦…真係要幾虐有幾虐喎﹗慘到無朋友呀﹗

最慘係我開住嚟送飯食…真係幾乎食唔落呀慘到﹗

19/12/12更新~
06/06/13再更新﹗
據說女一會怒喊的(佢的確係怒啊﹗囧﹗),睇官網封面圖啲人個面口…嗚…

<<<<<<<<<暫時睇到第4集…>>>>>>>>>>>>>>>

um,是仲睇緊童年部份,王世子有天未出場,但見盡晒童年世娜、媽媽和童年朴荷喎﹗有無咁多《王世子》的人啊﹗點解媽媽成日做啲低下層、粗聲粗氣同要鬧人的c9?(咦…但係我唔知佢叫乜名…)…好似得《貝多芬》係無咁慘咋喎﹗

我想話李秀妍有無咁慘呀?已經怒俾阿爸打,之後阿爸俾人拉咗以為有好日子過,典知又俾人因為佢係殺人犯女兒所以被街坊和同學歧視甚至欺凌,無啦啦有金刑警接佢地兩母女過新生活,但又原來金刑警出於拉錯人的愧疚,以為遇到正宇可以談場sweet既戀愛啦…典知…唉…看著第3集喺貨倉內俾人…那一幕…其實係無乜扯衫的鏡頭,只有秀妍和正宇的慘叫聲,但真係慘到無朋友…我仲要邊睇邊食飯…真係慘到食唔落呢…

<<<睇完再回想番第2集尾恩珠父女、秀妍母女和正宇在屋企附近玩得咁開心,無啦啦成年正宇出現那一幕呢…呀﹗是伏線耶…
<<<阿小妹妹係幾令,而且演技確實不賴,之前《王世子》要害阿妹,今次就俾人恰,表情、語氣都恰到好處,…最緊要的是…睇佢個樣應該仲有幾分天然味道,又因為是童年戲於是不用集集睇泡式眼線妝…突然覺得好順眼耶﹗
um,本來我仲以為恩珠會怒恰秀妍,又以為佢會走去搶正宇,最初佢唔鐘意秀妍兩母女(以為阿爸要再娶了?),仲以為會係灰姑娘啲friend,點知佢慢慢對秀妍關懷起上來,又心水清地睇穿秀妍和正宇之間黃色遮之謎,見到把遮喺地下就第一時間叫佢阿爸去搵人,好醒目啊﹗但據說長大之後的恩珠選角(哈哈哈,就係睇某達人個網講的,劇照以外佢個樣又好似怪怪的…)唔多好,浪費了童年版醒目又精靈的設定啦…

那個兩小無猜得很的「髮夾」sweet得可以,對照燒焦後的…嗚…邊食麵邊想哭了…
說來奇怪,慘上慘悲上悲,我竟然睇得好投入…好想快啲睇落去知道金刑警幾時搵得番秀妍,而那個個樣勁似《告白》少年a(定b?匿在家最後殺自己阿媽那個呢)的小俊隻腳醫唔醫得番…噢…我竟然看得咁投入…看來是煲得《善良的男人》多日子有功了﹗

Last but not least,V-고싶다這個文型才剛學了…呢舖真係睇劇學泡文了…XDDDDDD

以上。
******************************************
19/12/12後按:

um,睇童年的幾集確係慘到無朋友的,看到我飯都不能嚥下了(咁煲劇最好就係送飯嘛﹗)…一轉眼14年成人版之後感覺好多了,條悲戀線未出番嚟,反而係查案多喎﹗

好鐘意正宇、恩珠和媽媽的奇怪一家人組合,互相吐嘈但又互想關懷,媽媽明明好嬲正宇,但又不經不覺間當咗佢係仔,溫情得嚟又好笑…哈哈…

好鬼鐘鐘意正宇成日叫媽媽做親愛的(不能好似恩珠咁直呼媽媽吧?)…媽媽買了件貴爆既衫又扮喺市場買的平野…呵…好有愛。到媽媽要趕正宇番屋企,恩珠說原來佢已當咗正宇係爸爸的替身…呀…金刑警既死因未有線索了?﹗



秀妍跟媽媽的相認哭死我了…替媽媽心痛,但又不難理解Zoe舊身份逃走出嚟,已不能走回頭路了…但不回頭,正宇等極就只得落空…嗚,媽媽一行出嚟屋門就哭著叫正宇點算,又說佢喜歡正宇多過秀妍了…好.有.愛﹗

