2013/06/04

[港劇]《好心作怪》

話說,我的同同們對這部和830檔新劇《熟男有惑》反應完全兩極,呢套《好心作怪》大家都說要睇,男既要睇$12,000,女既要睇三哥和巴士高,至於《熟》劇…哈﹗哈﹗哈﹗原來佢號稱港版《紳士的品格》喎﹗我巧京京喎﹗
  • 原來巴士高和三哥之前合作的已經係N前的《酒店窿人》…嘩﹗唔係…係《賭場窿人》…啲名太似了﹗哈哈哈哈﹗我見到《好》劇有姚子羚,即刻諗起三表哥…呀,唔唱K(別怪她~~~別怪她~~~~)係《酒》劇…巴士高係《賭》劇,其實《賭》劇的劇情我只記得巴士高本來係隱青後尾變勁人…?歐陽波比係賭神?﹗同埋羊兒喺套劇度係黑媽媽的仲隆胸添…
  • 講開又講,原來《好心作怪》之後係《衝上雲SIU 2》,睇一睇維基,唉呀,S4得番唔唱K和馬某明,好感概呢…
  • 咦,我唔係講緊《好心作怪》呀呵?﹗哈哈哈哈哈﹗想話成日見到巴士高剪埋啲懶潮的髮型,好難得終於見佢留個正常(甚至係頹的)頭,離開醫院時仲直頭唔GEL添﹗不過阿哥瓜掉後就到「放蕩不羈」的細佬出場…噢…
  • 三哥好似成日都演大佬…突然好懷念《學警》第一輯的李SIR…呀﹗仲有柏翹…呀…我又離題添…
  • 見到三哥係咁講英文即刻諗起《名媛望族》,做乜套套劇都喺度講英文…SOLUTION﹗我要SOLUTION呀﹗
  • 自力(三哥)…POWER…咦…我諗起陳國邦,跟住我再諗起單立文…跟住就諗起《熟男》有豹哥份…太爆炸了…
  • 嘩﹗《學警狙擊》第一集三哥爆人樽,呢套三哥就塞人食底褲…太爆炸了…
  • 一條底褲兩份著那度好好笑…哈哈哈…不過三哥做親大佬…少不免總係有點浮誇…
  • $12,000之前喺《老表》度做純純社工,今次演三哥老婆,又令我諗起《學警狙擊》的芯姐海味了…都係(黑幫)大佬阿嫂,又估唔到$12,000幾有功架的說…唔聲唔聲攪到貨車司機病發嘔泡的說…啲小動作KO老公敵手都幾有辦法的,芯姐反而柔弱了囉…呀,共通點是佢地兩個的細佬妹都會同主角有感情線的…($12,000的細佬會是王浩信…)
  • 不過$12,000個曲髮造型好似假髮,完全係70年代花拉頭的感覺…
  • 周麗肥和BENZ雄…我諗起《玉女添丁》添…(佢好似好想表現出MADAM的氣勢…但我又唔覺得佢成功…)
  • 呀﹗周麗肥和巴士高N年前又共演過《天幕下的戀人》﹗不過當年的男主腳是鄭視帝…呀,真係N咁多年前的舊事了…
  • 呀,點解巴士高個樣咁殘既?啲紋好似仲多過三哥既…
  • 點解三哥比起當年《學警出更》度仲型咗既…
  • 黃智雯個公關郁…粉紅色假髮好得人驚…望落仲有啲陳煒FEEL添…突然諗起,巴士高同佢…在《潛行狙擊》度共演過喎﹗呀﹗好懷念CO哥添﹗
  • 我發現我成日兜亂王浩信和袁偉豪…哈哈哈哈…
  • SORRY我係咁講啲同劇情無關既野,因為未入正題嘛,POWER哥個心都未換,啲人又未大兜亂你鐘意我我鐘意你咁,咁咪未有野寫囉﹗哈哈哈…不過我有心機神心地追晒呢兩集就知呢套係正常啲呢…
  • 原來,呢套《好》劇的誕生是因為巴士高上年套《護花危情》成功喎…
讓我再努力睇,看來有追看性的…好難得今次唔係一集快語,係兩集呀﹗哈哈哈哈…

[港劇]2013 TBB劇集年中更新版
《好心作怪》@TBB主頁

12 則留言:

  1. 衝上2最想睇ZOE釘蓋!!等你上集拎左人個公仔拆散左o靚坤同陳慧珊丫拿!!!

