2008/11/28

小旋風林志穎

懷舊精又來了…

話說看google reader時看到一篇報導總結林志穎17年演藝生涯云云…?﹗十七年?﹗咁又係,佢最紅那水小的都仲讀緊小學…

看著看著,文章提起90年代頭的台灣四小天王,看倌們還記得是誰嗎?﹗(如果而家再組「四小天王」,會是鄭元暢、阮經天、吳尊…還有…邊個?﹗我無睇台劇啊…賀小美好像很摺啊…范逸臣?)

另外三個小天王係佢地:

多年來諸葛先生不停拍(日)劇又拍電影,都差點忘了佢曾經喺台灣做過偶像…印象中佢總係一頭唔乾的濕長髮走出嚟耍帥的嘛…(《神啊,請給我多點時間》那個髮啦即係…)

(我好像沒中過佢招喎…哈哈…)

柿龍,最記得係佢啲歌,x年前的《追夢》…不知何解很記得,另外就係hit爆的《豬你一佬順瘋》,還有和楊采妮合演的《梁祝》,「無言到面前…與君~~分杯水」首歌一唱就喊到澎澎聲…英台哭墳一場更係停唔到…嗚﹗當年我可以愛屋及烏煲埋《花月佳期》的說。後一點有《新同居時代》的《愛出個未來》…套戲我只記得張曼玉同個唔知乜人一夜情之後有咗,到生一刻見到bb唔係黑/白皮膚的即時鬆晒…柿龍演乜呢?﹗唔記得lu。最後仲有好騎呢的《創世紀》,啲仔一個美國口音,一個本地口音,一個台灣口音,都夠爆吧﹗

又難怪文說柿龍放很多時間在特區市場,睇我寫得出咁多野就知啦﹗講開,我記得當年的報紙幾乎次次報導柿龍都係話佢甩手「較」的說…(這張相影得佢有點像謝lemon)((22/9/13後按:不得不提佢近年力作《步步驚心》啦))

還書格格》的原始版五阿哥,印象中佢係人如綽號「乖乖虎」,找相而search一search…oh﹗仔大十八變啊﹗這一輯影得很優閒寫意的,禁不住搶了來用…不過就係和印象中的小乖很不相像…

er… 小虎隊的東東沒聽過(我只知有柿龍和陳志朋…),小乖哥的都沒太大印象,只記得瓊瑤姨的劇集,和一部佢啦、范冰冰和張智霖演的《手足情深》(會有人知係乜嗎?﹗),娘娘地的劇情不過幾好睇的說,雖然係福音電影(應該係吧?),但說教味不重之餘劇中的兄妹親情仲幾感人吓…btw,有未減肥的湯鎮業做大佬…

回說小志哥,話實上面《放羊的星星》(本人其實沒看過這部劇,只是從鄰居處看到過吓…)張相望埋去很有陳浩民的風采啊﹗對不起,我真係一路覺得二人很像,咁佢地兩位老哥都演過《天龍八部》的段譽嘛…

作為一個(ex)郭粉,如果十五、六年前提起小志這個人,我等粉應該會變臉示人,唔知係娛記無風作浪定係小朋友心直口快,被人寫了佢話郭生做得佢阿爸,數吓手指,都係差九年啫…umum。回想當年郭粉和志粉、黎粉水火不容(其實係我班的小女生有這個傾向而已…),唔知點解硬係要踩對方偶像幾腳先安樂…頗有張、譚之風,諗番起覺得好好笑…

佢老哥出過很多唱片,但我記得小志哥幾首歌如《野菊花》(唔知點解喺《閃電傳真機》度播…)、《戲夢》(這首可是我而家都很喜歡的說﹗)、《今年夏天》和《不是每個戀曲都有美好回憶》(被超齡小魚兒張衛健改了做《真真假假》…)而已。

我最記得的是後期一點99年的《絕代雙驕》,之前我沒看過無記的版本,只看過劉華(對不起,也是很嚴重的超齡版…花無缺好像是吳鎮宇)的電影版。99年版小志哥演小魚兒,小乖哥演花無缺,阿小志哥天生娃娃臉已經搶了不少分數,佢演出來又真係好跳脫精靈,唔知點解我覺得佢明明男人老狗都好「可愛」囉…咁阿花無缺,行出嚟係幾型,前所未有的…。我覺得這版本是93年馬生的《倚天》之後另一選角一流的劇集,話實,一路都唔覺亞記重播啊…會有人記得鄭視帝都有份演嗎?佢個造型都好得吓,不過江玉郎無乜戲份的說…

雖說小志哥最紅時跑去服兵役之後人氣不復再,但我覺得佢有勇氣去履行公民義務,比起(情願/不情願)左避右避的男星更可敬喎。近年佢老哥除了唱唱歌、拍拍戲,仲走去玩賽車,逍遙自在的(諗起日本的matchy…), 這…就是駐顏有術的原因嗎?(睇佢啲新相…覺得好似孫老威…)

