2011/09/10

[港劇]RIP CO哥﹗@《潛行狙擊》

本來聽日要早上出門上課,今晚就應該早瞓…但小的看完個結局後實在不能自己…點都要寫番幾句先… 本來我決定掉銀仔字的話就寫,花的話就唔寫﹗但因為我拎咗個97前的女皇頭銀仔…嘩哈哈﹗係無花架﹗我決定寫﹗
  • 其實我睇到中間Laughing哥同Co哥合作追擊辣薑就無睇啦(嗚…就係我掛住追《洪武》荒廢了復仇大業攪到又要考多次啦﹗),不過睇微博見好多人不時cap圖…都大概知道啲劇情啦…
  • 好鐘意微博度大家勁有創意,Laughing哥、蠟青係臥底,跟住辣薑係臥底,有人話狗頭係臥底,然後鞏Sir係(過吓)臥底,Co哥又係臥底﹗嘩﹗咁多臥底,有無成立工會同供MPF呢?
  • 係,中間我無睇的,但今晚知道佢播兩個鐘大結局,真係唔知點解有股無形的魔力吸引我坐低睇…好可怕呀﹗(卒之今晚就無溫書又無練琴了…要食慚愧波板糖了…)
  • um,講番個劇情,做乜而家啲劇套套都要死,而多數都係女角之一死架﹗數一數丫,《洪武三十二》死了千三娘(又係除紙山﹗)、《怒火街頭》死了貞貞,跟住《真相》死了大C…都是為了掀起高潮吧?
  • 本來我以為Paris會死…跟住就奇怪了…做乜Co哥打佢個胸唔打心口呀?Opps,紀律部隊劇公式又來了,繼《緝私群英》、《雷霆第一關》、《學警狙擊》後再一次為勢所逼要殺人,但又想留住佢條命就射歪一點…全世界都以為佢死的時候點知死唔去喎﹗
  • 嗚﹗Madam Jo點解要死呀﹗(我家是無人為Paris死而可惜囉同時候…)佢叫Laughing好好活下去跟住掉下去的時候…那個笑臉…真係好傷感呀﹗嗚呀…
  • 法拉開始時候硬淨Madam覺得有少少好似唔夠硬淨,但結尾呢一幕真係好impress…嗚呀…好慘呀﹗
  • 阿辣薑哥死時也很感人啊…很喜歡佢臨死的對白話原來除了黑和白外仲有藍色的(今日個天就好似passing out那日一樣咁藍),同埋話唔好蓋住佢個頭因為佢怕黑﹗囧﹗
  • 阿鞏Sir係咪唔係臥底呀?話時話呢我而家睇緊《魚躍在花見》…見到松哥做好好笑的百目魚神…跟住Laughing哥變黑面王囂師傅…好得意…
  • 至於Laughing哥,佢話佢喺CIB做野的日子係最開心,我想話那段我都睇得最開心呀,一開始佢成日同Madam Jo鬥氣,做野又有點過界踩線,激到法拉喊又唔係笑又唔係好好笑,諗起Madam Jo死了又覺得甜中帶酸…勢估唔到竟然會有這樣一點餘韻…
  • Co哥巴士高今次豁出去扮爛真係好突破,不過又係咪可以去挑視帝呢…咦,佢拎過飛躍男未呢?唔好同Keith爭喎﹗雖然巴士高真係做得好入型入格…(同上段一樣,我都係最鐘意佢跟番威利前跟Look哥喺殯儀館做爛泥的時候…)
  • 至於Paris,佢真係太似現代版千三娘了﹗
  • 啲焦急巨星睇完都係分唔到邊個打邊個,我繼續都只認得阿濛和MC Jin囉(而MC Jin個樣係著警察制服都唔太似警察的說…)
  • 大典好厲害﹗已經update晒大結局的笑位出嚟,那個search engine "Ooogle"真係好爆笑﹗同埋有人搵到《學警3》入面威利哥係一個警察囉﹗
  • 結尾個黑影是為了電影版舖路吧﹗但都話Laughing哥被判了終生監禁,唔通今次係《潛行版監獄風雲》?﹗﹗﹗﹗(要用小提琴拉《友誼之光》嗎?)
前一篇:[港劇]《潛行狙擊》…
*************************************************
雖然睇得好開心,但《潛行狙擊》除了Laughing哥外就沒有《學警狙擊》的人和事了…個《學警》series就咁斷咗啦﹗真係好似《刑偵》系列咁都有一點點少少的遺憾啦…(阿文終於歸隊同柏翹做番同事喎…無啦﹗無啦﹗好在都仲有套《洪武三十二》頂吓啫… )

8 則留言:

  1. 巴士高爛仔的時候留鬚就幾有味道ge, 但係著西裝留鬚個感覺好上海灘...

