近期常聽的歌~(11)~洪小弟和CNblue

洪卓立~《獨活》~某次行經小弟公司外牆見到呢個封面仲以為係林窿出碟﹗囧﹗嚇死我﹗呃，據說係小弟想配合歌曲成熟風所以想轉一個成熟滄桑啲既形象…但真係嚇死我…囧﹗

據說，小弟很喜歡麥豬奴n年前的《借火》於是就跟監制就想要首差不多風格的，出嚟就係呢首《獨活》，聽著聽著以為又係第三者呀個女仔走咗去男仔好慘呀咁，到最後先知個女仔堅決要離開係因為個男仔曾經出軌﹗噢﹗唔怪得要頹樣了﹗我想話呢，上一plug《誰》和之前的《Last dance》都極好聽﹗於是我就搵呢張《Timing》來聽，第一cut《是愛情》好有《濃本多情》feel﹗碟來其他歌也很不錯，相信是繼容天后《小日子》之後可以長煲的廣東碟﹗等我再聽熟啲大概可以出個後記了﹗

CNblue~《Can't Stop》~又是一隻好好loop的碟，主打《Can't Stop》初頭慢中間激昂好有上隻碟《Hey you》的感覺，但因為樓上的《Timing》(竟然﹗)實在太好聽，淨係cut《獨活》我已經可以怒loop，於是韓版(XDDDD)容和這張新碟我還未聽得很熟…umum

平井堅~《グロテスクfeat.安室奈美惠》~嘩嘩嘩嘩嘩﹗呢個消息實在令人太開心了﹗小的兩大飛佛合作喎﹗據說堅叔n年前同安室合作過喺節目度合唱，跟住佢想攪個合唱project時第一個諗起就係安室了﹗嘩嘩嘩嘩嘩﹗要等下個月出街…實在太令人期待了…(嘩嘩嘩嘩…除了嘩都唔知講乜好了…XDDDDD)

Aga~《一厘米》~睇頒獎典禮時見有啲新人金獎係Aga嬴了J. Arie，跟住無意中喺收音機聽到這首《一厘米》，勁舒服好好聽的說﹗喺而家濕濕吓的春天時節聽啲清爽既歌實在係太適合了﹗

Miss A~《Hush》~唔覺意click到的，一路都無特別追女團的歌，無意中click到呢首又幾好聽…呀，女團果然是競爭大，舞衣要性感，舞姿要誘惑…同秀智喺劇入面啲清純形象極大反比…umum

陳奕迅~《娛樂天空》~估唔到個班底竟然係來自周迅的喎﹗難道是因為同名三分親﹗any肥，爽爽的電子曲風，悠然自得的唱腔，就是聽落很爽…讓我想起《反正是我》年代的醫生那些《Because you are good to me》或《愛是懷念》的感覺﹗啊﹗噢耶﹗
*************************************
以上~