相關閱讀:台湾四小天王的“考核报告”

(我會去寫篇香港的四大天王嗎?XDDDDD…)((18/1/12後按:其實是有的…哈哈))

30 則留言:


  1. 新的台灣四大天王,應該有賀軍翔,我比較喜歡明道多過阮經天。

    28th Nov 2008 02:43 AM

    回覆刪除
    回覆
    1. 賀小美啱啱有新聞了…話佢去東京血拼…
      明道…和佢的183會都不是我杯茶啦…又或者咁講,台灣的偶像GROUP我都唔多好…哈哈…
      1st Dec 2008 22:42 PM

      刪除
  2. 反而我又咁諗...林生雖然去左服兵役返出來人氣大不如前, 但都總算有好多機會試其他想試o既野. 據聞佢賽車界都做得唔錯. 如果佢真係一直咁紅落去只做娛圈, 咁細個就做死一樣野, 又無得試其他, 又唔一定係好事喎.
    起碼佢試過果幾樣野, 都有一段時間有d成就, 已經好好了.

    28th Nov 2008 09:35 AM

    回覆刪除
    回覆
    1. 不過最近看新聞佢老哥好似話退出賽車界專心演藝事業喎…
      又話實,細細個就出道,見既野識既野都係這個圈的,久不久跳出去望吓個世界發生緊乜事,真係差好遠…
      而且,演藝事業未必可以做一世,趁後生做吓自己想做既野,係好事嚟既…
      2nd Dec 2008 22:07 PM

      刪除

  3. 好記得o個時軟硬用港式國語訪問阿小旋風同"齒籠"佢地, 好好笑

    28th Nov 2008 09:46 AM

    回覆刪除
    回覆
    1. 你講起我又有啲印象…
      其實阿「齒籠」以勁有口音的廣東話演《創世紀》我都好O咀…點解同一個阿爸三個仔既口音會唔一樣架?點解?
      1st Dec 2008 22:43 PM

      刪除
  4. 還有和楊采妮合演的《梁祝》...
    呢出戲的dvd我找了3年都找不到~!

    28th Nov 2008 13:43 PM

    回覆刪除
    回覆
    1. 咁驚?上網無得訂嗎?﹗
      我無特別搵,但應該有出過碟架喎…
      2nd Dec 2008 22:08 PM

      刪除

  5. 台灣四天王,好似得金城武比較好運,梅完而家都叫有戲拍,吳奇隆其實個人比較鐘意,可能佢係基督徒(係咪呀?其實唔肯定,)。自己又係。
    小乖以前有套戲係咸片黎,同鄭家榆拍,佢就幸福咯(哈哈),又好彩佢拍完套戲都無破壞形像,

    28th Nov 2008 13:50 PM

    回覆刪除
    回覆
    1. 金城武有霉過嗎?﹗(不太熟悉就是了…)感覺好似無時無刻都見佢有戲上的說…
      吳奇隆我係鐘意《愛出個未來》,《新同居時代》和《梁祝》都好鐘意睇,其餘佢既作品就無印象了…
      你說小乖那套片我上網search過…好似啲文藝片咁喎?以小乖既形象,和懷玉公主合演…都好shocking吓…
      2nd Dec 2008 22:11 PM

      刪除
  6. haha~我上個星期都唔知發咩癲走去搵左戲夢黎聽喎~咁岩你又寫~ 戲夢我都好鐘意呀~ 而且d歌詞好岩佢唱呀~~
    我真係唔明, 點解佢三廿幾歲人都可以好似bb咁既樣咁可愛架....我見親佢都係咁講囉...癲架!!!佢一笑個眼袋呢~innocent到喊! 應該很難討人厭...
    以前(台四大天王時)我覺得金城武好核突, 完全唔明佢有咩咁吸引, 果時佢真係好得人驚下, 後生細仔成個大叔咁...而家名正言順做大叔了...反而....好....暈.....

    28th Nov 2008 17:16 PM

    回覆刪除
    回覆
    1. 咁喎?《戲夢》我真係勁buy,雖然當中一句「今天你是天王,明天我是至尊」當年經曾引起好多討論,覺得小志哥暗串郭天王架…
      阿小志哥啲近照都仲係好young,係由心而發那種,唔係孫生、古生那種硬扮後生呢…天然生晒,寧舍不同啊﹗
      金城武以前做idol時我無乜留意佢架,又奇怪我一路都無乜中佢招…
      2nd Dec 2008 22:15 PM

      刪除
  7. 原來已經十多年?前數天在電影上看到他,竟然和以前差不多,真厲害。

    28th Nov 2008 18:47 PM

    回覆刪除
    回覆

    1. UncleRay :
      原來已經十多年?前數天在電影上看到他,竟然和以前差不多,真厲害。
      十幾年啦,佢9字頭出道架嘛…
      睇番上年的《放羊的星星》劇照,先驚覺真係無乜點變…
      2nd Dec 2008 22:16 PM

      刪除

  8. 99年個絕代雙驕真係經典,
    兩個都咁靚仔,我同學晚晚都追呀!~

    28th Nov 2008 20:17 PM

    回覆刪除
    回覆
    1. 死囉…我自己出完文講完後勁想睇…
      自己令自己無啦啦中招…哈哈哈…
      4th Dec 2008 01:06 AM

      刪除

  9. 妳好! 我一路有看開妳個blog. 今次係第一次留言.
    《新同居時代》既柿龍係同張艾嘉架!
    可能係我花心啦...我曾經身兼小志粉同郭富城粉...

