2011/04/15

[港劇]好野重溫:羅樂林叔叔版《神鵰俠侶》

無呀,見呢水羅叔叔hit嘛,加之於本人熱愛《神鵰》(告訴看倌們,呢篇係小博click rate最高的一篇啊﹗~),無聊開嚟睇,醒起前幾年原來在無記經典台播過呢套首播時小的都未出世的劇…嘩…我好想睇呀…

無得睇,咪搵圖嚟睇吓囉。咪睇嚟睇去都係4位主角咁悶先得架…

可能睇李若彤和陳玉蓮姐姐版睇得太多,李通明的小龍女我覺得太可愛了…well,羅叔叔唔使講,型英帥靚正囉﹗咩呀…(XDDDDDD…其實我好鐘意佢喺《蜀山奇俠之仙侶奇緣》做軒猿法王的…XDDDD)

(回舊文)米雪姐姐和白bill哥哥係拍完《射鵰》就拍《神鵰》的,做完年輕版做中年版…加之於佢地當年真係年輕,感覺都幾奇怪的…(更奇既係,白bill哥哥廿年後再做番同一個角色喎﹗係呀,古版入面郭靖就係佢…)


我試著從網上搵吓圖搵吓片,又真係有片喎…哈哈哈﹗呢幅圖我估係靖蓉二人第一次見楊過,蓉兒問楊過娘親係咪穆念慈…但地吓瞓喺度既又係邊個?如果係桃花島上打暈唔知大武定小武俾郭伯母問罪,又無理由郭芙身後有兩個人架?﹗

如果第一個估計係啱(即係初相見啦),um…楊過那時應該係day day偷雞模狗…乞兒look嚟架喎…又會咁靚既啲衫…(以前啲劇女仔一身輕便褲look,好得意…)

舊文說過孫婆婆係男扮女裝,今日終於俾我睇到個郁啦…好爆…哈哈。阿龍兒件衫有藍邊…好現代的感覺…









羅叔叔的玉背…卡卡…呢場戲…um,唔係話要為咗睇唔到對方,過兒先喺古墓旁搵個又多花又多草的地方嚟練,就係為有花花草草遮住對住對唔到自己身子喎…家陣咁咪乜都睇晒?同埋…雙手合十祈禱喎似…XDDDDDD





睇番啲劇照,粉紅色衫應該係姑姑,而圖中應該係絕情谷。









秦沛叔叔…哈哈哈﹗武三通個郁勁有丐幫FEEL…呢度都係絕情谷。









舊文說我想睇劇照…俾我搵到了﹗DODO姐演公孫綠萼耶﹗好爆…哈哈哈…

呀,絕情谷都係要著綠色衫呢…哈哈哈哈…(可惜搵唔到魏秋樺姐姐的劇照…佢又有演呢個版本的說…)




據網上人說左邊呢位張敏婷姐姐係演李莫愁的,但觀乎右邊的米雪姐姐個郁…um…咁young既?《射鵰》的來的嗎?





肥舅父演周伯通…好瘦…唔認得佢…
(嘩﹗幾年後佢又演劉版的《神鵰》﹗ )







過兒的良師益友…鵰兄﹗大概都無乜變的了…95版那隻鵰都好…yo吓的…哈哈。







睇完相係時候聽吓主題曲,那個年代的歌都簡單直接,劇名人名對白乜都填晒落去就得…勁﹗不過我都係鐘意95那首囉…「有你有我雪中送火…」…過兒呀~~~~~~~~~~~~


好勁﹗竟然係黃james作…關正傑唱的﹗好勁啊…(關生的「萬水千山中環」((我細個真係以為佢唱「中環」的…XXDDDDD))小時熱唱)﹗﹗﹗

最後,俾我發現原來淘寶有得買喎套碟﹗

其他《神鵰》:九一神鵰俠侶和神鵰俠侶
[港劇]好野重溫2~古版95《神鵰俠侶》
 [港劇]深夜熱播《獵鷹》

12 則留言:

  1. 由羅樂林, 到黃曉明, 我都看過, 但唯一有追看的, 是黃曉明版, 因爲我覺得製作最好, 無論特技, 武打, 美女, 俊男, 其實, 有黃曉明就夠了. 嗯.... 也不能説"追看", 一般當主角武功低微時, 我都不太想看:P

