2013/12/19

[港劇]2014 TBB劇集前瞻

今年的《萬千雞精頒獎典禮》悄悄地(我覺得啫…我連邊日做都唔知…哈哈,我是看到芒姐post文上fb先知咋﹗)舉行了,好爆地,竟然係子華哥和杜太太得最佳男女主角,當我以為咁「我最喜愛」應該係親生仔的安慰獎既時候…係cool more和杜太太(再下一城﹗)好爆﹗真係好爆,無記真係越來越估佢唔到,還是佢見勢色唔對要做番啲野呢?

Any肥,唔覺意click到呢篇《TVB迎史上最弱年 兩部台慶劇居然一個獎都沒拿》,真係唔講唔覺,一講好覺,兩部台慶劇《法外風雲》和《On Call 36小時2》真係掃唔到乜野大獎,最佳劇集被《衝上雲霄II》拎咗,只能"MANG"車邊將拎飛躍男的王浩信計在內?﹗(佢有份演《法外風雲》的…)…呃,《法》我坐低看了一集,但見阿陳毛和黎視帝就意大利遊艇打官司的隨意和隨心…呃,我SKIP了。至於《On Call  2》,第一輯我還是有興趣的(雖然一年過去了…我仲係停留在第一輯的第5集…囧)

重點是…我完全不知這兩部是台慶劇呀﹗乜唔係《衝II》和《MY盛LADY》咩?﹗囧

Any肥,今年我看港劇少之有少少之有少,集數最多或許是《老表你好野》,其餘的就係17哥主演的3套(《巨輪》我都睇到十幾集的,其他兩部就各頂了幾集咁啦),本來覺得《衝II》有機完食,但實在受唔住啲煩爆的三角戀,SKIP,滿心歡喜的《金枝II》都好似睇了幾集既。UM,這就是我今年的港劇報告了…哈哈。你問我近年無記有邊啲劇好睇,我還是會答《洪武三十二》和《真相》囉~

好啦,先來回顧一吓上年的劇集:

金枝欲孽II—我好像只開了個頭同埋唔覺意睇了個平行時空的結局…其實我真係好鐘意第一輯,我仍然想向好的方向諗,而家個頹的感覺係我無睇晒成套劇所以先有呢個幻覺?著晒會覺得有其精妙之處?幻覺呢既,呃唔到我既﹗

On Call 36小時II–我好像只係行過去廁所時唔覺意lap到少少,點解我次次lap到都係gigi姐在講生命的美好,楊怡一時有bb一時無bb,每次佢都在多謝老公,跟住郭政鴻成日喊苦喊忽咁,咩呀?同埋唔知點解啲醫生次次都被病人的生死影響情緒,唔係話佢地冷酷無情,但你做得呢個專業總應識調整自己情緒吧?會唔會未免太為煽情而煽情呢?

仁心解碼II—一集都沒有看過…despite我係好鐘意方中sir和第一輯的…

巾幗梟雄之諜血長天 –沒有播到喎…但就算佢播應該都會如前兩輯咁行過先lap吓咁…

衝上雲霄II—其實我是有意圖或企圖認真看的(這篇這篇),但唔click真係唔click…看來我真的很不buy囧囧姐同佢支維他命水…就算佢個角色比起以前已經好咗好多…(就說我連第一輯都無乜感情…)

情越海岸線—好啦,是我粉絲失格,只看了幾集…哈

心路GPS—堅係我粉絲失格,不知何解我對這些溫情小品沒太有感…

叛逃—究竟幾時先播呀?我覺得呢套會挑得起我的追看癮架﹗

巨輪—雖然我有為佢落力寫了幾篇文(呢篇呢篇呢篇),也有熱情地追了一輪…但…um…就是有點婆媽…哈,同埋呢,我明要重造80年代場景係難既,穿崩係少不免的(看《天與地》),但簡單如tbb自己可以控制的差人制服可以執到啦掛?90年代都未著藍色制服…你恰我讀書少呀﹗

老表,你好嘢!呢套堅係好睇的,不過印象告訴我我只看了大半…哈

好心作怪–其實呢套我覺得ok的,不過公事忙既時候就沒法追看…

師父.明白了—成套劇我最記得係《化蝶》…同埋有人唔知原唱係hocc…吓?都係2005年既歌啫…未夠10年架喎﹗

神探高倫布—食飯時唔覺意lap到少少,每次都唔明點解唐詩詠一時正常一時喪癲…

傳愛事務所—出街時變了《法外風雲》,也不知道原來是台慶劇…更不知道佢播完了…哈

初五啟市錄—為甚麼唔係喺初五時播的呢?

