2013/03/15

[日劇]《LEGAL HIGH》、《泣くな、はらちゃん(小原別哭)》

一套睇得我幾開心,一套悶爆的,不如先講開心那套吧﹗《Legal High》片頭個疑似哥斯拉大戰…超人?﹗橋段好好笑…哈哈﹗

咦﹗乜田口淳之介有份拍﹗咁我就早啲開呢套嚟睇啦﹗

(7/4/13後按:完成了﹗)
飛法律書﹗好正﹗古美門研介(堺雅人)成日衰笑,又成日手指指,黛真知子 (新垣結衣)就係成日叫佢唔好指自己…哈哈哈﹗

雖然我話我睇得開心,不過橋段是老門子。又係一個怪人前輩加個熱血新人,鬥氣得嚟新人係配服前輩既,而行頭(或部門啦)裡總有個人處處阻撓有料怪人前輩,但在眾多同事或外來者幫手之下,加上熱血後輩不停努力,有料但怪的前輩又總能突破衰人的阻撓而解決案件的。

個setting同《Ataru》或《Monsters》沒兩樣囉﹗只係由刑警轉為法律啫。

衰人三木長一郎(生瀨勝久)雖然是奸,不過無《我MISS係大佬》咁浮誇,跟住仲有澤地君江 (小池榮子)同佢玩私情,噢,好耐無睇呢啲熟悉面孔了﹗

堺雅人個名我見得多但成日認唔出佢個樣(睇番維基原來我無乜睇過佢啲劇,唔怪得了),相信我睇完套劇後會認得了吧?新桓妹妹由《My boss my hero》到《父女七日變》到《Code Blue》我都成日話佢無表情,今次睇佢同堺雅人鬥氣又幾開心,佢啲激氣樣好好笑呀﹗同埋呢,佢因為想搵替犯人上訴,中了三木和澤地計走去搵江美門出手,從而欠下巨債要替江美門做野償還,男女角從而連在一起,條橋好娘的說…

服部 (里見浩太朗)既設定好似《Batman》的阿發啊﹗乜都識既萬能管家,次次佢解答到問題的時候黛(呀,原來這是日本人的姓氏呀﹗長見識了)就勁驚訝好好笑…而睇維基,古美門一方仲有個「古美門得力助手,專責替古美門蒐集對訴訟有利的情報,夢想成為一位偉大演員。」的加賀蘭丸(就是田口淳之介),我完全唔aware係佢喎﹗呀,其實我是Kat-tun暗粉的說。

暫時睇到第二集,公式得很呀﹗不過人物設計突出和案件設計不錯,啲twist位都叫合理,解謎的過程也不突兀,ok呀。而話說古美門是不信法律是正義的,只求嬴案就可以嘛,跟住第一集嬴了之後黛跟client人對話(末段時),佢不禁懷疑自己幫緊的人係咪真係犯案者時,那位演犯人的哥哥仔令我想起《梨泰院殺人事件》的某人,結末佢就係向檢察官露出個古惑的笑容,好似在訴說其實我係有犯案架,不過我走得甩之嘛(差在未講吹咩)((結末某人的奸笑真係好正))(((某人說佢有拍戲的計劃啦喎﹗)))

死,掛住講某人添,anyway,呢套會繼續煲。

《Legal High》@維基
***
7/4/13後按:
其實集集都好公式吓的,不過係古美門用埋啲旁門左道好睇,估唔到,佢啲對手竟然包埋佢前妻和老豆﹗而個個都鬥佢唔嬴真係"dun"三木律師激氣,阿黛律師又做乜要走呢,跟佢學吓野咪好囉…

