2014/03/12

[港劇]放過我啦…《食為奴》

難得吃一餐家常便飯,有《守業者》的萬年情深馬小生和不能逃「鼻」的羊視后,送生果…就到《食為奴》,救命…人生最苦的是想轉台被阻止,想收細電視聲浪又說聽唔到被逼睇和聽﹗

  • 據我娘說,初初呢套野有何雁詩女扮男裝跟王祖藍打打鬧鬧的都幾好笑,無記拍呢啲煮野食既輕喜劇都ok既,佢本來話睇得幾開心的說…
  • 但據阿娘說,自從劇情比重放了越來越多在強烈創意版的「雍正王朝」就越來越不好看…但因為家中有老人家要睇,於是我地被逼聽電視…
  • 就說因為送飯,所以我是看一集沒看一集的,係,我是以偏概全的﹗
  • 其實我真係好想清朝有無「時間」呢個term,劇中人係會好直接咁講「我無時間呀…」咁…呃,清朝已經有陀錶,可能係我諗多咗…
  • 跟住皇位之爭條線,又係岳華﹗佢喺830的《守業者》係潘家大家長(民初家族劇的定律是會死喎﹗),930的康熙已死了…無(被逼)睇一輪,皇帝已經由康熙轉了做雍正囉…
  • 由阿Ben哥哥做雍正看似ok,如果我無記錯雍正係等到中年先做皇帝的嘛,而且佢登位之前乾隆已經「婷婷玉立」(XDDDDD),據說,康熙鐘意個孫多過個仔…um
  • 呀,查一吓維基,雍正登位時是四十四歲,同阿Ben哥哥年紀外型都吻合的時候…嘩﹗睇tbb專頁…角色是三十二歲囉﹗我接受唔到呀﹗
  • 跟住同啲妃子會洞房花燭夜…我想死囉…(因為我無睇只係聽…我想問會唔會著番無記的萬年鳳冠戲服呢?)
  • 而阿雍正哥對慕雪咁情深…我差點以為萬二蚊姐姐係演呂四娘添…
  • 那個甚麼乜妃琴日同太后(呂珊)告慕雪用巫術害佢…開口埋口「那個女人」、「嗰個女人」咁…一點都不大體十足十八婆咁喎﹗(呢個時候我諗起《溏心胸部》啲女人你打我我打你戲…囧)
  • 或許是要突顯出年若碧(胡定欣)甚麼的妃子大方得體吧?﹗囧
  • 至於會抱住細路女後面爆出架私家車的八王(張繼聰),我想話琴晚那集佢走去殺雍正,開口埋口「雍正,你去死啦…」咁…呃…雍正不是年號來的嗎?怎麼變了個名?而家會唔會有人「平成…你食咗飯未呀?」,或者「伊利沙伯二世,你食咗早餐未呀﹗」呢?
  • 阿雍正跟慕雪情深到寧要江山不要美人,真係不愛江山愛美人的愛德華八世都唔夠你揮囉﹗
  • 跟住呢阿太后呂珊,劇情說她是雍正的生母,好爆,睇番真人年紀呂珊姐姐只係大阿Ben哥哥三年,角色…呃…點解可以生得出咁大個仔呢?好爆。嬴咗當年《富貴門》家燕媽媽大過呂良偉七年做佢阿媽既紀錄﹗
  • 我係咪太認真找碴呢?﹗哈哈哈
  • 王祖藍跟何雁詩條線相對係輕輕鬆鬆鄧梓峰,好鬼《金玉滿堂》那種笑吓煮吓野食咁,又係煮野食(又係御膳房?),又係有皇宮愛情線,咦,江華演乾隆…而佢喺《九五至尊》度演雍正喎…(做乜咁既劇我都記得既呢?即係話路線好似啫…)
  • 但睇劇情介紹話遲吓天寶(王祖藍)都會加入八爺爭位之爭喎…(巧京京囉﹗唔怪得我娘話唔好睇了這套劇)
  • 呃…啲王爺…都係睇《步步驚心》開心啲…雖然我已經無睇同埋我極度不喜歡鄭視帝…囧
******************************************************
另一套《守業者》,完全可以拎番《鐵血保鏢》+《碧血鹽hill》出嚟講:
  • 馬小生究竟做了幾多次老好人呢?佢究竟要做幾多次家族拯救者?佢究竟要做幾多次本身唔志在家族事業,係大家長死咗佢先逼住行出嚟咋﹗
  • 而羊視后個女主角,喺呢啲家族劇入面,究竟要幾多次set做比男主角低?究竟要幾多次set做出身低但學識、智謀好令男主角欣賞佢?究竟要幾多次因為身份差別被人看低但男主角還是堅定不移的跟佢相愛,顯出男主角係幾咁perfect呢?
  • 每集(食飯時唔覺意睇到)都係馬小生跟羊視后在一路行一路討論身邊發生的事,呀﹗佢地真係大仁大義了﹗救世救民呀﹗
  • 就說,呢啲家族劇一定有個無用的代表(如《鐵血》的大哥黎視帝),有個野心家(《鐵血》的二叔劉江和二弟阿Ben哥哥),又實有個人未婚((或者勾義嫂﹗)),總之係懷了不應懷的孩子,any肥,跟住男主角就會出嚟救佢地於水深火熱…又係大仁大義之顯露呀﹗
  • 琴晚一集燕歡(六筒披住一頭現代剪法到不能的長直髮)被大眾勁鬧未婚懷孕有傷風化,跟住碧雲(邵美琪)又話原來十年前佢又曾懷了大少(麥包)的骨肉…嘩﹗呢條村真係…熱情如火…
  • 當然,馬小生和羊視后係冰清玉潔…到去食豆腐花…呃,我想問呢,民初順德食豆腐花,清朝北京(樓上的《食為奴》)又食豆腐花?﹗咁通行全國的嗎?(北方不是興食鹹的了?)
  • 還是百福落了product placement,這是植入式行銷嚟架?
  • 呃,即係呢,《鐵血》和《碧血》我都看得很高興,但這套我真係有極高的關機意欲…
唉…好擔心…下星期播等了好耐的《叛逃》…我又會看到爛尾嗎?還是索性睇番重播的《烈火雄心》無咁嬲呢?

6 則留言:

  1. 剛剛相反,我覺得皇宮條線好過王粗鹽條膠味濃郁既線

    回覆刪除
    回覆
    1. re:WINSON

      我接受唔到劇組將雍正改到咁情深款款…哈哈…看不下去了…

      刪除
  2. 聽講長腿姐姐係做少女,每次宣傳總有啲男演員行出嚟話呢個角色太後生做唔到,越兜越衰!

    回覆刪除
    回覆
    1. re:brownie

      當一把年紀的馬小生都可以做萬年情深有為青年,長腿姐姐又點解唔可以做少女呢﹗

      刪除
    2. 四十歲都仲可以叫青年嗎XDDD

      刪除
    3. re:brownie

      咁傑出青年都可以受四十幾的人玩啦﹗

      刪除

要講幾句嗎?﹗XD