寒山潛龍—沒有拍得成的吧?

單戀雙城—據說是接《舌尖上的公堂》的說…

戀愛季節—咦,係咪即係除紙山又叫summer,跟《心路gps》17哥撞名那套?

法網囂雄—出街改名成《熟男有惑》,睇了少少幾好笑的…雖然真係幾抄《紳士的品格》吓…

情逆三世緣—食飯時lap了好幾集,感覺其實係ok既,難得二人幾廿歲談情說愛都無突兀感覺…但就不特別在意去追…

神槍狙擊2013—點解全世界都係短打時得香香係背心?最爆係佢同《巨輪》一齊有綁架…哈哈哈﹗同一條橋怒翻兜…哈哈哈﹗

食為奴—這部…是有的嗎?

其實,堅係乏味,完全無一套可以全套完成,長係固之然,回帶的劇情先想死…哈哈。雖然同時候,我回帶了幾次《聽見你的聲音》和《學校2013》…哈哈。

至於2014年的,因為我miss了節目巡禮(連續第二年不知道佢播咗…囧),只能上網搵資料整理番,據說為了救亡,2014劇集會大大減少so-called無記強項的家族情仇劇,多番啲小品溫馨野咁,又即管放長雙眼睇吓點啦…

家族商戰類:
《商戰》黎耀祥、吳卓羲、蕭正楠、李思捷、黃德斌、馬賽、胡定欣
網上說:該劇講述現代商場的戰爭,劇中角色坐在高端寫字樓,開口閉口“億億聲”,一分多鐘的宣傳片中,全是收購、帳戶、大盤、應用程式等專業用詞,看起來不明覺厲,有網友已經表示:“看起來像《創世紀》,好期待。

其實我唔太鐘意睇《創世紀(太長太悶了…),《大時代》(算是商戰劇了?)其實我沒正經睇過,比較喜歡的是《笑看風雲》、《光寶氣》,又其實,劇情不太兒戲(即是說一班阿叔坐喺度話自己係董事,跟住有個娶了太子女的男人走入嚟話我已經收購晒你地既股份那些,都唔知幾多套係個男人以娶了大老細個女嚟搶間公司)的話應該會ok吧?鬥智鬥力你爭我奪如果有心思砌過吓個劇本其實係會引人入勝既,但呢啲要用腦的劇集通常都唔收得架喎…睇《天與地》就知啦﹗

《縱橫天地》趙雅芝、汪明荃劉愷威黃德斌唐嫣
網上說:圍繞名門家族,講述一個充滿愛恨情仇的家族爭鬥故

咦,係王晶監製,同埋已經拍完了…囧,唔怪得個卡士有咁多一早返了祖國拍劇的人既人腳啦…但會唔會好似《歲月lone人》那些咁…奇妙呢個效果?(睇劇情介紹,黎視帝演汪阿姐老公…好似係話幾廿年前同埋男的會早逝,唔係都幾驚)

《守業者》楊怡、馬浚偉、麥長青、邵美琪、唐詩詠
網上說:民初家族爭鬥中的生死之情,而且還有推理元素。會到廣州取景,呈現久別了的鄉土風貌

楊怡和馬浚偉﹗《big血鹽hill》﹗um但見到馬先生…佢會唔會係第n次飾演本來唔被睇好或選中為繼承者,但就無啦啦天將降大任於斯人也呢?(我講緊《鐵血保bill》)

《大藥坊》嘉欣、黃浩然、陳展鵬、唐詩詠、敖嘉年、楊思琦燕歌、潘志文
網上說:以中藥世家為題材的劇情設定,又讓人想起TVB過往由茶是故鄉濃》、《酒是故鄉醇》等劇集造就的美好

又是嘉欣bb和17哥﹗囧﹗

警匪片類:
《使徒行者》林峰、佘詩曼、苗僑偉、陳敏之、森美、江美儀張國
網上說:以3000個臥底被公開身份為爆點。陳敏之扮演ICAC,與飾演員警的苗僑偉在街頭對峙,江美儀是律政女強人,佘詩曼藏在汽車後邊說“我們被人出賣了”……潛伏、上千臥底資料洩露、跟全香港市民開戰等片段劇情看起來緊張刺激,而警匪街頭駁火大場面更是惹眼。

看樣子好似是很緊張刺激,但會唔會又係一貫formula,即係頭同尾係警匪,中間就談情說愛呢?

