2012/12/26

[港劇/洋片]《幸福摩天輪》~雷﹗/《Twilight: Breaking Dawn 2》~笑﹗

台慶劇(這套這套)落幕沒有追啦,跟住的兩套傳說的砲灰檔的新劇…《法網追擊》又有羊兒…我實在受不住啦,於是本身我幾鐘意追的律師劇都敬謝不敏了。至於830的這套《幸福摩天輪》倒可以吹吓喎…

傳說陳Jason被捧上位了…咁佢同蓮達妹都幾襯,套劇用尋人社福機構做背景,喺尋人的過程中帶出各式各樣感人的故事咁話喎(維基如是說)﹗以這幾天在家食飯因而lap到幾集的劇情…蓮達妹個角色真係煩到爆喎…

No offense(比起羊兒的煩厭程度,蓮達妹我是覺得佢ok的…我講個角色咋﹗)…雖然話幫人搵番失散親友幫人圓夢係件好事,但阿如楓(蓮達妹)那種鍥而不捨死追不放跟住一副「我都係為你好你俾我幫你啦」的面口是十萬個煩厭啊﹗連當事人(羅蘭姐和羅樂林個case啦)都話算既時候佢係繼續鍥而不捨地起人底…呃,原來羅蘭姐50年來不能回港搵細佬係因為佢殺咗姜爺(鄭子誠﹗有陰謀呀﹗)…即係呢,雖然佢卒之係解開了羅蘭姐弟的心結,又幫佢搵番以為死咗的周聰叔叔(少年版係二少喎﹗而少年羅蘭係姚子羚,細佬係唯唯,三個cast我都鐘意…想睇番添﹗笑)…但就揭晒人啲不堪回首的往事…咁樣追尋真相追到天腳底…我看到揭人陰私多於感人啦…(現實中呢個姐姐仔應該去蛇果報做狗仔隊啦﹗)

打文的時候如楓又同師兄(阿Jason)追住林lone妹拎馬helen的contact(好《誰家灶頭》的cast﹗),嘩﹗馬helen好歹係林lone妹的客人,點可以話俾就俾你架,呢個世界有樣野叫privacy架﹗

sorry,我係好怕呢啲大無畏鍥而不捨而不理人家感受既人既…sorry,可能係我錯…XD

講開鄭子誠,830佢做衰到無朋友的姜爺,930就做森美阿頭(是忠的吧?我無細心睇)…攪到我精神分裂…同埋係咪有巴斯光年?﹗巧京京﹗(睇維基說《摩天輪》之後播《老表你好野…》…又唔使睇了…)

**************************************************************
放假無聊就去歡樂早場一番,之前已經睇咗《孤星淚》,咁就無聊去睇吓吸血仔啦,我一路以為我睇了頭三集係無睇上集阿Bella生bb,原來第三集我都應該無睇喎…

呃,呢套野呢,其實應該話成個collection都係,都係一開始談情說吓愛咁,行行企企食飯兩味,跟住就進入危機mode,之前一路都係Bella喺殭屍家族度引來殭屍公證人(?)的殺機,今次有新意啦,因為阿囡囡被認為係半人半殭屍的不死孩會有危險,所以要殺咗佢…咁阿Edward和Bella就為了保護個女而奮死一戰…

