關於韓流(樂)

剛好lap到sub開的博主寫這篇《不愛韓流》，又想搭吓嗲講兩咀…

小的雖然突然(自覺selectively)哈韓，文中說既某程度是同意的，又確係女既露腿男既露心口，啲人個個熟口熟面就算睇劇認識了某人睇番mv都未必認得佢既…然後啲歌又確係好易口入聽幾次就認得(特別係拍得mv打得既歌啦…)，然後又確係歌精舞勁(也很有機械/formula feel的…)，只於歌詞，通常喺youtube睇mv都無中字版的…所以就算聽到熟我都係唔知佢唱乜喎。最令小的sterotype既…都係唔知點歌舞曲實會無啦啦有個人企出嚟驚呼狂叫(我諗起ARASHI…哈哈)…要表現出佢有深厚的唱功嘛？

但又咁講，作為主打歌，唔易入腦又邊hit得起呀？慢歌起承轉合易入口…咁泡菜國都有k場market要entertain，情況其實同香港日本無甚分別，而至hit上得榜既通常都係受年青人歡迎既歌手，咁target年青人就梗係不會要求深入但求易入口，都好易理解。而唱片公司見某首歌成功就一條龍rerun某首歌既mode…又好易理解喎…其實呢啲問題都不只是韓流呀…一向廣東歌和jpop都係咁架喎…

或許是個trend去到泡菜國藝能界度，突然好似泡菜人先係咁唱歌了？

(謎之聲：雖然睇完《愛情雨》我是幾like允兒妹的，但聽過幾首少時的歌後…我深深地覺得《不愛韓流》那篇文說kpop「弊病」都全部中晒，唔記得邊首有中字歌詞…睇完…實在係我都可以去做填詞人了﹗唔記得係《gee》定《the boys》…9唔搭8度10分係滿分係100囉﹗女團都係唔click…我專心去睇靚仔好了…)

((因為呢水煲緊呢家字號的另外一團既舊歌，八掛之下去煲吓佢地分裂/訴訟啲舊聞啦，原來之前已經有另一團又係similar case(((我只聽過個名而未聽過佢地啲歌，竟然是看劇重溫番…好詭異)))(((係咪仲有一隊神話直頭((((<<突然響名了…))))成團quit咗？聽過吓佢地今年隻碟又幾ok喎…)))，睇番3子訴訟啲內容，啲contract內容真係幾京京，雖然都成日聽聞J家都出名癲狂，但呢家字號((((通行都係咁吧？))))仲癲，對藝人榨壓仲勁，成名之前都算啦，成名之後都唔見得improvement…唔怪得會有咁多自殺case…又或者頂唔順同公司反目了…))

咁jpop pop極都有啲人雖然永世都唔會上到oricon，但又唔算特別cult，是有大眾fans既，我都相信kpop係有呢啲自家風格的歌手…只係當最多人講(或蛇果報講得最多既)都係嚟嚟去去少時、psy((嘩﹗蛇果怒講rain哥架仲有，仲有wonder girls…之前的《nobody》同而家的《江南style》都有hit歌必有的境界：聽到想嘔了…))，咁好自然唔多聽既人就只以為佢地就係成個kpop都係咁…係好正常既…未必個個都有心機會去搵啲特別野嚟聽嘛…

呢個年頭我過了可以豪聽成個pool的新歌再去選心水的時候了，無論係廣東歌、jpop定無啦啦追吓的kpop，都係聽嚟聽去那堆…突然覺得自己好小眾，型咗…哈哈。