《天眼》陳展鵬、楊怡、黃德斌、田蕊妮
網上說:以監視系統為主綫,楊怡變身全副武裝打女,狙擊槍耍起來英姿颯爽,槍戰、撞車等大場面,更讓該劇看起來如警匪大片,最終點題是“天網恢恢、疏而不漏”,又是匡扶正義的英雄劇呢。

雖然看來不錯但我一諗起楊視后(我開始叫佢視后…即係我唔鐘意佢了)會唔會又以佢天變地變色不變的超強smoky eye和睫毛演呢個打女角色呢?囧

《忠奸人》吳卓羲、郭晉安、田蕊妮、李子雄、商天娥、陳智燊繼聰
網上說:像當年郭晉安與另一搭檔鄭嘉穎默契合作的《與敵同行》但由於吳卓羲的身份設置為警察,一切恩怨鬥智皆由此而起所以也可以看作是警匪復仇劇

又是一部好似很不錯但不知出來效果點既野啦,講起鬥智當年喜爺的《追魂交易》堅係好睇的話時造…

《飛虎II》馬德鐘、鐘嘉欣、梁烈唯、羅仲謙、黃智雯、胡定欣
網上說:馬德鐘和鐘嘉欣的“大叔和蘿莉配”組合,羅仲謙、梁烈唯和王浩信三人組成的TVB“鮮肉團”,還有一班新鮮熱辣的“香港先生”,如許家傑、高鈞賢、李晉強、何君誠等加盟新飛虎,養眼程度陡升;飛虎隊祭出最新裝備,“新飛虎有新造型,帽、槍、避彈衣上都比上輯更專業,更適合高清拍攝,比如馬德鐘的槍,上次是MP5,這次是M4火力更強,還會有更多的動作、爆破和槍戰戲。

我好鐘意大叔和蘿莉配呢個組合…第一輯其實我都有興趣既,比起宣萱我prefer嘉欣bb多啲囉…但…我有無時間睇啫…

搞笑類:
《老表,你好HEA》王祖藍、王菀之、郭晉安、萬綺雯、林盛斌湯盈盈
網上說:2013年迄今為止的收視亞軍《老表,你好口野》續篇。眾人在宣傳片中已經把各大熱劇都涮了個遍:如續集叫什麼名好?《老表狙擊》、《老表風雲》都很俗套;演員呢,一定要“型過Sam哥,大只過COOL魔”。

因為「型過Sam哥,大只過cool魔」這句我覺得可以期待喎﹗

《醋娘子》胡杏兒、吳卓羲、羅仲謙、岑麗香、郭政鴻、陳煒
網上說:本身並不開朗卻被TVB硬生生塑造成喜劇之王的胡杏兒,這部有點無厘頭的古裝,和以往的《公主嫁到》風格接近,目測會是搞笑喜劇

我鐘意「本身並不開朗卻被硬生生塑造成喜劇之王」這個caption…當年《公主嫁到》是幾好笑的(雖然我更熱愛《王老虎搶親》),胡囧姐的攪笑能力吧…umum…

女人劇類:
《女人俱樂部》(M Club)李若彤、李麗珍、陳慧珊、葉藴儀、張慧儀、吳啓華丹瑞、岑麗香
網上說:靈感來自韓國大賣電影《陽光姐妹淘》,中女回味青春少艾友誼同聚再創輝煌的情節設定應該很對師奶觀衆的胃口。宣傳片中,既有眾人年輕歲月的懷舊場面:學生裝、齊劉海,懷舊不失搞笑;而之後眾女步入中年,各種危機卻讓友情備受考驗。

之前《富貴門》請來呂良偉出山但反應麻麻,唔知今次搵番咁多90年代女神又會如何呢…

《水髮胭脂》蓋鳴輝、黎耀祥、陳智燊、龔嘉欣
網上說:中女蓋鳴輝與黎耀祥的一段歡喜姻緣,蓋鳴輝反串小生,有大幫女戲迷;而妹妹龔嘉欣有一批觀音兵,郭家兩姐妹“求姻緣”的過程樂趣重生。

