2008/10/19

我看金庸小說一~電視劇篇

正所謂:「飛雪連天射白鹿,笑書神俠倚碧鴛」(這首其實唔係詩來的…XDDD),既然本人常說熱愛金老大作,不如就以此呃文一番吧。

雖然題目是「看小說」,不過小的自出娘胎就在忙看電視,在曉看書之前怕且都煲過若干部改篇的劇了吧,那末就從電視劇開始囉~

都說我喜歡看古裝片嘛,唔理係小說改編定原創(或曰抄)小的都係照煲可也的說。好多時仲係睇完套劇有興趣再搵番本書來看的說﹗需知金老的小說都好厚吓的,咁電視劇就可以當係故事簡介,等本人先打定個底先啦~

─《飛狐外傳
─《雪山飛狐

其實我常把這兩部混淆,加埋一齊講就好了。85年呂良偉版沒看過,只看過98年陳錦鴻版,無記曾錯的話應該係將《飛》和《雪》的人物炒埋一碟,但令人不安的是…當年初出道的蛇視后…一句又一句「胡大哥」…很不安…(又咁講,咁多年佢真係進步咗好多﹗)

電視劇無乜印象,反而很記得黎天王主演那部電影,張敏做袁紫衣…又真係疑問,明明做尼姑…行走江湖時唔打扮成出家人扮普通女仔,咪仲易俾人調戲?﹗唔明。另外李嘉欣做程靈素,話說這角色係對得啲藥既野多,外型枯枯黃黃,阿美人又做得唔錯的說。反倒是黎天王,佢真係唔啱古裝片…orz…

─《連城訣》                                                                                                                                      

咦,原來tbb於89年時改編過,由阿旺主演的…不過沒看過囉…

─《天龍八部

我只看過tbb 82年和97年的版本,82那個是看電視重播…應該無睇晒,97年那個睇係睇咗,不過無乜印象,最記得係周華健的主題曲《難唸的經》,詞寫得很好(同時我勁熱愛同由周生主唱的95《神鵰》主題曲《神話情話》的說…)。另,看人物表,陳玉蓮、李若彤和劉亦菲同樣演完小龍女就演王語嫣…這是定律嗎?﹗orz…

人們說小時看金庸小說通常係熱愛《神鵰俠侶》,人大了就會轉向《射鵰》,再大一點就懂得欣賞《天龍八部》,噢…看來我真的長大了…現在睇番《神鵰》感覺大不如前,反倒對《射》和《天》越來越愛不釋手耶…有時間的話很想重看一次82年版…

─《射鵰英雄傳》(射鵰三部曲之第一部曲)

舊文都講過吓,本人是絕對熱愛83年翁版,94年的版本各方面都做得太hea,很難受。03年央視的版本tbb播時看了一點,周迅外型不是甜美少女那種(其實《環珠格格》年代的趙薇更像我心目中的黃蓉……),但演出來又覺得ok喎,怪乎;成套劇我係最頂唔順《少年包青天》周先生演楊康…orz。再看下去原來08又拍了一個版本,林依晨小姐演黃蓉…又是怎樣一回事呢?﹗(唔知點解我覺得阿可愛教主楊丞琳可愛點喎…)

另一篇:[港劇]射鵰英雄傳(83翁美玲+黃日華版)

─《白馬嘯西風》(附在《雪山飛狐》之後的短篇小說)

沒看過…

鹿─《鹿鼎記

tbb梁朝偉版沒印象看過,98年陳小春版看了但沒印象…回帶:試造型時康熙明明係古天樂做架,點解出嚟變咗馬浚偉?我不依﹗﹗﹗

我最愛的,還是周星星的電影版,徐錦江演鰲拜真的很入型入格。雖然我還是比較喜歡王俊棠的版本~~~呵呵呵…

─《笑傲江湖

最熱愛的版本毫無疑問係96年tbb呂頌賢版,記得幾年後tbb播了台灣既任賢齊版…唔,點講呢,即係呂頌賢好有令狐沖豪邁中帶溫柔既感覺,好符合我心目中既沖哥形象,而當年我係好buy何寶生的…雖然魯振順扮女人的部份又少少令人不安…。而自從睇完任生的《神鵰俠侶》…我disapprove咗佢…所以這個版本不得我心就是了。雖然有我勁熱愛的宋氏兄弟達民(原來我錯了…我次次都寫咗逸民?)做林平之…