劇情其實講完架啦﹗(XD)最重要都係個片頭,黛飛腳埋去俾古美野一個轉身避開咗,仲繼續招績地伸住隻食指出嚟,之後黛起番身喎﹗唔知遲吓SP時會唔會有新片頭?﹗同埋三木律師可唔可以嬴番吓呀﹗
*******************************************************
講起《My boss my hero》和新桓妹妹,不禁想講埋真喜男長瀨大叔啦﹗我咁粉絲,當然都有追吓佢套新劇《泣くな、はらちゃん(小原別哭)》,不過我有點受唔住啦,劇情…呃,我覺得有啲…悶…呃,第一集分了十幾廿次先睇得完呀﹗呀,講開,長瀨大叔佢老哥欠缺保養呀﹗皺咗咁多既﹗

其實我只睇了兩集,雖然有我喜歡的男角,但女角我麻麻,但都不至於會想熄機,最令我頂唔順的,是欺負女一的這個銀鏡大嬸。

 
工場弄的漁糕好似好好味喎﹗(樓上小原就食到流淚了﹗)…呀﹗藥師丸姨姨耶﹗佢做的阿頭好無為而治,見到員工有黨爭和欺凌都唔出手既…忠奸難分…(唔鐘意咁囉…)

<--女一的住處,讓我想起《沒有天使的街角》達郎阿爸捉魚的地方…呀﹗那一集光一有場對住哥哥藤井郁彌交代內心感受和往事的戲,好正﹗

但王子比某人更唔想拍劇/戲喎似乎﹗某人醉心做歌手,王子醉心舞台劇…我好傷心啊﹗

<--唔著工場工作服的女一,會唔認得…
我完全沒講劇情呀呵?就說越前(麻生久美子)返工以外會畫漫畫,而小原(長瀨智也)就是佢漫畫內的主角之一,漫畫好死板,每個角色都只會做/講同一樣野不停loop不停loop,ユキ姉(奥貫薫)說某次地動天搖之後佢到了現實世界,就說見到越前(佢地稱之為「神」的人)改變佢灰爆的取向,唔係佢地一班人就成世loop死…

<--《家政婦三田》的小妹…謎之人物…

呀,寫了咁多,其實我已經無睇的了(XD),純粹係cap咗圖就唔爭在貼埋出嚟啫。

《小原別哭》@維基

22/10/2015後按:咦呢套原來有菅田dd…看來我要補番…XD

12 則留言:

  1. Legal High 整體係唔錯呀!
    我睇得幾開心.雖然有D位係公式位.不過都接受到!
    快D睇完去呀 (你同時間可以睇咁多劇!)
    我多數會睇完一套到一套

    回覆刪除
    回覆
    1. re:星晴

      而家睇到第四集,真係唔錯的,公式得嚟又有啲twist位,ok呀…
      同埋我無啦啦的看點是很久沒見的田口呀﹗(我是kt暗粉…哈)
      唔快啦,呢一水睇得少咗啦,其實我都係一套接一套,不過之前那些係睇完晒定係爛尾啦喎…無人知﹗(哈哈哈)

      刪除
    2. 其實你唔講有KT人,我都唔會知.因為我唔係KT飯.我應該只認得龜利~_~
      呢套真係OK~有時真係幾好笑.好抵死下XDXD
      有時要靠你掃雷呀~
      小原別哭我唔會睇喇.哈哈.雖然我幾中意長瀨~
      都係因為My boss My Hero.但佢最近D劇真係唔多掂
      仲有佢依家冇咁靚仔呀.肥左好多

      刪除
    3. RE:星晴

      我的口味係比較怪的,KT呢初初係因為睇了龜梨的劇而順手聽,但我聽了無耐赤西就退隊了…我覺得佢唱歌最好聽呀,第二LIKE的就係田口…不過佢又好似摺摺地無乜特別有人氣的東東…

      我一嬲都鐘意掃雷既(笑),長瀨係我必睇LIST的其中一員,但佢有幾套真係太難受而棄劇了,呢套怕且都會係…哈哈…

      刪除
    4. 赤西其實好紅~不過自己搞左一單野出黎.依家好似消息左=口=
      其實都有D可惜~
      龜梨我係睇 野豬 所以認識的.O個時覺得佢幾好.不過之後睇其他都唔覺得好吸引
      我自己覺得KT係JOHNNY事務所唔係好捧咁...

