2013/09/28

讀書報告#18~《可畏的敵手,韓國怎麼改變的?》

一口氣讀完了,感想就係:不進則退…

(呀,呢本《可畏的敵手》其中一位作者係壽人,所以挑起小的興趣去看啦,其實小的都有興趣做壽泡文化研究學者呀﹗講開又講,之前都讀過一本壽人寫泡菜國的…)

話說突手被問起上海的甚麼試點感想時又回帶說甚麼香港優勢甚麼的,好悶。呃,優勢既野都要配合天時地利,如果外邊世界已經唔BUY閣下自身的優勢,你十萬個優秀又如何呢…

一路看書入面講泡菜(卒之都係忍唔住要用番呢個唔正經的腔口﹗嘩哈哈)國企業如何攻打世界市場,壽司國企業如何節節敗退,或許咱們都可以取一取經,咱特區仲懷古緊有乜勁有乜勁,懷得嚟都被嫁GI LAN追過啦…

之前寫過篇講SHARP的衰敗,其實都不只佢,索記和P記都錄得赤字,豐田又俾現代汽車追過了,唔講遠既丫…,講貼身的手機,身邊只有一位朋友用索記(某博友,我講緊你呀﹗),用其他的日牌也只得一位(某博友,我講緊你呀﹗哈哈),其他的就只有兩個陣營,一是三叔,一是蛇果。書入面講到雖然是兩雄對立,但以出貨量來說三叔是遠遠嬴過蛇果的。

咁其實應該堅持自家特色(壽牌如是,蛇果其實也如是,不過5S和5C的出現,看來教主死後開始打開迎合市場的大門了?),還是以市場需要為主導?﹗你鐘意大芒又要平又要勁又要乜又要盛,於是我就出一千萬種機種出來好呢,NO OFFENSE的,只是一路睇書一路在諗,壽牌七、八十年代飛升國際時就不停以自家強大技術BACK住嘛,好多時係製造潮流多過迎合潮流架嘛(雖然索記的BETAMAX是…死了…),三叔就是你鐘意乜我出乜,蛇果係都唔肯整大個芒,我就有咁大出咁大咁囉。

邊看邊諗,也許是世界轉得太快了,呀,應該係人家殺得太快,壽牌專注國內市場(據說好野都在國內嘛…),泡牌(書中如是說)將國內賺到的錢都拎去海外,因為國內主場細嘛,於是要大灑金錢做宣傳,而且LOCALIZATION做得好指細,唔係單單的出幾種文的說明書,係細心到喺中東賣有可蘭經的電視,就不停國家飲食習慣改動冰箱間隔(咦,咁我屋企個三叔雪櫃從上而下係普通冷藏間、雪菜和冰格又是甚麼LOGIC呢?),方便雪當地特別的食物,又如迎合老細唔想俾家傭偷野食而出有鎖的雪櫃(嘩﹗好苛刻啫),死未﹗印象中泡菜國的宣傳一向都係猛烈,只係我估唔到猛到…宣傳埋去普京OFFICE對面啫﹗囧﹗而LG,喺印度係最多人識的泡牌了…囧﹗

壽牌死守固有路線未必有錯既,以前泡沫經濟年代內需都做唔晒,又使乜特別理海外市場,只係失落的十年以來都無乜改進個國內市場,掉轉頭想轉去海外搵生路時打下的市場已被泡牌打下了…咁…係不進…咪則退囉…。或者,繼續想帶領潮流,但研發出來的技術周期短,又唔啱消費者口胃了。印象很深刻的一段是,三叔在很多國家都設立自己的直銷部門,又大量整合對下的生產線及零件生產部,大大讓成本降低。反而壽牌一直都用「壽司式」銷售手法,不就不同市場作不同的對策,以前人家的產品水平不高,貴一貴都逼住用壽國產品啫,而家人家已經有相當水平,又平一截,BRAND LOYALTY幾高(而其實會有嘛?)都好都無理由同自己作對…我係俾錢的消費者呀﹗

唔使講咁多啦,手機如是,化妝品/SKINCARE也如是,以前覺得SHESHIDO、KOSE(因為是安室代言啊﹗)、IPSA等牌都很好,但近年泡牌的產品平又多,而且質量功效都很好,那真的沒道理唔轉喎﹗前述的幾個壽牌PRODUCT都很貴耶﹗

就如我們看新加坡的公營房屋覺得好正之餘,背後人家也有不好唸的經。泡菜國亮麗的經濟發展背後也有很多問題,原來…原來…原來頭六十大財團霸了70%以上的GNP,但請的員工人數才佔整體勞動人口5%﹗我震驚了﹗

看《Nothing to envy》都知北泡菜曾經經濟比南泡菜強,不過後來被南泡現代化反過來超前…一路印象都如是…但原來一路強人政治、軍人政治不斷,去到80年代尾先迎來真的民主,而企業幾經改革,但真正成功都係90年代後半…又又原來,BOA、《藍色生死戀》那些韓泡先鋒真係攻壽司國的先鋒,因為泡菜國從來都以壽司國為海外第一站,就如當年壽司國以阿信、多啦A夢等文化野作軟銷,泡菜國係跟足,而且做得比你狠,喺壽司國紅了之後就不停用佢嚟代言泡牌(呀,但無一本講某人喎﹗佢明明喺日本好吃得開架﹗),等受眾潛移默化愛泡流之餘也愛上泡菜國的產品…

