2012/06/14

[港劇]《衝呀﹗瘦薪兵團》衝呀~

真的很《真相》呀﹗看,陳展鵬、阮兆祥、喬寶寶、 唐詩詠 、田蕊妮、李亞男、林淑敏、揚明、秦煌喎﹗啲人腳幾咁《真相》呀﹗
  • 監製係王心慰喎,真係《真相》到不行﹗也就是說,既然泡版《仁醫》悶到不行(分了4次睇第5集都仲未睇完…囧…加之於《愛情雨》真係悶到無朋友…)…咁就回歸一吓港劇啦… 
  • 17皇兄(啲改名野嚟料了,又說,如果唔知點解我開口埋口叫17哥做17哥,要看看這部神劇的文了…)今年先出這部,跟住7月有《回到三國》(唉呀,17哥會被林lone激死﹗我不依…),then又有同唔唱k的《叛逃》(有份唱主題曲呀﹗已經錄咗﹗噢耶﹗)…而家仲拍緊《情越海岸線》(和二少共演啊﹗)…下半年應該要回歸港劇了…
  • 好了,講完一堆對17哥的期待…講番套劇先,主題曲係17哥跟祥哥和喬寶寶合唱啊~~~~(其實祥哥會唔會係出得最多主題曲的人?《耀舞長安》無啦啦係福祿壽三人唱喎…加埋佢之前有套甚麼《福祿壽探案》甚麼的東東…)((講起上來,《耀舞長安》這套連我娘都受唔住唔睇的"神"劇做完真的太好了…))
  • 話說《衝呀》本來叫《chok氣一族》,個名有啲80年代啲《鬥氣一族》啲friend,但又幾襯合劇中各人因上司呀家事呀chok住道氣的感覺;但而家轉咗《衝呀》呢個名…呃,家陣咩年代呀,仲食《去吧!稻中兵團》個名…有啲娘…
  • um,我敬愛的17哥電了個曲髮…繼續做眼鏡哥(我覺得好似講緊日本啲眼鏡娘咁,哈哈哈)…佢不停獨白喎…把聲真係磁性…(呢行係讚美17哥…可skip的各位看倌們…XD)
  • 套劇個公司背景呢,唔知係咪因為老細係歐錦棠,跟住佢又拍埋好多處境劇,於是我覺得好《畢打》/《天天天晴》/《誰家》啲x氏咁,一家公司佔地幾層,唔知又有無canteen既呢?…(係啦,陳jason、棠哥、郭少芸、李霖恩、楊潮凱、馬蹄露、鄭子誠、趙永洪﹗呢套劇應該係《真相》crossover處境劇組呀﹗) 
  • 17哥個R & D department好開心啊﹗又有四大天王跟住佢…嗚…佢部請人嗎?跟住祥哥係sales既,um,sales野我唔在行,但我可以幫手攪宣傳活動和資料的野喎﹗請我啦講我啦請我啦…(對號入座到癡咗線…扯佢走呀…)
  • 睇劇情17哥在公司已經俾郭少芸壓住,跟住仲有田蕊妮由女友變上司…好慘啊﹗
  • 郭少芸個eye shadow係咪紋咗上眼?佢自《畢打自己人》後一連幾套《4 in love》、《拳王》呀咁都係呢個濃妝惡婆郁,跟住角色又係啲agressive的女人…《衝》呀度直頭係變態喎﹗疑似情婦之餘又霸晒總監位嚟做,壓住17哥同祥哥仔攪到無職升,好慘啊… 
  • 佢好癲,安排自己表妹(梁嘉琪…咦,係《洪武》的代表…)做高太個看護,有事無事就打電話俾高生等alex(17哥)和閔大人(祥哥)無得搵高生,好攻心計喎﹗btw,閔大人呢個稱號已經喺《爸爸閉翳》俾歐陽震華用過啦﹗(講起上嚟,《爸爸》原來係梅小青爸爸三部曲其中一部…而小青姐的小品越來越照dub((而且有啲巧京的京(((到彈)))起,如《法證3》…雖然都有17哥)),巧京京((不過佢好似過檔啦喎)),好似王心慰啲劇比較水準穩定而偶有驚喜~)
  • 雖然有點誇張,不過啲上司鬥爭、開會野、秘書八掛幾好笑的,職場野總係熟口熟面方便大家對號入座嘛…
  • 唐詩詠演想上車的保險人(佢跟17哥做完師徒做兄妹喎﹗),嘩﹗500呎幾百萬的樓嚟上車?好誇喎﹗仲要佢一個人供咋﹗(睇劇情介紹佢因為心急上車而買錯兇宅…好好笑)…
  • 阿陳jason扮演金玉其外的疑似筍盤,又幾新鮮…佢好似次次行出嚟都係「我係好仔」咁既feel嘛…
  • 題外話(都唔係題外話既),《真相》入面係17哥阿妹的李亞男呢套跟祥哥有感情線…不過未出場…
  • 跟住阿老細Dickson琴日講到逼健兒(唐c詠)推未來阿嫂(田蕊妮)嚟做再介紹司馬太俾佢識…仲做埋情夫…﹗即刻諗起《真相》阿emily(林淑敏),呀,emily喺呢套劇度做高生(歐錦棠)昏迷咗的老婆irene…咦﹗阿v姐(郭少芸)就攝緊位做情婦喎﹗咁啱既﹗啲上司都做埋同一堆攝位拎著數和壓住下屬的事…一橋兩用?誇就誇啲,不過有笑點出呀…
  • 祥哥琴晚個同屋主刁生…豹紋底…我爆笑了…呢水我「被迷上」豹紋喎﹗um,雖然那位la la地的肥哥哥啲la的行位拎嚟做笑點啲過時(其實我好怕吓吓拎la人和基的疑惑嚟做笑點囉,好娘呀﹗玩咗十幾廿年啦﹗)…但呢位哥哥仔好生面口(原來佢叫何遠東…睇維基先知)…,跟住佢啲傾情又落力的表演好到位…我…笑死了…
  • 我好鐘意古明華演的癡脷根上司呀﹗但佢離開咗高得喎…唔係祥哥上司啦…(仲帶走晒啲客添…好衰…)((我好留意side cast…哈哈哈))
  • 雖然我講過好驚張美妮把聲,但佢呢套係做被恰的好人細妹…是ok的…(其實在《big血》佢都係正常的…哈哈哈)而驚喜係演佢老公的趙永洪…做衰人喎﹗佢恰大舅祥哥好好笑…
  • 喬寶寶是南亞人士的發言人嗎?我諗起《真相》的芝麻仔啦…(呀…陳un微喺《心戰》出現…又好《真相》了…) 
btw,開首說了7月播《回到三國》,而930接檔會是馬神的《飛虎》(謝博友指正,應該係6月24日起逢星期六日播90分鐘,難怪13集咁單丁了)…好似都幾緊湊的說…怎麼啦…《心戰》我都未睇番(仲有講咗好耐的《刑警》﹗),好似之後播的港劇都不錯呀﹗我邊有咁多時間追劇呀﹗

