2013/02/21

開博7周年誌

唔覺唔覺又一年了,又係時候感懷身世一番了,因為真係太時日如飛了﹗(今天在我心裡,是充滿不退的記憶~~~~)((究竟我活用了這首歌多少次?))

又嚟回顧吓click rate先…


6.          [港劇]《天梯》
9.          [港劇]最後的《天與地》

對照四個月前,其實都係電視劇文啦﹗看來其實我應該看泡劇才是王道﹗著了一半都係泡劇喎﹗有九篇是港劇相關…好囧。最囧係,《善良的男人》明明做完,但突然間標了上去,睇啲search keyword…係「善良的男人」、「結局」呀咁,好驚恐。但我明明有篇第五至六集…又無乜人睇喎…好奇怪…《天與地》真係好強,三篇都仲喺頭二十度(應該係近期重播所以read數有少少上升了…)…

我係咪應該多謝某人令小的無啦啦睇泡劇仲要勁發文…呵。

search一search,我quote《深愛著你》副歌歌詞的文可能有過百篇﹗巧京京呀﹗

話說,今年年初剛好17萬,轉眼前後兩個月倒19萬幾差唔多20萬了,哈哈(就只有你一個人在自high吧…),呃,就說喺呢個博已經唔多興的時勢,有人click嚟睇又有人嚟留吓言,即係呢,啲電視經唔拎上嚟講好難搵地方講架﹗噢耶﹗

不經不覺:
6周年 / 5周年 / 4周年(從缺) / 3周年 / 2周年 / 1周年

8 則留言:

  1. 你有幾篇有我的點擊率~哈哈

    原來你寫BLOG寫左7年@@!!
    我岩岩先開始炸..
    其實寫劇評o個D幾開心..
    不過要用好多時間..
    我有時睇完就算...明明睇左O個一刻有野想講..
    不過忙下忙下..就冇左件事..

    BTW..我依家都睇韓劇多..好少睇日劇喇....

    回覆刪除
    回覆
    1. re:星晴

      其實7年係計sinablog+blogger,未計之前再喺blogger和xanga的年代…好久遠耐到我都唔記得…

      劇評我一時時有心機,有心機時會cap圖寫多啲,無心機就point form寫晒想講的野出嚟就算﹗

      呢幾年經歷過好多人嚟留言又試過水靜河飛到無人嚟,又試過我自己狂寫和忙到一個月出得幾篇,其實無所謂既,有閒情鐘意就寫,之後睇番幾得意的~

      韓劇暫時無乜我有興趣的(《想你》仲未埋尾),而日劇,我係想聽番多啲當練listening呀﹗

      刪除
    2. 我以前都有用XANGA嫁..仲好俾心機去研究語法整靚佢!
      不過依家真係冇咁多心機喇..太忙LU~

      CAP圖係最花心機嫁.有時要CAP一張岩心水GE圖都會REPLAY好多次...
      我依家都係有咩想打就打.
      真係可能有時會冇人黎留言.不過其實都冇所謂.我都會照打.係自己打出黎.將來笑返一下自己都好..
      係呀!!如果太忙.真係一個月只可以出幾篇炸..

      你遲D去日本..係時候要練下喇!
      不過我依家上緊日文班.都應該要聽多D..
      我到依家都未背熟D 50音呀!!>.<

      刪除
    3. re:星晴

      n年前有個frd開了xanga寫日記,我又跟風,寫了一輪又停了,到05年倒又寫番,寫寫吓又唔想寫太多私人野,寧願風花雪月一番,於是可以搬到鮮奶的舊文其實唔多,而且自己睇番都唔知自己想寫乜,有啲topic自己鐘意既就補元番啲內文落去…

      我而家喺瘋瘋度睇劇,睇到某個位覺得值得cap就直接caP咗佢…所以我cap得好快﹗哈,之前喺電腦睇,又要screen cap又要去picasa度corp再save as,好煩,而家簡單得多了﹗有圖係有真相既,第時唔記得咗啲劇情睇圖係會易啲recall番…

      呢輪我好有心機喪出,其實自上年無啦啦勁睇泡劇就有番心機出文,keep住兩三日一篇咁,多啲產量先多啲人嚟吓…攪旺吓個場啦希望~

      哈,日文我真係差在應用,太少機會聽和講…所以要睇多啲日劇先得了﹗加油﹗

      刪除
  2. 我都感激某人, 推你都入下韓坑, 唔係你齋講港劇, 我都唔知點搭爹. 而家仲會寫博的, 其實真係得番幾個, 諗起都有啲唏噓.

    咁下年七週年我再黎留言啦~ XDDD 雖然篇篇都會click 黎睇, 但時間關係, 未必篇篇留言. 同可能都係一次過洗你版咁囉, 你習慣下啦XDDDD

    回覆刪除
    回覆
    1. RE:紫熊

      我真係多得某人唔少呀﹗哈哈,不過聽/吓睇吓新野REFRESH/擴大吓眼界都係好既,跟住而家啲同同都有睇泡劇,大家有共同話題了。其實我講港劇通常都係睇了一兩集的極速後感,大部份都爛尾收場的…
      哈哈哈,無所謂啦,得閒你來串吓我門子(但唔好串我﹗),我見到啱搭到嗲的話題又去你度留吓言,傾吓傾吓又識到啲新博友,都OK既,有舊人唔寫,又有新人加入,都幾開心丫…~

      刪除
  3. 得閒返黎呢到睇你D BLOG呀XD

    其實我幾中意xanga,成班有一半以上都有,會用xanga去交流.
    但交交下就轉左去面書交流!
    我有時都會想打xanga當日記,但唔知點解有一日話我PW錯.入唔返.
    依家我有時都會返去睇.睇返自己打左咩.有時真係好好笑!!

    你咁CAP圖真係好快!我係用電腦呀!
    用KMPLAYER較岩位去CAP,有時好難!!
    所以一整就會整好耐

    你努力出文!我會睇GA! (特別係做功課,做得悶時,我一定會去唔同地方玩,留言就睇情況!)

    岩岩TEST完日文.我都覺得我應該要睇返多D日劇,聽多D日文歌先得!!

    回覆刪除
    回覆
    1. re:星晴

      哈哈,多謝~我n年前喺xanga啲文就係貼歌詞跟住寫幾句無頭無尾的非完整句子,有時無頭無尾到而家睇番我都唔知自己寫乜,所以搬blog時好多太廢的都無copy到,有啲留番既就補吓後感。
      面書我只add了真係識的朋友,初期我都有喺面書貼blog link,不過後尾又無了,其實個blog俾朋友知無問題(我都係風花雪月啫),不過係唔想大家留言講野時講了太多真實的東東,我成日想keep番啲私隱,但寫得自己又不免會爆出嚟…條line好難take…
      cap圖我初初都係screen cap再喺picasa度save,但太煩了,所以索性在手提睇,直接save,唔使煩。不過就會有好多logo呀字幕組的東東囉~
      你也有學日文?(我成日覺得你似係學泡文…XD)…聽多啲日文歌有用架,我成日聽聽吓就發現無啦啦解得明一句歌詞的說…

      刪除

要講幾句嗎?﹗XD