口味唔狹隘．一齊選十大~08篇

記得上年有博友傳tag(是tag嗎？)總結一吓大家最喜歡的十張碟，今年唔知有無人玩這個呢？﹗無聊的本人自己tag自己，來個08後篇囉…

看著CD櫃，發現其實過到試聽那關令本人到cd店振興消費的碟唔多…數埋都無十隻喎…

入手了的：

蕭敬騰《蕭敬騰》~買完才覺得…其實我比較喜歡林公子那張…

《酷愛張敬軒演唱會 》~買完cd再買vcd…我夠忠粉了吧﹗(謎之聲：你唔買埋dvd？﹗)全個騷我最喜歡是《過雲雨》彈那個紅色琴，換過衣服後唱著由色士風伴奏的《騷靈情歌》， 那個鏡片球連著的咪是重點﹗這首歌live和錄音版是不一樣的很感性(性感？)的說﹗當然還有本人超級熱愛的《春天》~最愛是連著這三首來聽﹗(我還是很 回味…不枉我大拿拿供奉了四百五十個大洋耶﹗)

張敬軒《Urban Emotions》~其實我覺得這張碟不甚了了…十分把鬼…仲衰過《酷愛》…我是十分懷念《am/pm》那水的敬hins…

安室奈美惠 《Best Fiction》~破百萬﹗Yeah﹗我有份幫手架﹗破百萬﹗破百萬﹗其實這碟是精選，買係為咗儲PV(隨碟送一大張DVD)和兩首新歌…

KAT-TUN《Queen of Pirates》~上星期才買的，熱煲了一整個星期。這是繼Kinki及Tokio後本人keep住供奉的一隊了。比師兄更強的是第一張碟已很有隊型…um…點講呢，即係 Kinki頭幾張碟都少男情懷過吓，一路成長先走到而家的史大奧，KAT-TUN(好明顯係強勁市場人在背後計算的結果…)就好像不用進化，一埋位就 ok…一字記之曰~壞…和事務所對上一隊News的好孩子形象完全相反。不過講來講去，索得出強烈自家風格才是強項，歌曲不是罐頭式阿水都唱得的偶像歌… 這個pt好殺(也就是我buy的原因啦~其實我很驚J家的華麗火雞史大奧…)。

中島美嘉 《Voice》~除了安室奈美惠，我最神心就係儲美嘉的碟…不過忙住煲KT，這張碟只聽了兩次…不過當中很多是single歌，好熟架啦都。

心水，只係未的起心肝去買：

RubberBand《Apollo 18》~《一早地下鐵》越聽越喜歡，光係這首歌已經加晒分。

王菀之 《Infinity Journey》~《花灑》﹗唔使聽眼神歌王版本了﹗同埋我很喜歡《我來自火星》

洪卓立《Go》~不如我等洪小弟出精選碟丫？隻隻碟我都係喜歡plug的幾cut。這張碟最愛《彌敦道》。

已經無聽了…亦即是說…不會買啦…

古巨基《Guitar Fever》--打唔嬴《愛與夢飛行》？﹗
洪卓立《Next Attraction》 --幾時出精選呀？﹗

謝安琪《Binary》--聽來聽去都係《17度》…
鍾舒漫《Castle》--佢首新歌《紅河村》幾得喎﹗
林宥嘉《神秘嘉賓》--我最buy《伯樂》
陳柏宇《Change》--最喜歡當中一cut《Midnight Express》，很舒服的說

其實有move是好還是壞呢？我會試聽一吓才決定買唔買，不過很多有點點興趣的碟未過到試聽那moment已沒興趣了…連埋兩張Kinki Kids single…夾埋都唔夠十隻碟喎買咗…真係我要求高咗定唱片水準…umum…呢？