數咗好多唔關《衝呀》事的﹗哈哈哈﹗(我敬愛的17哥喎﹗是要睇的﹗…呢幾個月太專心迷某人…開始有啲想嘔…XDDD…但我日日loop緊《Just Crazy》喎)…so far 3集又無話好似《真相》咁第一集已經覺得非追不可,不過呢套誇張中有funny的地方都ok,呢部小品式的東東好似好過過梅監製的小品咁囉…(好野…我終於可以停一停泡劇一條龍的生活了…)

衝呀!瘦薪兵團@tbb主頁 / 維基
[港劇]2012 TBB劇集前瞻(更新版)

14 則留言:

  1. > 郭少芸個eye shadow係咪紋咗上眼?佢自《畢打自己人》後一連幾套《4 in love》、《拳王》呀咁都係呢個濃妝惡婆郁,跟住角色又係啲agressive的女人

    都唔係呢期了....佢幾乎次次都係做呢D女人的說......

    回覆刪除
    回覆
    1. 當馬海倫和林漪琪都可以做番溫柔婦人時…下一個我期待郭少芸演番好人…哈哈…

      刪除
  2. 是真相+誰家的班底組成
    百寶點做大左之後變左高得(好似係)
    原來這劇有子浩,很喜歡看他演忠角但形住佢有陰謀會變奸的feel

    雖然喜歡bobby,但看來我沒看耀舞長安是精明選擇,去年不速之約跟耀舞長安,bobby連續兩套劇也不知所謂,他在tvb已減產,希望他像雯女那樣挑挑劇本再接吧。

    飛虎不是被放在星期日時段播嗎?這劇有tvb御用人質宣萱,她又能大派用場了。

    回覆刪除
    回覆
    1. 呀,啲處境劇我諗嚟諗去都諗唔起《天天天晴》之後係邊套…係喎﹗《誰家》﹗哈…
      百寶點﹗哈哈…但無咗家明同玫瑰了…
      其實我好鐘意聽子浩啲電台節目,N年前聽佢港台個節目認識咗好多英文歌的說,我本身係主打聽廣東和日文歌,識多好多好歌…所以佢走去拍劇做奸佬我覺得好浪費囉…

      《不速》和《耀舞》我都只係睇咗少少,沒有太大追看意欲了,《耀舞》係我娘都話要轉台廢事無心機食飯,看來效果真的很可怕…呀,其實我最鐘意bobby的劇係《緝私群英》和《談判專家》…冷門的…哈

