就2014年開始以來我看過的戲，係咁易記一吓吧﹗哈哈哈
話說這部戲是大除夕時突然講起話去睇，又竟然仲有飛(夜晚喎﹗)，好啦，套戲是意外的正能量的(又是一套人地話ok於是我想睇了？﹗XDDDDD)，就是說得個講字係把鬼的，做吧﹗而那個皮包和入面的相，實在太fake人了，你又知我實會打開嚟睇呢？而阿發夢王呢頭放工就坐飛機去冰島，之後又坐船又搭飛機咁，我一路都以為係發夢…點知係真架喎﹗真係真亦假時假亦真…(看來我已經不太記得劇情了…總之是好看的啦﹗)
其實我係想睇《大鬧天宮》，但因為場次唔啱，想轉去睇《賭城風雲》(繼續發哥)，但又係場次唔啱。跟住我一路都以為星星的《西遊》今年會有新一集，點知無喎﹗大受打擊﹗之後就喺無野揀之下選了《金雞sss》。無乜期望諗住入去笑吓就算之下，um，同第一集講香港起起跌跌好唔同，唔知呢，當年沙士之後重創重新企喺新呢，係好有正能量(就如當我見到2046年特首係劉華的時候…)…呃，但而家我就好似哥頓哥見到尖東已經唔係尖東咁，唔，已經無乜希望可言…只能唱吓「誓要去…~~~入刀山~~」回味吓當年咁囉。
二彎娜突破性演出當然係一絕，歪文扮哉也哥似模似樣又係爆，古黑子的江門古黑子更係笑鬼死我。好啦，但其實我最深印象係鄭中袖對人歡笑背人唱歌，那一曲《人若然忘記了愛》令我猛然想起其實佢唱歌真係好好聽(當年《時間．人物．地點》隻碟係好好聽的，除了《人》和點題曲，仲有首我loop極都仲咁鐘意的《天意》)，um，或者我地而家面對呢個崩壞的世界就只能係咁，工作時工作，放工先做番真正既自己…um，有時我都覺得自己好假…但又可以點呢？
究竟里奧哥和馬田史高西斯合作了幾多次呢？看一看，四次﹗《紐約風雲》小的看了幾廿萬次，尤愛最後一幕19世紀的紐約pan開變成現代紐約，《無間道風雲》和《隔離島》沒看，即係話我只看了頭尾兩部，怎麼我覺得我好似好熟佢地既風格…哈哈哈﹗um，是咁的，套戲好放，放在啲性毒粗放到無一刻停過，三個鐘的片長我覺得如果cut晒啲粗口應該得番一半。個故仔我無意見的，就係股票大亨的高高跌跌，友情愛情親情乜都有啲咁，跟住里奧哥使出好少見既占基利式癲放演技(面容扭曲呀﹗扭曲呀﹗我最驚架嘛﹗)…呃…以片論片，好過之前的《大亨小傳》。
呀，睇到中間要駛著遊艇去瑞士，遇到大風暴船頭玻璃爆晒又盛…我心諗，唔係真係玩《鐵達尼號》嘛…囧。只是…真係太多粗口…女人…毒品…多到有啲煩…如果唔係隔離位有人，我諗我打機打到電話無電都似。Any肥，唔係太戲既問題，應該係我？﹗﹗﹗﹗﹗
唉呀，呢套西田敏行叔叔只係出了一個小小的場，主角係東洋版捲捲毛(好啦，人家叫大泉洋)，主線係豐臣秀吉同柴田勝家點樣爭餐慒，演二公子(？)的妻夫木聰好可愛﹗(佢同西田敏行叔叔又讓我想起黑媽媽和好悶的《Fly with the gold》)特別係沙灘搶旗大賽﹗笑到我死咁濟﹗(其實佐藤浩市都好爆的﹗)um，套野雖然人物多，又穿插好多歷史野，不過都ok既，我好歹都叫煲過吓《信長的廚師》(不過未埋尾之嘛﹗)，啲人名好多都係聽過既，返屋企啦啦聲拎本《戰國日本》出嚟煲一煲，呀，戰國各路英雄到德川家康忽然殺出幾峰迴路轉，唔怪得拍咁多戲寫咁多書整咁多game都仲有咁多野繼續出了(後知後覺的人字)…
