2008/12/03

恆春的愛情故事~《海角七號》

這部戲在台灣爆紅,紅到來香港,這個月以來不停聽/看到有關這片的東東,我呢啲選擇性跟風(謎之聲:即係跟唔跟風呢?)一路都沒特別想睇。直至某天聽到片子的其中一首歌《國境之南》…啊…被電到了…
 
趁放假抽空去看了…啊…被片子電到了…
 
有雷,小心﹗

此戲的主線有三條:

1. 六十年前離台返日的老師寫了7封對留台的愛人小島友子的情信,直到他死後都沒寄出,最後由他的女兒寄了來日本,但那個舊地址已不復再,變成寄不出的信(V6的歌﹗)

2. 由台北返回恆春鎮的失意人阿嘉,作為代班郵差的他工作求求其其,甚麼都睇唔順眼,對音樂也半放棄了,HEA爆終日。

3. 酒店方面請了日本歌手中孝介來海邊辦演唱會,在主席堅持下硬加了個本地樂團演出位,但鄉下地方邊鬼度有音樂人呢?於是就要自組樂團了。就係咁拉雜成軍,友子被逼留下來執頭執尾…

三條線不太相關得來又互相扣連,日本老師的七封信寫得很詩意,只是本人都掛住聽日文(考試呀…哈哈…)沒專心留意內容…。阿嘉和友子的愛情線,樂團拉雜成軍的劇情有點勵志又好笑,整體來說片子內容都很豐富呀。我最喜歡的是恆春鎮小城風貌,人與人之間的互動很溫心(特別是主席邊擦車邊和阿嘉說話那一幕),而他 們對外人(友子和馬拉桑)表面好像很排外,但相處下來還是很友善,仲當埋佢地一家人…我很喜歡他們的人情味啊…我愛台灣啊…(會被打嗎?又說實在,我入場看台/日片好像多過港產片的說…)

友子和阿嘉的愛情線很typical的冤家變情侶,最後海灘表演時大會camera pan住友子,阿嘉望住佢唱歌時真係好sweet吓。不過甜還甜,個人覺得這條愛情線頗弱的,二人本來仇家咁既款,無啦啦one night stand(無啦啦鍚那野都有點odd的…),到後來友子著阿嘉一定要搵到友子婆婆將信交俾佢(其實點樣得知友子婆婆身處何方都係幾odd吓的…),阿嘉有所啟發先開口留住友子…啲transit位好突然吓,反而唔及抽述雜牌軍組band的過程流暢。

隊band各個成員以致市內的親朋戚友個個都滿有特色,很攪笑…茂伯、主席最搶鏡啦,人細鬼大的大大首歌都幾好聽的說﹗我反而奇怪,唱歌的林曉培反而無機會開金口…

范生演的阿嘉係頹廢青年,又有點憤世嫉俗…啦啦啦,如果我無不幸睇過前幾年的《惡男宅急電》(右圖),我諗我會中招架﹗(當年范生個郁很令本人不安的說…不過佢首片尾曲《再說》很好聽就是了…)

最感動我的是最後信終於寄到收信人手上,雖然耐係耐咗啲,但寫信人的心意最終傳到收信人的手上,郵差叔叔真偉大啊﹗

from Ben:海角七號
from子子:《海角七號》‧心動

6 則留言:

  1. 我想片子還是好看的,就算愛情部份不感動人。

    3rd Dec 2008 13:21 PM

    回覆刪除
    回覆
    1. 愛情係一部份je,這部戲都講到好多其他人既故事既…
      11th Dec 2008 13:04 PM

      刪除

  2. >>其實點樣得知友子婆婆身處何方都係幾odd吓的…)
    咪林曉培講0左羅?不過如果你的意思係, 點解咁岩林曉培係佢個孫女呢點呢. 我只可以講聽故唔好駁故, 而且又唔係真係冇可能0既.
    >>激吻+ONS 我覺得係個女做得唔夠好, 佢地之前食晚飯個度咁多眼神交流/得登唔望, 都係佢地互生情愫的表現黎. 但個女隻眼好惡, 互啤咁款. 所以你覺得odd 羅.
    >>如果我無不幸睇過前幾年的《惡男宅急電》(右圖),我諗我會中招架﹗
    我已經將有關記憶刪除, 唔記得佢有做過添. =p 但呢套佢好型架!

    3rd Dec 2008 14:06 PM

    回覆刪除
    回覆

    1. "咪林曉培講0左羅?不過如果你的意思係, 點解咁岩林曉培係佢個孫女呢點呢.
      我只可以講聽故唔好駁故, 而且又唔係真係冇可能0既."

      我都在咁諗,只係太咁啱得咁橋…

      "激吻+ONS 我覺得係個女做得唔夠好, 佢地之前食晚飯個度咁多眼神交流/得登唔望, 都係佢地互生情愫的表現黎. 但個女隻眼好惡, 互啤咁款所以你覺得odd 羅."

      我無乜起個女主角底,唔知佢係咪第一次搶大旗,我覺得佢發惡啲戲做得ok,但發皮4呀…一要多啲內心戲既地方就爭啲…

      "我已經將有關記憶刪除, 唔記得佢有做過添. =p 但呢套佢好型架!"

      睇《海角》既時候的確很靚仔…但《惡男》帶俾我既陰影太大…囧…
      11th Dec 2008 20:10 PM

      刪除

  3. 國境之南本身應該係係村上春樹度抄出來, 本身係來自另一首歌south of border...不過應該同本書無乜關係吧?

    4th Dec 2008 08:30 AM

    回覆刪除
    回覆
    1. 絕對無…
      只係恆春喺台灣南部…
      11th Dec 2008 20:11 PM

      刪除

要講幾句嗎?﹗XD