講開,我覺得96年版首主題曲《活得瀟洒》(演歌天后和倫伯合唱的…)很好聽…(貼了很多古裝片歌的一篇:古裝片之歌)

─《書劍恩仇錄

這部書的劇集我一部也沒看過﹗﹗﹗奇哉﹗不過我有興趣睇秋官版,很期待阿姐當年的翠羽黃衫霍青桐郁就是了…

─《神鵰俠侶》(射鵰三部曲之第二部曲)

詳見舊文: 歷代神鵰大雜薈(<--這篇是小博收視冠軍耶…)

究竟有無人好似我咁唔鐘意睇劉華版而鐘意睇古生版呢?﹗卡卡卡,其實我很喜歡劇中演郭襄的李綺虹(個人覺得佢鬼妹仔性格很襯個角色爽朗性格的說…),最近佢返番tbb拍黃子華套新劇,很期待呢﹗另,任生版真的很難受…。同埋講了兩年,我仲未睇番黃曉明版…。據說之前無記收費台播過最遠古的羅樂林版,會唔會出番碟呢?

─《俠客行》                                                                                                            

只看過89年的梁朝偉版,很記得未段鄧萃雯個角色(叮噹?)係不良於行要坐輪椅的,當年我係好好奇…古代都有輪椅的嗎?

─《倚天屠龍記》(射鵰三部曲之第三部曲)

毫無疑問飛佛版本係93年馬生那個啦,那水不知何解無記狂播馬生的劇,睇開有感情,之後本人飛佛周海媚喎(亦整定本人係支持周芷若),再加上不論是楊逍還是白玉棠(這是《包青天》的角色…)都咁殺死人的孫興叔叔(只是後來佢喺任版《笑傲》度做田伯光﹗),有理由唔睇嗎?

tbb的86年梁朝偉版無乜印象,01年的程至美醫生版簡直係世紀大災難,其實周芷若和趙敏由蛇、黎兩大視后來演係ok架,只要換掉男主角成件事就正常晒,你明白嗎,我望住螢幕由少年版鄧一君變成成年版程醫生時係幾咁shock幾咁接受唔到…orz到而家呀陰公﹗

─《碧血劍

只看過00年tbb版,尤記得當年係有同學大讚金蛇郎君江華好型的(咁佢唔落力「我很劉華」時係ok的…《尋秦記》時佢都好型架…)至於劇情和其他的…唔記得了…

─《鴛鴦刀》(《雪山飛狐》之後的短篇小說)

沒看過…

**************************************************
講完電視劇,轉過頭講番小說本身~(22/1/12後按:消失的下集呀﹗哈哈哈)

12 則留言:

  1. 白馬嘯西風我有睇小說喎...
    呂頌賢版笑傲好睇呀! 據聞係不少笑傲迷心目中係一個經典. 除左令狐沖, 其他選角都好好. 魯振順扮東方不敗先似, 根本原著入面就係咁, d人係睇左林青霞以為係個美型中年o者!

    19th Oct 2008 21:52 PM

    回覆刪除
    回覆
    1. 林美人係攪到東方不敗真係變咗性做女人…
      呂版選角很好,演出也很好,係衰在一貫的無記hea佈景囉…
      儀琳小師妹真係好攻真活潑,入型入格耶﹗
      白馬附喺小說後面,我諗我睇過都唔記得…完全無印象…
      20th Oct 2008 13:41 PM

      刪除
  2. 講開又講: 天龍八部又係賣飛佛...(另一套係笑傲江湖), 反而我又唔特別鍾意神鵰三部曲...