見到蓋鳴輝反串我只會諗起…《尋秦記》的龍陽君…哈哈哈﹗

翻兜類:
《太監五虎》黎耀祥、黃浩然、蕭正楠、陳國邦、曹永廉、邵美琪胡定欣
網上說:2012年台慶劇《大太監》傳說中的續集,故事講述清末五位太監在清朝滅亡後出宮的生活,他們走出皇宮後發現清朝遺留的大寶藏,於是化身馬賊、西裝大賊和國民黨、員去奪寶,還會有連場動作場面。劇中曹永廉會癡戀飾演“小白臉”的蕭正楠,二人譜出一段斷背情。

吓?會變成笑片嗎?

《貓屎媽媽》黃宗澤、岑麗香、胡定欣、米雪、古明華、朱咪咪浩信、楊愛瑾
網上說:《巴不得媽媽》續篇

沒有看沒有看沒有看沒有看…

其他類:(也就是唔知點分類:)
《陪著你走》陳豪、胡杏兒、黃翠如
網上說:TVB如今“以重口味造就話題的潮流之外無私奉獻的一抹小清新胡杏兒扮演的盲人運動員與領跑員男友陳豪之間的動人故也許也能成為香港人大魚大肉之外的新選擇

有點懷念胡囧囧《流金歲月》時的清新味…呃,個妝唔好化咁濃可以嗎?

《愛我請留言》黃浩然、黃翠如
網上說:帶出現代人喜用電子通訊工具溝通問

啊,原來已經拍緊了…

《再戰明天》吳啓華、徐子珊、黃德斌、滕麗名、王浩信
網上說:從宣傳片看應該是以監獄為題材的劇集。

咦,會唔會好似n年前《黑夜彩虹》那些講人生如何從頭做起的呢?btw,程至美醫生都有兩套劇,佢同無記做番朋友了…

 順手貼埋傳說中的綜藝節目:
  • 《龍婆一鬼一故事》羅蘭 
  • 《辣㷫王》李思捷(謎之聲:那一格其實係乜野?) 
  • 《食平DD》肥媽 
  • 《星夢傳奇2》 
***********************************************
好恐怖,咁樣貼吓改吓寫吓就寫了兩天﹗哈哈哈…但其實寫完一大堆劇集我又未必睇…哈哈。算啦,鬼叫年年寫,已經係個習慣啦~

4 則留言:

  1. 我覺得今年最好睇係巨輪,雖然都係婆媽,不過D劇情爽少少,睇都睇得開心D, 美中不足係無真係好利用到個歷史囉...其他都係虎頭蛇尾...衝2真係唔拍好過拍...

    回覆刪除
    回覆
    1. re:鈴

      我諗今年我最有印象的是《老表你好野》,《巨輪》…我承認我是有啲歷史潔癖,對啲錯時代既道具描述係有好大怨忙…哈。咁比起睇到我呵欠連連的《心路gps》和《情越海岸線》,《巨輪》係好睇好多既…

      刪除
  2. 巨輪雖然好多穿崩位但展鵬男神真係撐起晒成套劇,佢條線最好睇,澳門線幾悶下。
    老表、巨輪、好心作怪、熟男有惑、情逆三世緣、情越海岸線,這些都是今年我看過又好看的一類,推薦看完。

    蚊B的食為奴之前在WIKI看明天二月左右播

    回覆刪除
    回覆
    1. re:WINSON

      17哥個樣硬係奸奸地(笑),做啲亦正亦邪既角色係好殺,《巨輪》個角色明係度身訂造的啦…不過係我自己太忙無時間煲咁多劇,同埋無記啲野太易估劇情了…所以追追吓無心機了…哈哈哈
      其實我好期待《叛逃》,好驚佢擺吓擺吓直頭唔播呀﹗
      諗諗吓,成年以來睇得集數最多的可能係《老表你好野》,係飯時幾乎日日都有睇啲咁…
      蚊b、阿田、江美儀喺無記都有發展,加埋有線幫,無記親生仔女今年表現真係好失色呢…

      刪除

要講幾句嗎?﹗XD