估唔到呢…第二集時悶到我全程推銀時…呢集的爆笑位係勁多﹗

  • 爆笑位首推狼人結尾問愛德華「我係咪要叫你做外父」…我真係笑到收唔到聲…差啲想拎個手提出嚟影低佢…
  • 呢個笑位令到我隔離兩位昏昏欲睡的觀眾為之一振…但笑完就出endroll了…囧﹗(都好…係時候去食個早餐…)
  • 第二梗係個fake爆人的大戰,當我為幾令仔的殭屍爸爸的死而感到哀傷時…吓?原來成場打大交的大龍鳳係Alice俾阿意粉殭屍的預像…我囧了﹗
  • 友人傳來白面仔Robert的訪問話今次啲殭屍好世界觀,有來自世界各地既朋友參加咁話喎…呃…點解無我國既殭屍先生?(係咪因為代表人物林正英已經過咗世?)
  • 而之前佢仲死口話阿囡係不死孩一定要殺咗佢…睇完啲預像後就轉口風話唔使殺佢…收隊…囧咗…我又笑了…
  • 其實一嚟俾呢位轉口風的叔叔同阿女接觸一吓咪知佢唔係不死孩囉…使乜走勻世界各地搵呢個搵那個做見證人呢?
  • 講起場大戰…啲人跑住去對打我又忍唔住笑了…平時佢地喺山頭度唔係飛嚟飛去架咩?
  • 係啦,平時佢地飛嚟飛去架嘛,點解出門要坐飛機咁認真?
  • 同埋要整黑市passport既?
  • 而…點解愛德華兩公婆喺陽光下的花田中攬攬錫鍚得嚟都無變鑽石身既?
  • 一開始話阿Bella生完bb垂死卒之愛德華要咬佢了,咁佢就昏迷了兩日,醒番無耐佢就第一次抱個囡啦,我們都有疑問…那個bb雖然巧可愛…但係Bella和愛德華的合成樣嗎?勁假喎﹗
  • 而佢轉個頭就由手抱bb成長到成為6,7歲的小孩…都係巧可愛…不過個樣都係有啲假假地…雖然比個bb真架啦…
  • 最爆係阿狼人無鬼啦啦話自己情傾咗人家個囡,仲要同人地阿媽話原來我唔可以同你一齊係因為你個女呀﹗俾我係Bella都想打佢啦…仲要同人改個花名…尼斯湖水怪喎﹗即係話人家係怪獸?(但人家阿媽轉頭又無野照俾狼人咁叫了…)
  • 之前睇報導介紹劇情時即刻諗起…是殷六俠的朋友嗎?未婚妻俾楊逍搶走就去娶人家個女…囧﹗(我講緊《倚天屠龍記》)
  • 我仲諗狼人掛住追人個女唔得閒除衫時…佢就喺Bella爸面前表演除衫了…阿爸叫佢唔好除時大家都爆笑了﹗我唔明…佢除淨條底底變狼時都唔見有著住呀?咁即係變狼後啲衫係唔會著住喺身啦?咁除嚟做乜?不過都好過前幾集除衫得嚟又唔係拎件衫同Bella包紮喎…無厘頭爆…
  • 阿爸絮絮唸話阿Bella唔會又變動物佢睇時我又爆笑了…

呢套真係歡樂到不得了…作為一個買書狂魔,我係買過第一集的小說了解吓點解呢個series咁有魅力…卒之咁多年嚟我揭都無揭過﹗哈哈哈﹗(我會俾粉絲打嗎?﹗哈哈哈)

第一集:青春愛情片~《Twilight》
攞命的第二集:看戲假期:風雲2、十月、摩C、新月

8 則留言:

  1. 你好呀~
    我是星晴.在紫熊那邊看到你的BLOG的.
    我一直也有看呀!因為我也會看TBB的劇集.
    有時看到你的BLOG文.真的會有同感呀!

    現在830這一套真的很一般呀!
    我也受不了女主那個角色呀!
    今天這一集真的很有問題!明明幾分前說明白到VINCI的工作原則.但下一秒鐘一來就說是她的朋友.我看到真的嚇了~這個角色太可怕了! 還有我覺得每一個故事都好像要他們解決到案件.好像每一個故事很感人似的.但我覺得太煽情了~所以感覺真的一般

    相比下《法網追擊》比較好看一點呀~
    可能因為是律師故事.所以不錯~
    但其實也很公式化了.案件又是跟之前的劇集這樣.只是人物及愛情線不同~所以其實也可以不看XD
    PS 但我也快接受不了楊怡了~

