就係咁無啦啦諗起啲「死前要做的xx件事」那些書，咁書就唔買啦(我已買得太多了…)，上網search一search啦…
(原文在此)
第1件事：重回童年居住的地方
咁基本上我屋企都係童年居住的地方嚟既，兩歲搬嚟後就一路無搬過，再之前住的其實我無印象，不過因為後來我喺嗰頭讀書所以堆下不少成長的血和淚(巧悲壯啊﹗)…所以我說要改編首《滿地可》囉﹗XD
第2件事：珍藏一件凝聚情感的物品
不需要(有原因只需要紅唇的吻？做乜我咁好唱口﹗哈哈哈哈﹗)我已經收藏了很多，多到我都MANAGE唔到了…
第4件事：拜訪你的恩師
其實中學的老師我好似係返去拎CERT之後就無見過了…大學的TUTOR…都無聯絡了…前老細都算係恩師呀呵？有約食飯既…
第5件事：大聲說出你的愛
要大聲到點呢？呢個POINT好詭異
第6件事：憑弔古戰場，感受蒼涼與悲壯
《弔古戰場文》嗎？巧京京喎﹗呢篇文係《聽陳蕾士的琴箏》之外另一篇爆難背的文呀﹗救命…做乜要提起我的傷心事呀﹗我成個中學就係得兩次默書零分咋﹗都好蒼涼和悲壯呀﹗
第7件事：每3至5年寫一個小自傳
寫博都算呀呵？
第8件事：親手播種、收割一次
試過啦，明明生得好地地無啦啦都可以死既，真係hurt so bad, baby...I...I love you so much...你走了…我的心在淌血…(囧…我又唱歌了…)
第9件事：找到真正的友誼
um，我相信我是找到的。(《我找到了》都係一首歌﹗)
第10件事：追尋你生命中的導師
我相信我都找到了，所以離別時是很不捨的…囧
第11件事：體驗另一種生活——在鄉間居住數日，享受田園風光
慢慢嚟(咦﹗《慢慢來》係一首歌﹗)…我先要戒掉網癮先…去馬交吧﹗哈哈哈
第12件事：為自己種一棵樹——讓生命在樹中延續
都話我種乜死乜囉…咦，咁我係咪要去植樹？
第13件事：尋找失落的童心
放心，我本來就已經充滿童真，不需要尋找了…
第14件事：向自己的極限進行一次挑戰
一個人在唔熟悉的地方度亂行亂走算唔算？上年在弘大亂走一個下午感覺很刺激又好玩，之後再試在馬交行一條新的路線，成功行到去景點是十萬個有滿足感的。就說小的是怕生的巨蟹再加愛玩的雙子啦…
第15件事：在長城上回眸歷史
呃…這個…我回鄉證過咗期…囧﹗n年前去過北京一次啦…而歷史小的係長期研究中…唔使特登去上長城啦…
第16件事：深情熱烈地愛一次
咁愛情小說slogan既？
第17件事：一個人去旅行——真正享受獨處之樂
本來是有人同行的，不過大家schedule不搭配，所以小的將會試這個了~
第18件事：參加一次遊行狂歡活動——感受激情與狂野
吓？要二十六夜…廿六舊蕃茄嗎？夠狂野嗎？其實我覺得我無啦啦去德國啤酒節已經好激情同狂野啦喎…
第19件事：見一個你心中景仰的名人
見到郭富城真尊算唔算？
第20件事：利用21天時間改掉一個不好的習慣
呃…我未戒得甩瞓覺前喪打機的壞習慣…改不了你那壞習慣…情感變了惡性循環…(唱歌都係壞習慣了？)((我諗買書都係，所以而家要努力睇努力清…))
第21件事：到施工工地等地方與普通勞動者生活一天
呃…這個有啲難喎，一齊到茶餐廳食枝竹火腩飯得唔得？
第22件事：每天閱讀15分鐘
努力落實中…只要我唔掛住candy crush既話…
第23件事：每天抽出一點時間和家人在一起
突然又有番住家飯食，食完一齊crush再邊睇《戀愛季節》和《心路gps》，都算呀呵？
第24件事：培養某種個人愛好
愛好即係？唔使培養架嘛…自自然然就有好多preference同唔like既野架啦…
第25件事：學會一種樂器
學緊，學緊啦﹗
第26件事：觀察眾生百態，品味生之樂趣
呢個我成日都做架喎﹗哈哈
第27件事：常回家看看父母
住埋一齊，好難唔回家又好難唔見到佢地啫…
第28件事：為往事乾杯——參加一次同學聚會
特登group番當年同班生既gathering就未，但定期會約熟既同學仔出嚟食吓飯咁。同埋fb度吹吓水咁囉…
第29件事：到你所心儀的地方去旅行
仲有十幾日就出發啦~~~
第30件事：在陌生環境中用自己的謀生技藝生存一段時間
轉了新工後算唔算做緊呢樣野？
第31件事：保持美滿婚姻
呃…要等一吓呢個…
第32件事：為父母按摩、擦身
細個我地興R背脊的…(阿旦的《那夜我替女兒R背脊》？)
第33件事：獨自在遠離人煙的曠野露宿
吓？咁爆…唔好啦…
第34件事：到天安門廣場觀看一次升旗儀式
當年去北京時睇過啦…
第35件事：尊重你的對手
我個人咁有禮貌，梗係有啦﹗
第36件事：偷得浮生半日閑——放慢生活步調
其實我係心急…不過又唔算好急…都唔使特別放慢吧？(硬係覺得乜都唔做就一日好浪費…)
第37件事：傾聽嬰兒的第一聲啼哭
其實我有啲怕BB的…
第38件事：尋找久已失去聯繫的舊日朋友
FB幫了不少~
第39件事：從心底寬恕那個曾有負於你的人
我最大的優點應該係來得快去得快，雖然好易開心或唔開心，但轉眼又被另一件事COVER咗…就是雙子性格溝淡了巨蟹的多愁善感囉…
第40件事：給孩子做出榜樣
而家SOMEHOW都要…
第41件事：為自己錄個像，看看在別人眼中的你
嘩﹗我剛剛因為某事而要錄段片…真係好嘔自己睇番時…
第42件事：選擇一個自己熱愛的職業
都算係有既…不過呢啲野有啲新不由己啫…
第43件事：從日常生活的小處著手，做個環保者
呃…其實都唔係成日有(囧﹗)最多係OFFICE度拎紙去再印和回收囉…我真係驚下世做樹俾人砍呀﹗
第44件事：與一個陌生人攀談
返工日日都要做架啦﹗
第45件事：將心中的感激之情表達出來
呢樣野我以前會覺得好難為情…可能人大咗或工作需要…是會表達了一點既…
第46件事：做個“白日夢”
咩呀…我日日都做架啦﹗
第47件事：到互聯網上“衝浪”
吓？我日日都上架喎…
第48件事：親手賣出一件商品
呃…我日日都在賣啦…
第49件事：訂立每週計畫、每年計畫或更長期的計畫
今年有訂年度計劃，已落實了一些，又做了些初步計劃等人回覆…好興奮﹗今年會好豐富和刺激﹗
第50件事：在大庭廣眾之下表演或演講——樹立自信心
我成日都要大庭廣眾吓講野架啦…
**************************************
好長，BREAK開兩篇先…下篇在此
沒有留言:
張貼留言
要講幾句嗎？﹗XD