    19th Oct 2008 21:53 PM

    回覆刪除
    回覆
    1. 射鵰三步曲我主打係睇電視劇入迷了…
      而家反而有興趣睇天龍八部,細時覺得太深太悶…無乜興趣…
      20th Oct 2008 13:53 PM

      刪除
  3. Mr RiceBall7/9/13 19:29

    我居然輸了給藍公子,排第二了...
    雪-
    對對對,那時真想把姣蛇一手捏死好了,往後在俠客行她也做過長平公主,很想把她剩下來的手也切掉
    天-
    九七是黃日華當蕭大哥,太老了不好看
    射-
    朱茵不好嗎?反而對黃島主的期望很高,駱應釣還是不行。
    鹿-
    小春小寶不錯,夠市井土氣。梁朝偉版我還未出生
    笑-
    那女的叫甚麼名字?她也不錯啊!我記得何寶生也扮女人了。演小師妹那人把小師妹最討厭的地方都演出來了
    神-
    這套選又是一流,李若彤就是小龍女了,反而演王語嫣就不像了。聽她那時候一句句的:「過兒,過兒」,我真想把古黑踢走自己想做楊過。古黑其實也做得不錯,就是不知道為何人人都說劉華好,不喜。
    倚-
    周海媚不就是周芷若了!葉童也是頂級趙敏!整套劇就如看小說一模一樣,就連滅絕師太也太像了!!誇啦啦!
    程至尾醫生版簡直侮辱了明教

    19th Oct 2008 21:59 PM

    回覆刪除
    回覆
    1. 證明你下次要快手了﹗

      雪: 蛇小姐初出道我係勁頂佢把聲唔順的說﹗但我無又咁暴力要砍佢隻手既…btw,阿九那套係《碧血劍》啊﹗唔好砍錯隔離呀﹗


      天:蕭大哥不是年紀最大的一個嗎?可能先入為主覺得梁家仁豪氣啲…

      射:朱茵姐姐有一幕指住個bb同靖哥哥講:「你睇吓個bb」…我勁orz了…宋朝有bb呀…我好驚…

      鹿:你這麼年青嗎?哈哈…我才小學畢業咪…大過你…orz

      笑:何寶生個版本做小師妹的係陳少霞,之前復出拍《火蝴碟》,佢個造型ok架,夠可愛﹗

      神:我都有同一觀感喎,不如你要姑姑,俾咗過兒我啦﹗卡卡…好感動,終於有人也不喜歡劉版了…

      倚:程至尾醫生…你真的很討厭佢喎﹗卡卡卡…
      葉童…做趙敏個造型靚啲,素素個頭好似兩舊包掛喺個頭咁,唔靚…

      20th Oct 2008 13:59 PM

      刪除
  4. 在公司的無敵7/9/13 19:30


    金庸的好,在於有頭有尾,有邏輯,轉做電視劇,完全無問題,反之,古龍溫瑞安,跟又死不跟又死,現在的少年四大名捕,可以看出以後無記改編其他武俠小說,必死!
    以前說過,金庸的武俠小說,是武學正宗,古龍老溫可以說是文壇西毒西狂(真不能不認,金先生寫西毒,可能真的向古龍「致敬」),不像金庸般好,我是老溫迷,不過始終頂不順其寫作態度與敝病。
    不過看小說又是另一回事,我第一本武俠就是古龍流星蝴劍,看慣了一個字一段一句一段,看金庸很吃力,我買了套天龍八部,都沒有看過,死未!可能看過電視劇,就真的好死!
    金庸最好的可能是天龍八部,不像其他又是只有小子闖江湖,練功練功練功…因為裡頭有大俠喬峰,最喜歡是黄日華做的喬峰,大陸拍的金劇都不錯,不過講真不太鐘意大陸,有時真的想,不如叫他們拍咸濕版神鵰算,反正大陸妹除衫當食生菜(大陸神鵰郭芺出過唔著衫相,其他周迅等都玩「藝術」)
    林依晨都有其待她濱的黄容,她的劇不錯,前途無可限,好好笑,好真!劉亦菲的小龍女真好懷念,不啻她是先演天龍八部才做小龍女的。
    如果說金庸最好是天龍,古龍我選絕世雙驕,因為最有頭有尾,老溫我選「刀蕞裡的詩」無話可說,太正!你可以不看四大名捕、說英雄誰是英雄,不過不可以不看這作品,因為真的太正,我看了這本,真的覺得老溫其他作品都不及刀蕞裡的詩,如果說英雄誰是英雄不是寫得如此有頭無尾,我不會如此說。
    看過一些電影,好好笑,原來好多導演都有向老溫「致敬」,有些武俠片,一些勁人打架不下地,其實是抄老溫易水寒劉獨峰,放箭捉著箭尾,但仍被箭拉著走其實是抄刀蕞裡的詩,可以看出老溫在文壞影響力。