呀,看我就是例子啦﹗小的聽泡歌看泡劇喎﹗哈哈…雖然我堅持不會用大芒手提…所以死也不用三叔…寧願幫襯蛇果啫﹗雖然小的心底還是不理智地愛著壽司國,但分析的時候就要冷靜吓既…。雖然不喜歡,但還是很配服泡菜人的猛和狠,佢地本身競爭意識就很強(學校考試其實度度都有,相比壽司國泡菜國係更勁…原來香港都唔算勁啦…囧),出身的大學名牌唔名牌影響深遠。可以理解,點解整容風咁盛,唔殺得吓的外型邊夠照,而出得海外打市場的藝人,令仔令女高大有身材有樣有那樣,不成功便成仁的決心,唔止係佩服啦,直頭驚呀﹗

兩書都講到(《圖解韓國四大財閥》仲睇緊),1998年金融風暴幾乎將泡菜國打下,為了絕地翻身,泡菜國跟不同國家締結FTA,又大力支持財團攻打外國市場,超日趕美云云。但講嚟講去都係呢幾家公司,就說佢死就好大鑊了…

UM,一"顏"針總係無兩頭利既,歷史從來都係一餅回不完的帶,泡菜國和壽司國兩個難兄難弟你強我弱我強你又弱咁,其實都幾似過去百幾年來咱們特區跟上海的狀況。就是說,懷古甚麼丫…攪吓新意思好過啦,不過我們又有乜新野可攪呢?﹗OPPS。

8 則留言:

  1. 其實到韓國旅行就發覺韓國是一個充滿活力的國家,相反日本就暮氣沉沉,但論好玩,還是日本較好,可能吃方面日本的食物較合我口味。然而那份"好"是來自上一代對細緻的堅持,不知下一代能否繼承這份精神。

    日本也有平價又好用的Skincare,SHESHIDO及KOSE都有平價副品牌,如Aqua Label和Karice都好用。但論產品創新及行銷,韓國就出色,之前有BB Cream,現在又有CC Cream,其他品牌都有樣學樣出相同的産品。

    至於香港炒賣可以致富,還需創意?

    回覆刪除
    回覆
    1. RE:五月

      都係既,日本始終經歷了泡沫爆破咁多年,係有啲頹既,所以我估佢真係盡地一煲搏奧運成功,想翻做一次1964年奧運和之後世博成功的FORMULA…
      啲SKINCARE副線好多都係喺藥房度先賣,香港既係有水貨,但擺得喺度賣就貴好多…。反而泡牌的SKINCARE,水貨唔計啦,正貨店都唔係特別貴,真係無得爭呀﹗

      刪除
  2. 你唔便強調我都知你講緊邊個,因為真係得一個嘛…一路睇一路爆笑…

    其實sony都算唔錯,至少最近出個獨立鏡頭來幫忙sell手機的idea夠新,而且型過samsung那個dc手機合一設計好多…說美感,還是日本嬴晒,所以手機我還是偏好日系的 (但我澄清自己不是用sony的…哈)…

    問題在於,日本人做事太慬慎,行第一步之前會諗好耐之後o個一萬步會點會發生咩事…以前只是國內compeition都還可以,當國內經濟養唔起d公司要放眼世界的時候,就有點趕不上節奏

    回覆刪除
    回覆
    1. RE:まこと

      我強調係因為真係好爆,用索記的只有一人,用日牌的又只有一人,個POOL咁大但用家咁實力係太爆了﹗

      SONY個加喺手機上的鏡頭真係令好多,三叔那個加力士CAMERA真係唔知想點,唔知咁令的外型邊個會想用…囧3

      今時唔同往日係慘啲,一路睇係一路有啲心UP…雖然有"射"係自然香,但始終個世界今時不同往日,要同人爭真係要諗諗計了…

      刪除
  3. 你當務之急係提升你嘅品味,你身邊有品味嘅朋友實在太少太少喇!

    回覆刪除
    回覆
    1. RE:金田一

      咁要靠那兩個用索記和日牌的朋友了…
      死啦…我見到三叔出完相機手提,再出個甚麼GEAR的手錶…樣樣都使我想起零漆既爛GAG:佢表面上係一個風筒…實際上…都係一個風筒…哈哈哈﹗

      刪除
  4. 原因我看主要只有1點。基於美國的政治力量,日元長期高企。

    BTW,其實三星品質控制跟本追不上推出產品的週期,換句話說就是自己賺錢,犧牲消費者利益。... 不少電話網站不時報告三星產品的問題

    回覆刪除
  5. RE:匿名

    我個人不太喜歡三叔這個牌子,SO FAR我只係N年前用過雙面王摺機手提(但好快放了)和之前(貪平)買了個TAB(平的7")…感覺都不太良好…哈

    回覆刪除

要講幾句嗎?﹗XD