    10th Sep 2011 09:57 AM

    回覆刪除
    回覆
    1. 估唔到佢扮爛仔豁得咁盡又好入型入格吓(無記通常都唔會俾啲當家小生破壞純情形象架嘛…)一著西裝無咗頂冷帽就覺得佢係奇勒雞寶…哈哈…

      14th Sep 2011 16:08 PM

      刪除
  2. "大結局" 總是很吸引, 我幾乎也想趕回家收看. 妳提到Madam 自己放手那幕, 我向來都覺得這是非常令人感動的. 一個人死, 總比兩個人死好. 在生死關頭, 還能如此理智, 是超凡與偉大的表現, 雖令人惋惜, 卻教人羡慕.

    domotoiceko : 咁可惜﹗﹗﹗﹗

    對, 很可惜, 現在應該很值錢. 我的家人喜歡丟東西, 可能見我很久沒聼那碟, 就把它丟了. 但很奇怪, 其它碟也少聼哦! 玄.

    10th Sep 2011 10:54 AM

    回覆刪除
    回覆
    1. 係呀,成套劇我最impress法拉演出就係佢笑住叫laughing哥好好活下去,自己笑住放手跌落木架時既一刻,個心真係好想啲木架可以救佢一命…典知都係死喎…那一刻真係投入咗…laughing真係慘呀…《學警》3的wendy, 電影版的karen…到而家madam jo全部都要死…難道佢係天剎孤星…囧…

      可惜係可惜,唯有講不在乎天長地久,只在乎曾經擁有啦…篤…

      16th Sep 2011 09:42 AM

      刪除
  3. 唔係話故意唱反調,亦唔係話唔睇開頭唔睇,其實到佢話LAUGHING哥做返臥底,呢套野跟本唔洗睇。

    LAUGHING做臥底都唔知幾多次,通街都知,又做佢係差人又盛,D古惑仔點信佢?信佢比佢加入果D古惑仔會唔會聰明得滯?我真係唔知D制作人諗咩?

    D演員好落力演,黃智賢呀等等都好有演技,但係D制作人真係好白痴。

    你係咪happy ending都唔緊要,但係到last就所有人死晒就算,佢真係好似無諗過個結局點收,求其叫D人死晒唔洗諗咁,呢D戲真係好白痴。

    只係法拉死果幕,都唔知重複左幾多次,睇得出佢晒到無錢……

    好彩呢套野我無追……個結局都只不過出街食飯見到咋!唔係我都唔會睇。

    12th Sep 2011 00:53 AM

    回覆刪除
    回覆
    1. 放心,言論自由嘛,即管放心講你觀感啦~好free架呢度~哈哈…
      其實一路睇我都一路有呢個感覺,laughing哥大大話話做過3次臥底任務,黑幫中人點都會聽聞過佢既事吧,仲俾佢入嚟玩都夠攪笑…我諗編劇都諗過吓掛?所以同之前臥底主動混入社團有少少唔同,係話烈哥親自邀請佢加入囉…
      其實無記製造高潮係得兩潮,大團圓一係就死晒啲人,今次係選死晒咁解…咪順理成章下次再拍時唔使再諗點延續前段故事,可以大條道理作過新故仔囉…
      法拉死既橋段的確試過好多次(《烈火雄心》王喜都係隻手受傷但唔肯放手死都要拉番李子雄上嚟…)…通常呢啲經歷生死邊緣先夠動人嘛…呢個時候咪睇演員表現…睇吓佢地感動唔感動到我囉…

      16th Sep 2011 09:47 AM

      刪除
  4. wa, 你呢個"現代千三娘"既terms真係好絕!
    其實平時d主角咁樣跌落去, 正路會送佢入醫院, 俾d觀眾估下佢死唔死得。不過今次可能太揚, 個個都知法拉要死, 下個鏡就直接送左佢入土為安!
    ps: 鞏sir以前係臥底, 累到江美儀坐監. 之後鞏sir自己就升官發財

    12th Sep 2011 13:20 PM

    回覆刪除
    回覆
    1. 哈哈哈﹗而家見親除紙山我都係諗起千三娘…
      有人話之前唔知邊個高空跌落嚟唔死,但法拉跌落去嗰度有木架又要死…有啲奇怪…(我無細心睇啦…)
      鞏sir做臥底攪到嵐姐坐監嗰度我有睇呀,微博啲人攪笑地話佢現職cib高層但其實都係臥底…哈哈哈…

      16th Sep 2011 09:51 AM

      刪除

要講幾句嗎?﹗XD