    20th Oct 2008 13:57 PM

    回覆刪除
    回覆

    1. re:在公司的無敵 :
      改編得好唔好睇真係好視乎編劇大哥的技藝。好似你咁講金庸最好就係資料豐富,唔加唔減就咁都可以就咁改。其實改唔係問題,我好驚改到不知所謂…睇到真係想打爆電視…如劉華版神鵰說楊過扮王重陽整古全真教道士…我真係睇到反白眼…我懷疑這是我唔鐘意睇劉版的原因…古版呢,人係演得無前輩咁好,但個劇本跟番原著,無加咗無聊情節,睇得舒服好多…
      古龍最易拍既應該係《絕代雙驕》和《楚留香》,《圓月彎刀》都好底線…佢太天馬行空,支節又唔多,作都作死啲編劇大哥啦…溫瑞安和黃易的小說我沒看,對我來說部劇就好似原創劇咁睇,唔會好似睇金劇怕編劇大哥亂改囉…
      我第一本看的是《神鵰俠侶》,是老爸推介的,我都唔知點解我細細個(小學六年班)會頂得順咁多字的書…我到中學先睇古龍,覺得好得意…啲筆風好似新詩咁…好快睇完一本好有滿足感的說…基本上我係主打睇呢兩位老師既武俠小說,其餘的都好似無乜點睇…
      大陸的劇最強係景色夠壯觀,但武打…唔知係咪我睇慣港式武打,硬係覺得唔夠硬橋硬馬,大陸吓吓飛來飛去就算,唔夠精彩。同埋造型好似無港、台的咁靚囉。人我就唔會懷疑既,祖國咁多人,要搵人演唔同小說人物有乜難…係個個都唔識好似陌生啲囉…又可能係咁,我真係提唔起興趣睇黃曉明個《神鵰》…
      林依晨我麻麻地喜歡…哈哈…
      22nd Oct 2008 13:00 PM

      刪除
  5. 李小球7/9/13 19:30


    神鵰我又係鍾意古生版的,李若彤做姑姑做得很好哇~~
    倚天我都係鍾意馬景濤,根本整套劇的選角都很好啊!(講開又講,本人都好鍾意孫興叔叔的楊逍的,喔耶~~)

    20th Oct 2008 14:15 PM

    回覆刪除
    回覆
    1. 李若彤個造型係行出嚟就殺晒﹗同埋我鐘意佢個髮型和打扮夠簡約清麗,我嫌陳玉蓮啲衫太閃…
      馬生個《倚天》係一大傳奇來的說,個個人都好入型入格,楊逍就唔使講啦,殺死我班好多少女…
      22nd Oct 2008 13:02 PM

      刪除
  6. 我覺得以前版本好睇d 喎. 不過印象好模糊, 因為好細個嘛 (扮細!呵呵~)梁朝偉個套個陣好受歡迎架. 不過, 我又真係冇咩印象啦.
    古黑, 唔鐘意. 我鍾意尋秦記的佢, 噢, 我又想起我成日好想睇, 都未抽到時間番睇......

    26th Oct 2008 14:48 PM

    回覆刪除
    回覆
    1. 梁朝偉啲版本我係有印象《俠客行》咋,《倚天》就真係唔記得…我當年都好細個啊…(卡卡…)
      古黑我鐘意佢白面個年代,當年真係癲咗咁迷《神鵰》,which is無乜人和議我的說,曲高和寡咁覺得自己好型。咁佢當年無乜演技,論電視劇最佳作無疑一定係《尋秦記》,雖然項少龍既演繹方法真係好鬼似楊過…(佢自己都咁講的說…)
      27th Oct 2008 00:10 AM

      刪除

要講幾句嗎?﹗XD