查查吓Michael Kim之後又殺出強姦犯之死,呀,呢套野真係唔可以邊打機邊睇…就清潔大嬸係咪殺強姦犯的真兇…我miss咗好多了…哈哈哈…

而啲綠葉好熟口熟面耶﹗先有演媽媽的《貝多芬》姑媽(仲有《王世子》的媽媽﹗)…又有《貝多芬》前輩做正宇阿頭,then仲有《信義》個姑媽(又係姑媽﹗)演謎之清潔大嬸﹗(怎麼我又掛住睇綠葉了﹗(笑))

Last but not least,演亨俊的didi原來比尹恩惠小上9歲﹗嘩﹗而原來佢係泡版《求婚大作戰》的男主…囧﹗嘩﹗但佢同尹恩惠行埋又唔覺差咁遠喎﹗而那個泡版少年a(即童年亨俊)同秀妍跟正宇一樣都係15歲咩?佢唔係細啲架咩…看來我又miss咗啲情節…

呃,主打想講…阿亨俊唔好再gel起前額的頭髮…巧京京…佢遮住個額頭令仔好多…

巧期待佢點對付正宇爸…then會抽番出佢喺金刑警架車度做手腳令佢致死…於是秀妍對佢再動搖一點再行番近啲正宇度吧?(呀…男二的悲慘命運啊…)…

巧期待,繼續追。以上
***************************************
08/06/13後按:

終於都睇晒了﹗哈哈哈,隔了成半年,哈哈哈﹗無既,因為太慘情,而且都有一點拖,究竟亨俊幾時對付韓太俊啫,咁阿正宇又幾時知道佢阿爸啲衰野,而亨俊阿媽死極都死唔去,又唔似會好番咁,好奇怪。

男二亨俊可能係so far我睇過既韓劇入面最有發揮的男二,承浩didi的演出也不很錯呀,佢係衰格覺得全世界對佢唔住,要對付正宇父子可以理解,唔想放秀妍走也可以理解啊,最後想攬住秀妍死,但見秀妍寧願自己死都唔想佢傷到正宇,好心痛的說…呀…難得呢個男二不是一味只迷戀女一而被女一飛的可憐虫了…

個人好喜歡秀妍媽和正宇的母子情,至大結局一集佢唔覺意聽到警官佢地話正宇單人匹馬去救秀妍,對住韓太俊鬧爆佢害自己個女又害到正宇…正宇係我個仔呀時…好慘啊﹗好唔想正宇和秀妍真的要死,咁媽媽點算呀﹗

雖然當亨俊大魔頭被收伏後,啊…變了歡樂今宵,秀妍媽和後母咁friend既…哈。而,十個月後啲人仲用緊而家部note既…是新出的lite嗎?﹗(誤)

片尾來個平衝時空,少年正宇向少女秀妍介紹小不點叔叔…嘩,成件事咁河蟹既﹗

um,不過不是全世界死晒的悲慘結局,就算啦﹗我唔想喊餐死呢…(奇怪呢部咁催淚格局的劇我反而無乜睇到喊的說…囧)

4 則留言:

  1. 雖然慘上慘悲上悲, 但不是為虐而虐, 而且後半部係玩推理, 好睇呀. (因為我寫劇評要講的都嘔晒出黎, 所以唔詳細講啦~ =p)

    回覆刪除
    回覆
    1. re:紫熊

      但不是為虐而虐<<<都好啲…家陣so far都覺得劇情是慘,不過都合理既…
      我會睇完之後再去review吓你個劇評的了…睇吓有乜細節漏咗…

      刪除
  2. 啱啱睇到死人梁思浩個節目,講鍾嘉欣陪老細單野,其實成個節目D人都好討厭,八八卦卦,又攞返以前人生馬戲團單野出黎講,佢地講到故弄玄虛,等你諗到某D野。

    話晒曾經係鍾嘉欣粉絲,都好難受,不過咩都做唔到,到底果時係咩事?不過想知,同呢班人渣有咩分別?

    以前做過鍾嘉欣活動,而家無到好耐,唔想沉迷,好似我地呢D宅男,鐘意靚女好似一種罪……

    聽末日聽到厭,末日實在太奢侈,我好想,其實世界一早應該末日,幾秒鐘一單殺人,幾秒一單強姦,點解唔末日?

    反正世界唔末日,點解要環保?環保又點?留返個地球比D人渣係咪好白痴?到過左無末日,D人渣都照樣做衰野

    上帝好天真,婦人之仁,佢厭唔厭?我唔想生個仔,都係唔想佢黎受苦,因為我知呢度唔好,我唔知上帝諗咩

    無敵

    回覆刪除
    回覆
    1. re:無敵

      鐘意一吓都無乜野既,又唔使話係一種罪既…

      放鬆啲啦朋友…

      刪除

要講幾句嗎?﹗XD