    15th Apr 2011

    回覆刪除
    回覆
    1. 國劇淨係場景已經嬴晒港劇,港劇一味廠景和郊野公園,而且《射》、《神》又多打仗戲,無記拍出嚟真係好好笑的…
      特技呢…始終無記拍到千禧就無拍,國內版就近幾年出品既,科技呢幾年一日千里,當然跑嬴啦;我記得古版《神鵰》時搵咗元寶做武指,啲動作好流麗吓的~硬橋硬馬(80年代)和花巧招式(90年代)就係無記版的看頭囉…
      我唔太鐘意黃曉明…在我心中楊過還是某古先…卡卡…

      18th Apr 2011 10:59 AM

      刪除
  2. 楊康好樣衰,我鍾意三哥!

    16th Apr 2011 11:41 AM

    回覆刪除
    回覆
    1. yeah~~~三哥 is the best…(佢真係太靚仔了…容許我再大叫…)
      梁小龍哥哥…umum…又真係…幾創意無限的…

      18th Apr 2011 11:00 AM

      刪除
  3. 第一張瞓o係地上果個應該係武三娘,佢果時幫三通吸左因中左李莫愁冰魄銀針既毒血,奄奄一息.
    神鵰我睇過劉華古仔任生曉明4個版,個人都係最鍾意睇古仔版~

    17th Apr 2011

    回覆刪除
    回覆
    1. 咦…又似似地喎﹗
      黃曉明版肯定係制作最大型最認真既,不過我真心唔鐘意黃生,劉華版就應該係演技最出色的,不過我又唔鐘意佢硬改啲劇情,淨返就係我最愛既古版,一來真係第一套睇先入為主,二來…古生當年既白面過兒真係好靚仔架~~~呵呵呵…

      20th Apr 2011 10:14 AM

      刪除
  4. 係丫係丫!
    內地拍親d武俠片都放好多成本,好壯觀咁,,,
    古仔白白地果時真係勁靚仔!!!同埋佢當年果d風流樣真係勁楊過!
    李若彤真係咁多小龍女個樣最不食人間煙火.
    真係勁經典!

    20th Apr 2011 21:27 PM

    回覆刪除
    回覆
    1. 無記係衰孤寒唔肯出吓外景,而且個廠景真在太頹,拎番劉古兩版嚟睇睇唔出有乜進步…除此之外,95古版我真心覺得動作好睇,咁男女主角演技又真係比唔上前輩,不過古生我覺得佢某程度係做緊自己,初段係有啲生硬,不過出咗古墓遇到陸無雙那些笑笑口玩玩吓的場口唔知係咪輕鬆啲(無同姑姑啲情深義重戲),佢都做得放好多…係漸入佳境架喎﹗~
      其實我覺得劉uncle的過兒太正經(除了去重陽宮扮王重陽整古道士們那一吓好無聊)…古版個性格近似啲我心目中的印象呢~
      李若彤可能有人覺得佢木獨,但我覺得佢ok喎…小龍女又真係應該剩係對楊過一個人在意嘛…同埋佢個白衣look,髮型和套衫都最靚…

      21st Apr 2011 09:34 AM

      刪除
  5. 佳視神鵰的外盒封面是我請一位網友醉舞月下雪設計的,被淘寶賣家拿去盜用,事實上,這部根本沒人有片,我的片是由一位香港朋友幫我錄製的,並未在市面上販售,千萬別被大陸盜版商騙了

    回覆刪除
    回覆
    1. 您好﹗

      謝謝提供資料,不過因為市面上看不到而我又不喜到淘寶購物,所以最後都沒買得成。

      刪除
  6. 關於佳視射鵰與神鵰的偽片頭曲,是我剪接的;射鵰粗明體與神鵰原體黃色字幕是我打的,原本是各自有一部為片頭曲影片,我曾經發在youtube,後來被無線檢舉下架,之後被大陸網友重發到土豆,然後再被其他網友配上非原主唱的版本合而為一首歌曲。

    回覆刪除
    回覆
    1. 這部雖然很想看,但因為沒有收費台,在網上也沒有找到片源所以一直沒能夠看的說…

      刪除

要講幾句嗎?﹗XD