一街都係香蕉牛奶…

我相信我上年去泡菜國時迷上左邊這個香蕉牛奶之時，佢已經上市很久絕對不是新興產品，而我亦相信我無呢個神奇力量會令一個產品突然HIT起上嚟，但到底有誰能夠告訴我(要怎樣回到從前~~~~)，做乜突然咁多本地牌都出香蕉奶呢？



讓我品評一吓，這個道地牌出的，絕對人善天不欺，佢話係豆漿果然很豆漿…飲完留在口裡的一陣酸味，呃，我已經雪凍飲，但都仲係一口酸味，很詭異。

至於香蕉味，佢係比較淡和無咁人工化的，只係我不喜歡香蕉跟豆漿的組合啫…

呢支野，無記錯應該係最貴，好似9蚊的。



十字牌這個好認真地寫埋韓文的「香蕉牛奶」在盒上，明顯係抽泡菜國貨水喎﹗佢既香蕉化學味跟泡菜國出品有得揮，但無咁甜，多了一陣奶香味，感覺幾好。最緊要既係…佢…6蚊咋﹗





好啦，回到他鄉遇故知(咦…香港都係他鄉？﹗)，再度重遇你…可喜也可悲…(做乜我係咁唱歌﹗)，這個我第一次見到做緊PROMOTION好似五個幾，跟住變正價七個幾，再行過時…嘩﹗八個幾成九蚊呀﹗我明明記得泡菜國買膠樽版無咁貴架﹗搶錢呀﹗

UM，我娘就不停話佢仲味好假好藥水，死啦，我鐘意呢種味喎﹗(細個時我好鐘意食魚肝油和藥水的…哈哈哈)，甜度嚟講個人覺得這個最高，味也最假(笑…)…但我又鐘意喎…

其實除了香蕉奶仲有些甚麼紙包梨茶甚麼的，咁多新野，邊試得晒呀﹗真煩…