    回覆刪除
    回覆
    1. RE:星晴

      你好呀~謝謝來留言了~哈…
      tbb的劇我其實追既唔多,多數係成飯時被阿娘逼我睇…多數出得文既都係覺得騎呢的﹗哈哈哈

      830這部溫情小品本來都ok,但我不喜歡女主角追到天腳底的性格,一副我為你好你就應該接受的樣子,sorry,我不接受這一套啦…

      vinci是奸角吧?她想和師兄(jason)再續前緣而會成為師兄跟如楓的障礙,既然佢係奸既,咁突變都是正常的啦…(笑)

      《法網》有人說森美太chok,但以我行出行入唔覺意聽到的劇情感覺是ok…只是我不喜歡楊怡了…見到佢就唔想睇(這是繼胡囧之後另一人有呢個神奇效果~~)哈

      刪除
  2. Jason哥哥以前係明珠台做主持講英文口音好好聽XDD(離題...)
    不過,好開心佢終於上到位啊...

    930:唔知道點解而家一睇楊怡,就會不禁睇佢個鼻,真係越來越突出!!
    森美與許紹雄企係一齊,我會諗起新紮師妹XDD

    吸血:就係覺得愛德華兩公婆個女好靚
    其實我只睇過第一集,當時被朋友拉左去一齊睇,點知道睇到訓甘濟,但之後無再睇居然都可以跟到佢進度XD

    回覆刪除
    回覆
    1. re:小木

      jason哥哥講廣東話好似有少少吃力,做時裝劇輕輕鬆鬆的就ok…如果做律師那些要咬字準又大lum對白的怕且佢會handle唔到啦…

      又說之前《衝呀﹗瘦身兵團》jason仲做緊呃唐詩詠的衰人,而家就升呢做男一了…都好,唔使吓吓睇嚟睇去那一兩個…

      楊怡明明好地地…都唔明點解要整成咁…個鼻真係好令我分心…哈哈﹗森美跟benz雄…如果有埋周麗肥和周聰我真係笑了…

      吸血呢…其實我係去睇笑位的…同親同事分享觀後感都要先問吓人家係咪粉絲,廢事踩完一輪原來係人家最愛就中招啦…
      愛德華都係白面白到尾…反而阿bella個化妝好得…成熟得嚟又唔係好老氣…

      刪除
  3. 830同930都冇睇....應該係話開左但又唔睇......(冇計,我爸係要開...)
    不過lap左少少,老爸話:「linda妹同jason又幾襯,好過同bosco & 林lone」,睇睇下,有岩啵,jason兄呢個type係tbb (或hk)冇邊幾個,值得捧。

    930出街食飯冇得避lap左少少,講起tbb真係連茄呢啡$都慳,成日去mk拍,

    回覆刪除
    回覆
    1. RE:喂丁

      我都係阿媽睇先逼住聽聲…不過俾我耳濡目染之下佢都認同話蓮達妹個角色好煩了﹗哈哈哈…雖然佢同jason係幾襯…而大家都對無記多個男角睇感到好高興…

      以後見到無記拍野要閃開…唔係入硬鏡…哈

      刪除
  4. jason哥哥好似外國番黎啊(?)佢講廣東話算正過JJ同金剛啊XDDD我估無線唔會比佢做古裝,咬字問題一定唔得...
    無線升得佢好快,可能見佢夠親切感,師奶們又鐘意靚仔XDD(謎之聲:我唔想成日睇黎耀祥出現...)

    可能佢覺得整完會覺得靚左掛(但我覺得整完仲衰左甘)好鐘意網民幫楊怡個鼻改個名叫木偶鼻,真係越睇越似,唔同角度睇個鼻長度都會不一樣!!(超神奇)到底我有無睇佢做戲XD

    回覆刪除
    回覆
    1. re:小木

      係咪英國?佢講廣東話又未算得上吃力…不過發音好似用英文拼出嚟咁,硬係覺得唔似咁啫…古裝做輕輕鬆鬆的如《皆大歡喜》就得囉,廖big兒都做得嚟啦當年…

      楊怡個鼻呢,本來唔覺咁勁…但唔知係咪佢諗住少少少少咁整,整吓整吓變多多…而家就攪到巧京京…好誇張…望落好唔舒服…令我唔想再睇到佢囉…

      刪除

要講幾句嗎?﹗XD