而，當年啲人既審美眼光真係幾特意，貴族女人係搽黑啲牙(但據說咁樣係有助防蛀牙的)，um，估唔到爭餐死之後嬴出的是阿松，而阿松就係《利家與松》的阿松…由反町嫂菜菜子變咗剛力彩(黑？)芽﹗巧京京啊﹗
Any肥，睇劇情介紹人們都說呢套比起三谷幸喜的前作無咁癲和好笑，都唔係呀，成場無乜冷場，笑點很充足呀﹗不過如果小的再更認識戰國歷史人物會更好囉…嘻嘻…
全香港只有element有…好慘烈。Um，本來無乜興趣，但見睇完《同窗諜影》後又有一套打打殺殺的，而主角是呂珍九didi，而佢終於唔係演主角的童年而係佢本人做主角，劇情又話佢好似小漁兒咁俾一班癲的人養大成殺手，咁我就好好奇的去睇啦。看後先發現原來《盜賊們》的金允石演養大珍九didi的惡人們既阿頭，真係好似《絕代雙驕》惡人谷咁每個惡人都有一個絕技，跟住各人對珍九(華頤呀佢個角色係)都有不同程度的親情，然後當然穿插華頤的身世之謎，咁最後真相大白時咪你殺我我殺你，呀，呢吓同《三個特攻美少年》咁打極唔死…好恐怖，點解泡菜人中幾千萬槍先會倒下既呢？
中途我瞓瞓地魂遊太虛，究竟華頤有無讀高中？個女仔係咪純粹喺術度識既呢？﹗看來我要睇多次解吓呢個謎…(無，我見祖國都有字幕版啫…)
上面套野有《盜賊們》的男主，呢套有女主金惠秀(其實我有少少興趣睇佢套《職場之神》的…)，然後個男主宋康昊係好出名的實力派演員？﹗(係我不知道了)佢地一個係演名妓，將演強大觀相師的男主從鄉下拉出來，(咦﹗好有《赤腳小子》feel)，唔出尤自可，一出因為太準攪到連皇帝都搵佢，唔使講當然係惹禍上身。而didi演男主個仔，一心想靠讀書重振家聲(因為爺爺年代犯事了)，以為係阿仔任性用人家的名義去考試，中舉做官，跟住因為太直正得罪朝貴攪到…唉，巧慘。Turn out先發現原來係舅父獻計圓佢當官為人民服務的願望，嗚﹗我想哭啊﹗而didi最後一幕死時(哈﹗我劇透了)…首陽大君(李政宰)好賤格呀﹗明明已經搵人整盲佢…仲要射死佢…攪到佢無戲了…嗚…
先睹為快既野…就是說情聖仲吉果然係didi沒有點開拓過的領域，笨笨呆呆既多嘛(韓泰善唔算了？)，而佢好似成日都演啲成績差的高中生了？﹗(只有修夏…但修夏其實沒完成高中…噢)，微博有同好說，仲吉打交勁差，跟住到修夏練得有板有眼，最後會變成京畿道打架王南舜君﹗﹗﹗(撒花﹗拍手﹗)any肥，睇微博同好們都說劇本不完整，但didi破格演出挽回不少分數，咁我覺得係後段英淑(朴寶英妹妹)走咗後仲吉無啦啦為佢狂哭誇張啲囉，雖然一向常見劇情都係話男一一定唔會aware女一對佢既愛，係要失去先知要珍惜架嘛。同埋，喺咁高既橋，仲要喺行走緊既火車度跌落水都無事…仲離其過《掃毒》張家輝跌喺泰國跌落街都無事…um
***************************************************
完，以上。
沒有留言:
張貼留言
要講幾句嗎？﹗XD