    老表角色沒發揮只靠對腳搶鏡,一直超期待蚊蚊BB在好心當奸角的說,TVB劇一直都是奸角比主角易出位受歡迎。
    不知海味的神槍狙擊能否在今年上,兩大女神也有劇上,叔叔不行了~~~

    回覆刪除
    回覆
    1. re:WINSON

      哈哈,zoe執公仔度我有睇…哈哈哈﹗但zoe呢頭死咗囧轉個頭就有第二個角色登場啦﹗

      蚊蚊bb﹗哈哈哈﹗印象中蚊蚊都係比較多做靚靚女女的角色,就算馬小玲性格上和背景都有打造過,大家都留意佢啲迷你裙和條腿多…今次做心計貴婦都幾新鮮…

      海味那套唔知呢…係既話都可能要年尾…不過保養佢唔夠蚊蚊keep得好呢…

      刪除
    2. 囧囧好像是配唱K不是O靚坤
      本身外型不差的話總不能要劇情夾硬說她醜吧,除非像李笑好那些故意扮醜。加上亞視劇種不多角色變化也不大,蚊B來無線時就說TVB多劇種,本來只想拍完老表就休息一下,但因為劇本和角色吸引而接連拍了好心作怪跟食為奴,聽說蚊蚊B現在連劇本也不敢再看了,怕再看了又忍不住要接。

      刪除
    3. 蚊BB這角色是編劇度身訂造的,所以她可以HANDLE得很好,當年馬小玲也是留意了她很多年的陳十三故意為她打造的。
      海味麻......蘋果影過佢行街相確實很師奶......不過上鏡會化妝,而且情有獨鍾,沒關係啦~
      另外你的17哥正受無線力捧,所以他被囧囧強姦的可能性是很大......(早前的戀愛季節囧囧也算強姦了馬明)

      刪除
    4. re:WINSON

      係唱k咩?佢唔係同0靚坤的嗎?﹗﹗﹗﹗
      至於蚊蚊的角色,其實我好少睇亞記劇,偶然睇一睇的《雪花神劍》、《縱橫四海》都無佢份,《殭屍》我都係前年先睇番,令令女女是印象嚟既,哈哈…

      刪除
    5. RE:WINSON

      上星期收音機有節目訪問陳十三,佢話原來佢同蚊蚊係完咗第三輯先拍拖的,而且好快就決定結婚…哈…

      而佢話本身馬小玲個角色佢係特登設計到唔俾佢喊,大家通常覺得會喊的才是演技,而佢覺得忍住唔喊(得)先感人…又係喎,而家無記啲人係又大叫唔係又大喊,浮誇到不能,但呢啲就係無記公認的演技咁囉…

      海味是由細睇到大,佢私底下烏WARE,但出嚟令令就得啦~

      17哥…哈…佢成日拍《真相》班底,好在《巨輪》係嘉欣BB…仲未係囧住…XD

      刪除
    6. o靚坤是配法拉,聽說為此不少囧囧FANS轟炸O靚坤微博令他發火。

      其實她在亞視的劇我也沒看過很多。不是第三輯,是第二輯後的慶功宴。十三在微博爆了不少殭屍的秘密,除了不能哭外還有原本設定所有殭屍都是紅眼的,但因為當時色CON不流行沒太多存貨於是設定成不同等級的殭屍眼珠有不同的顏色;王珍珍在第二輯(你看了沒?)有一金句「唔愛我就唔好咬我」,那是源自十三朋友的真人真事,那時十三朋友跟女友情到濃時他女友說了一句類似的話,據說那一晚甚麼事也沒發生其後兩人和平分手。

      展鵬跟囧囧都正被TVB力捧,只要他倆一天還在TVB相信也難逃囧囧魔爪......唔知你到時有冇眼睇了

      刪除
    7. re:WINSON

      噢…我以為你講緊囧和0靚坤配係第一輯…原來你講緊第二輯…

      亞記劇我好少睇,係久不久有一套半套先會睇的,我中學時係幾乎一套不漏的睇無記劇,連凌晨和朝早那套都唔放過,會睇番好多滄海遺珠,好開心的…而家都無時間追tbb劇了,有時間都轉去追日劇…哈…

      17哥我希望佢快啲播《叛逃》啦,跟住可以的話快啲播埋《巨輪》,佢同嘉欣bb配幾ok…囧就…可能佢太into tbb式演技,睇《奪命金》佢正正常常咪幾好囉…

      刪除
  2. 估唔到萬綺雯handle度呢個角色,比老表做得更好。

    回覆刪除
    回覆
    1. re:JERRY CHAN

      係喎,是一個意外驚喜,同埋都期待之後巴士高角色變野心家…
      老表係本色演技…唔使太用力囉…

      刪除
  3. 巴士高擦了口紅嗎?

    回覆刪除

要講幾句嗎?﹗XD