    29th Nov 2008 00:26 AM

    回覆刪除
    回覆
    1. 你好,謝謝你支持和留言啦…
      你講起我就記得啦,話實…《新同居時代》係幾好睇的說…
      當年我校的女生好專一的…(謎之聲:偶像之嘛…要專一的嗎?),郭粉和林粉和黎粉係水火不容的,但郭粉身兼劉粉或張粉係得架喎…真係一個謎…
      4th Dec 2008 01:08 AM

      刪除

  10. 新同居時代的吳奇隆鍾意了張艾嘉,最尾佢好似話:而家我都有了一個秘密。

    29th Nov 2008 00:43 AM

    回覆刪除
    回覆
    1. 講起上來我又想再睇番這部戲呢…
      好耐無見電視播過啦…
      4th Dec 2008 01:09 AM

      刪除
  11. 田中小百合26/9/13 00:59


    出道十七年了!那陣時還在聽《十七歲的雨季》。

    29th Nov 2008 14:47 PM

    回覆刪除
    回覆
    1. 這首我沒印象啊…我最記得係《今年夏天》…
      4th Dec 2008 01:09 AM

      刪除
  12. 田中小百合26/9/13 01:00

    於是特意在Youtube找回十七歲的雨季MV,發覺當時的林志穎有D似現在的洪卓立。

    29th Nov 2008 14:50 PM

    回覆刪除
    回覆
    1. 你講起又係喎,仲有初出道的陳曉東呀…真係個個年代都有人BUY這種唇紅齒白的清純小男生的說…
      而家睇番…陳曉東其實細小志哥一年,但感覺陳生比小志哥更大年紀的說…
      4th Dec 2008 01:10 AM

      刪除
  13. 在yahoo打林志穎search到你這篇網址,我鍾意小志16年啦,今年10月去上海睇左佢演唱會,佢仲好靚仔呀,當然十幾年既歲月,佢都有變左d。睇完佢演唱會,真係好掛住佢,希望佢出年係台灣再開,可以去台灣睇啦。

    8th Dec 2008 14:33 PM

    回覆刪除
    回覆
    1. 經過咗咁多年佢真係成熟咗好多,但奇在你又會覺得佢仲有一絲少男味道…但又唔會覺得佢扮後生,係好自然咁慘出來先勁﹗
      看了你的演唱會後記…真係好精彩吓咁喎﹗
      (話時話,我寫完這篇好像攪到自己中招了,現在正重溫緊《絕代雙驕》﹗哈哈…)
      9th Dec 2008 13:32 PM

      刪除
  14. 花蓮民宿26/9/13 23:45


    我鍾意小志16年啦,今年10月去上海睇左佢演唱會,佢仲好靚仔呀,當然十幾年既歲月,佢都有變左d。睇完佢演唱會,真係好掛住佢,希望佢出年係台灣再開,可以去台灣睇啦。


    31st Jan 2009 23:40 PM

    回覆刪除
    回覆
    1. 謝謝你來小博留言啦…不過…真係好spam吓喎…留咁多link喺後面…umum…
      2nd Feb 2009 22:24 PM

      刪除

  15. 雖然小志在最紅的時候離開了去服兵役,好多人覺得很可惜,但是,當事人根本從來都沒有後悔過和猶豫過。
    我想這才是最值得人欣賞的,畢竟看回現在的台灣男星,沒一個不是在千方百計地逃避這件事。
    而事實上,雖然在今日的香港市場沒他的一席位,但在中國和台灣他都保有一定人氣。
    除了在演藝界,他在其他方面,都有不低的成就,這可是要歸功於那兩年後的平淡,他才有機會到處玩而已~~
    總結言之,服兵役對他來說該是好多於壞吧~~

    25th Feb 2009 19:47 PM

    回覆刪除
    回覆
    1. 其實我都覺﹗
      偶像紅極都唔會紅足一世,紅既時候要風得風要雨得雨,之後又點呢?
      我覺得小志哥喺最紅既時候走去當兵可以搵番自己,又可以趁後生諗清楚自己方向,試多啲野,娛樂圈名利既野好容易沖昏頭腦,到一把年紀時先想試其他野就太遲了…
      見到而家當紅的偶像劇演員一個二個用學藉去(避)免去當兵(不知這樣說啱唔啱…也許佢地都係身不由己既…),再睇番小志哥,真係不無感概架…
      3rd Mar 2009 09:35 AM

      刪除

要講幾句嗎?﹗XD