      謝指正﹗check番應該係24號起於星期日和星期六播的說…

      刪除
    2. 有家明哦,做你男神展鵬四大馬仔之一
      現在三線劇也有局長仔演出。

      刪除
    3. 呀呀呀,我意思是家明和玫瑰不是一pair的啦…

      係喎,睇報紙睇到…不過局長仔都好謙厚話自己只係出鏡機會多咗咁…

      刪除
  3. 哈哈,無錯一見到歐錦棠就諗起《畢打》/《天天天晴》/《誰家》D x氏。呢幾年無線既處境都係圍繞返OFFICE既先比較有口碑(諗起個套BIG兒睇到我吐晒血,仲因為係食飯時間冇得避...)

    但呢套唔太適合拎黎煲,一路食飯一路無無聊聊笑下都幾得意,但我試過上MYTV諗住睇返頭幾集啦,睇到第2集已經頂唔住,呢套劇係唔可以專心睇,專心睇就會認真左,認真左就好錯...

    但我覺得阿田同17哥都幾襯XD

    回覆刪除
    回覆
    1. 係咪呀?雖然我記得佢有演過《烈火2》既…仲同王喜爭瑤瑤添﹗

      嘩﹗係喎﹗《醫家有喜》係我重點頂唔順之作,套野啲人卡通又誇張,但出嚟效果係低智而且一啲都唔好笑,嗰時喺親屋企食飯我就request要轉台…唔係我真係食唔落飯囉…

      呢套《衝呀》其實我唔算好專心睇(相對《真相》…我明,唔同劇種),我係一路打機,或開住手機煲劇的說…不過煲緊的劇好悶…弄得我反而專心睇《衝呀》了…呢套野笑吓幾開心…但應該唔會係好impressive或想翻煲之類…

      都係喎…阿田襯17哥幾好(有陣亞記味的組合…XD)…但我回味佢喺《真相》同祥哥的演出…哈哈哈…

      刪除
  4. 低智! 哈哈哈,我好鍾意你呢個形容,問題係我媽竟然覺得冇野唔比我轉台,個期食飯食得激快,睇多一分鐘都無明火起 (同樣情況發生係當年黃小明套鹿鼎記,佢扮小朋友唔緊要但扮到似IQ有問題我真係接受唔到...但又係冇得轉台...)

    其實,我都好鍾意multitask咁煲劇XD

    回覆刪除
    回覆
    1. 咁講低b又好似好歧視咁…低智好似比較文雅啲…哈哈﹗

      唔俾轉台逼住睇真係好慘,呢套野真係胡鬧又唔好笑,啲gag小朋友都嫌佢low level…我覺得啲演員咁落力拍一部咁爛的處境劇真係好敬業樂業囉…

      黃小明…佢係任賢齊之後我另一個好唔鐘意的楊過,所以佢做小寶我都無興趣睇…哈﹗仲要一集都無睇過﹗噢耶﹗

      我唔鐘意坐定定睇電視,坐定喺個廳度又唔做得其他野,覺得好浪費時間,所以我一定會拎啲野嚟攪,就算淨係打機都好…感覺時間過得比較充實…

      而mytv而家好衰,一開始有廣告都算,而家係節節都有廣告,又唔skip得(喺電視睇都可以轉台丫…)…好討厭呀﹗

      刪除
  5. 日日都返工,套戲又係講返工,邊引人睇?好煩呀!仲要又係同事三分親果d人有份做,好厭

    by無敵

    回覆刪除
    回覆
    1. RE:無敵

      其實都係架,我琴日先話如果再係V姐鬥嬴ALEX和閔大人就想棄劇…好挫敗…啲劇情即刻講番ALEX和阿LING的戀情…哈哈

      刪除
  6. 幾時講下心戰?

    而家戚監制既戲,都好難捉到路,天與地就係一例,所以今次心戰,表面睇係兩雄相遇,兩雄互鬥,但會唔會估你唔到?拳王人人都以為鄭視帝最後一集會同黄浩然打,點知都食炸糊。

    我覺得,陳豪的心魔有一日會走到秋官既內心,因為秋官不斷搵凶手,代入角色,代入陳豪既內心,所以黄德斌等心魔會係秋官內心出現,不過呢套戲都估你唔到,都好難講會唔會咁。 by無敵

    回覆刪除
    回覆
    1. RE:無敵

      UM,這部我只看了第一集…因為夜晚要溫書練習,如果一睇930成晚就斷開,於是無追等佢做完一次過睇…

      但唔知點解自從《天與地》後我反而無乜心機追戚劇…

      刪除

要講幾句嗎?﹗XD