      你依家睇成點?!放棄左??
      快D睇埋Legal high呀~

      刪除
    5. RE:星晴

      赤西幾係自己攞嚟衰,J家都算係好就佢,山P都係後來先可以獨立,木村更加未添啦,竟然係先俾赤西自己單飛喎…無計啦…而家佢唯有努力湊女…
      龜梨我係《唯愛》中咗招,之後一兩年都有追佢既劇…不過無一套睇得完…哈哈哈﹗
      KT曲風我好LIKE的,壞壞地又型型地,而家見有新SINGLE都會聽吓的,無咗赤西,仲有我OK鐘意的田口﹗哈6…

      《LEGAL HIGH》睇到第七集啦…要快啲睇完睇博友大推的《最高的離婚》嘛﹗

      刪除
  2. 小原真係捱的,我見到阿長瀨個d造作樣真心想打佢,
    又為佢難過......唉。
    終於只剩最後一集了.互勉。

    回覆刪除
    回覆
    1. RE:仁

      小原我第一集分了十幾廿次來看,受唔住了…唔知點解我唔太鐘意女主角,加埋長瀨啲面容呢…UM…佢好似真喜男後就定了型演唔番正經(如《BIG MONEY》)那些角色了?﹗
      所以我放棄了…哈哈哈

      刪除
  3. 小原別哭,當初看頭一集都覺得OK,但再睇落去多幾集,發現唔對路,好公式化 = =!!而且故事幾悶,本漫畫成日被女主角個弟弟扔出街,長瀨大叔就會出現...

    強烈介紹"最高的離婚",很好看(雖然本身是為了瑛太而衝去睇XDD)比想像中好睇好多!瑛太又是演奇怪的角色,超適合佢...女配角係"遲開的向日葵"女主角(嚇),反而佢呢部演得好過上部。

    回覆刪除
    回覆
    1. re:小木

      我呢,看《小原別哭》都受唔住咁悶…分咗幾廿次睇之後就爛埋尾無再睇了…

      《最高的離婚》我都有興趣呀,我受唔住女配角的程度比《小原別哭》那位女一還好,都ok既,另外在旅行時睇了月九那套甚麼古書帖甚麼甚麼,好悶,之後星期二(定三?)的《last hope》好少少…不過都唔太挑得起追看欲…呢一季的劇都好似…唔太掂…囧

      刪除
  4. "最高的離婚"我無咩飛黎睇,好小品一部劇,都會睇到笑。

    "古書堂事件手帖"我無追黎睇XDD剛力彩芽個樣唔係太合我心水,本身睇"IS~上帝的惡作劇~"對佢無咩反感,係做戲有D誇張左lol..但今次公司推得佢太行,甘快俾佢當女主角,最後個結局成為月九最低收視XDD聽聞一開始編劇改個原著故事太大,個故仔變得好奇怪。

    "last hope"聽人講話不太睇,所以無睇=P

    其實我覺得最近呢幾季比之前一年好左少少,想睇果D演員下季番黎拍劇(我好期待下季家族遊戲,有神木隆之介XD),之前我有段時間無追過任何一部劇...

    回覆刪除
    回覆
    1. re:小木

      大家都咁推《最高的離婚》,咁我睇完《legal high》就開嚟睇啦,呢幾日都無睇劇,仲停緊喺第五集咋﹗

      我行書店時見到《古書堂事件手帖》的漫畫版,個女主角既郁同劇入面既郁又真係差幾遠,不過劇我只看了一集,跟住漫畫我沒看過,就不作評論,就我睇過的一集而言…係好悶囉﹗悶到我完全唔想望電視一味掛住上網…

      《last hope》係我返酒店之後打電腦時順手開電視望吓有乜睇啫,比起《古書堂》好啲不過都唔係好wow令我想即刻追咁…

      看來我都係專心追埋《legal high》先…哈

      刪除

要講幾句嗎?﹗XD